Omicron wala pa rin sa Pinas – DOH
- Published on December 11, 2021
- by @peoplesbalita
Wala pa ring natutukoy na Omicron Covid-19 variant sa Pilipinas, batay sa pinakahuling whole genome sequencing na isinagawa nitong Miyerkules.
Sa 48 samples na isinailalim sa sequencing, 38 o 79.17% ang Delta variant o B.1.617.2 habang ang iba pa ay non-VOC lineages o walang lineages na natukoy.
Ayon sa DOH, ang latest sequencing run ay binubuo ng 12 Returning Overseas Filipinos (ROFs) at 36 local cases mula sa mga lugar na may high-risk average daily attack rates (ADAR) at case clusters.
Sa karagdagan namang 38 Delta variant cases, 31 ang local cases at pito ang ROFs.
Dalawa umano sa ROFs ang may travel histories mula sa Turkey habang ang iba pang ROFs ay mula naman sa Jordan, Mexico, Netherlands, Panama, at Peru.
Sa 31 local cases, anim ang may address sa Cagayan Valley Region habang limang kaso ang mula sa Cordillera Administrative Region (CAR), tig-3 mula sa MIMAROPA, Bicol, Western Visayas, SOCCSKSARGEN, at National Capital Region (NCR), tig-2 mula sa Central Luzon at CALABARZON, at isa mula sa Davao Region.
Base sa case line list, isang local case ang nananatiling aktibo, 27 local cases at lahat ng pitong ROF cases ay nakarekober na habang inaalam pa ang kinahinatnan ng tatlo pang local cases.
Ayon sa DOH, dahil sa naturang update, ang total Delta variant sa bansa ay nasa 7,886 na sa kasalukuyan. (Daris Jose)
-
Nasa bucket list din sina Alden at Piolo: JENNYLYN, dream na makasama si MARIAN sa drama or comedy
BONGGA ang interview ni Jennylyn Mercado sa Mega Entertainment dahil ikinuwento ni Jennylyn ang mga artistang nais pa niyang makatrabaho sa isang proyekto, isa na rito ang kapwa niya reyna ng GMA na si Marian Rivera.. Lahad ni Jen, “Hindi ko pa nakakatrabaho si Marian. Hindi naman drama, siguro puwede comedy para iba.” […]
-
DOLOMITE BEACH, MULING MAGBUBUKAS
INAASAHAN ang muling pagbubukas ng Manila Bay Dolomite Beach sa mismong Araw ng Kalayaan sa June 12,2022. Kaugnay nito, puspusan na rin ang paghahanda para sa muling pagbubukas kung saan tuluy-tuloy ang ginagawang paglilinis sa Dolomite beach. Mapapansin din ang ilang mga tumpok ng white sand na inaasahang ilalatag dito […]
-
4 na tulak timbog sa shabu at damo
APAT na hinihinalang drug pushers ang arestado sa isinagawang magkahiwalay na buy-bust operation ng pulisya sa Malabon city. Ayon kay Malabon police chief Col. Jessie Tamayao, alas-3 ng madaling araw nang isagawa ng mga operatiba ng Station Drug Enforcemen Unit (SDEU) sa pangunguna ni PSSg Edison Dela Cruz sa ilalim ng pangangasiwa ni P/Capt. […]