1-buwan libreng sakay sa MRT-3, simula sa Marso 28
- Published on March 26, 2022
- by @peoplesbalita
MAGKAKALOOB ng isang buwang libreng sakay ang Metro Rail Transit Line 3 (MRT-3) simula sa Marso 28, 2022.
Batay sa abiso ng Department of Transportation (DOTr) kahapon, nabatid na tatagal ng mahigit isang buwan ang libreng sakay o hanggang sa Abril 30, 2022.
Ang naturang magandang balita ay inianunsiyo mismo ni Pang. Rodrigo Duterte sa publiko nitong Martes matapos na pangunahan niya ang isang seremonya na idinaos bilang hudyat nang pagtatapos ng MRT-3 Rehabilitation Project, na pinondohan ng pamahalaan at ng Japan International Cooperation Agency (JICA).
“With the joint efforts of these companies and the DOTr, we’ve increased our train speed from 25 km/ hour to 60[km]/hour, while the time interval between train arrivals has improved to 8 to 10 minutes,” dagdag pa ng pangulo.
Kasabay nito, inianunsiyo rin naman ng pangulo na mula sa dating 12 hanggang 15 lamang, umaabot na sa 18 hanggang 22 train units ang available at bumibiyahe sa naturang rail line upang magserbisyo sa mga mamamayan.
Kabilang din sa nakumpletong rehabilitation project ang upgraded signaling, communications, at CCTV systems.
Natapos din ang pagkukumpuni sa lahat ng station escalators at elevators, at ang instalasyon ng air conditioning units sa loob ng mga tren.
Ang MRT-3 na bumabaybay sa kahabaan ng EDSA, ang siyang nagdurugtong sa North Avenue, Quezon City hanggang Taft Avenue, Pasay City. (Gene Adsuara)
-
After six months na isilang si Baby Dylan… JENNYLYN, pinaghahandaan na ang pagbabalik-taping sa serye nila ni XIAN
PATULOY na kinagigiliwan ng mga netizens ang panonood gabi-gabi ng historical fantasy portal series ng GMA Network na “Maria Clara at Ibarra.” Na ngayon sa story ay may nabuo pang isang magandang relasyon sa pagitan nina Klay (Barbie Forteza) at Fidel (David Licauco), kahit minsan ay para silang aso’t pusa sa eksena, dahil […]
-
Suspensiyon sa deliberasyon sa pondo ng PCOO, pinalagan ni PCOO Usec. Badoy
Unfair! Ito ang naging pahayag ni PCOO Undersecretary Lorraine Badoy matapos suspendihin ang budget hearing na may kinalaman sa proposed budget ng Presidential Communications Operations Office (PCOO). Ayon kay Badoy, hindi makatuwiran na nagkaroon ng delay sa budget deliberation na ayon sa Makabayan bloc ay dapat lang na isisi sa kanya. Giit […]
-
DEEP INSIDE MY HEART (Chapter 11) Story by Geraldine Monzon
NAPILITAN si Cecilia na puntahan si Bernard para humingi ng tulong dito sa trabaho. Sa pagbubukas ng pinto ay isang lasing na Bernard ang bumungad sa kanya. “Angela?” Hindi nakaimik si Cecilia nang tawagin siya nitong Angela. Nabigla pa siya nang yakapin siya nito ng mahigpit. “Angela, salamat at nagbalik ka!” […]