‘Queen of Visayan Movies’ na si GLORIA SEVILLA, pumanaw na sa edad 90 sa tahanan sa Amerika

PUMANAW na ang tinaguriang Queen of Visayan Movies na si Ms. Gloria Sevilla sa edad na 90.

Ayon sa article ng editor/columnist na si Mr. Nestor Cuartero, pumanaw si Sevilla sa kanilang tahanan sa Oakland, California noong nakaraang April 16.

Sumikat si Sevilla noong ’50s and ’60s noong kasagsagan nang mga Visayan-made films. Tatlong beses na nanalo ng FAMAS si Sevilla. Una ay para sa pelikulang Madugong Paghihiganti (1962) as best supporting actress. Dalawang beses naman siyang nanalo ng best actress para sa Badlis Sa Kinabuhi (1969) at Gumingaw Ako (1973).

Ilan pang Visayan films na ginawa niya ay Leonora, Pailub Lang, at Gloria Akong Anak.

Nadiskubre si Sevilla sa edad na 14 at una siyang lumabas sa pelikulang Princess Tirana in 1951.

Noong mapunta sa Manila si Sevilla, naging contract star siya ng Premiere Productions. Ilan pang mga pelikulang ginawa niya ay Dyesebel, Ito Ang Pilipino, Tatlong Mukha Ni Pandora, Kami’y Kaawaan, Dodong Ko, Banaue, Minsa’y Isang Gamu-Gamo, Kapit Sa Patalim, Nasaan Ka Inay?, Mga Mata Ni Anghelita, Emma Henry, Aliw-iw, Apat Na Maria, Pepe En Pilar, Isang Araw Isang Buhay, Guhit Ng Palad, Matud Nila, The Flor Contemplacion Story, Kay Tagal Kang Hinintay, Lapu-Lapu, at El Presidente.

Kinasal si Sevilla sa aktor na si Mat Ranillo Jr. at pinasok din ng showbiz ang kanilang mga anak na sina Suzette Ranillo, Lilibeth Ranillo, Mat Ranillo III at Dandin Ranillo.

Noong mamatay sa isang plane crash si Ranillo Jr. noong 1969, nagpakasal pagkaraan ng ilang taon si Sevilla sa aktor na si Amado Cortez. Pumanaw na si Cortez noong 2003.

Naging aktibo sa paglabas sa mga teleserye at sitcoms si Sevilla tulad ng Mommy Ko Si Mayor, Ang Biyenan Kong Mangkukulam, Esperanza, Bida Si Mister Bida Si Misis, Ganda Ng Lola Ko, Captain Barbell, Joaquin Bordado, Zorro, May Bukas Pa, Alyna, Budoy, Be Careful With My Heart at FPJ’s Ang Probinsyano. 

***

HINDI raw bothered si Bea Alonzo tuwing may nagtatanong sa kanya kung bakit hindi pa siya nag-aasawa sa kanyang edad?

Kung tutuusin ay wala nang puwedeng problemahin pa si Bea dahil bukod sa sunud-sunod pa rin ang endorsements niya, meron siyang mga properties tulad ng bahay at malaking farm.

May negosyo rin siya at nakakontrata pa siya sa isang malaking network.

Pero may iba pa raw priorities ang aktres kaya hindi siya nagpapa-pressure at nagpa-panic na mag-asawa na.

“Sa ngayon sinabi ko nga na parang ang dami ko pang gagawin. Parang ayoko naman na hindi i-prioritize ‘yung family ko kapag nandiyan ‘yung family ko. Siguro ngayon ipa-prioritize ko muna ‘yung mga na-oohan ko nang proyekto. “Sa totoo lang marami pa namang projects na natatanggap pa rin. And doon ko na-realize that I should represent Filipinas in their 30s na hindi pa nagse-settle down,” sey ni Bea.

Pero kung sakaling mag-propose daw ang boyfriend niyang si Dominic Roque, hindi raw niya ipagdadamot ang kanyang matamis na “oo”.

“I can’t speak for him. And alam naman niya na marami rin akong gagawin, alam naman niya kung ano ‘yung mga priorities ko sa ngayon. “Pero kung sakaling mag-propose siya siyempre o-oo ako,” ngiti pa ni Bea na nagsimula nang mag-taping para sa unang primetime teleserye niya sa GMA na Start Up kasama si Alden Richards.

***

NAG-PLEAD guilty ang Oscar-winning actor na si Cuba Gooding Jr. sa isang New York court sa pagpuwersa nito sa isang waitress na halikan siya.

Ayon sa lawyer ni Gooding na si Frank Rothman: “He admitted to one charge that he kissed a waitress without her consent, all the other charges have been dismissed. In six months, if he stays out of trouble, that charge will be withdrawn, and he will have no criminal record at the end of this.”

Isa lang ito sa higit sa maraming kaso niya dahil sa pangha-harass niya sa maraming babae. Higit na 20 women ang nag-file ng reklamo sa aktor dahil sa ginawa nitong unwanted touching and groping.

Ilan sa naging biktima ng aktor ay tinutulungan ni Gloria Allred na ma-pursue ang kaso in court na siyang hinaharang ng isang judge.

“My law firm and New York attorney, Casey Wolnowski, will continue to litigate our civil case against Cuba Gooding, Jr. in Federal court in New York on behalf of our brave client who alleges in her lawsuit that Cuba Gooding, Jr. committed an act of gender violence against her. We look forward to achieving a just result in this lawsuit,” sey ni Allred.

Gusto ng mga biktima ng Jerry Maguire star na pagbayaran nito ang kanyang kasalanan tulad ng producer na si Harvey Weinsten na hinatulan ng 24 years in prison dahil sa sexual assault nito sa maraming kababaihan, iba sa kanila ay mga artista.

(RUEL J. MENDOZA)