SEA Games hosting ng Pilipinas pinuri ng foreign sports officials
- Published on November 14, 2020
- by @peoplesbalita
Inaasahan ng mga foreign sports officials na mapapakinabangan nang husto ng mga Filipino athletes ang “state-of-the-art” na New Clark City sa Capas, Tarlac.
Ang nasabing venue ang ginamit sa matagumpay na pamamahala ng Pilipinas sa 30th Southeast Asian Games noong Disyembre kung saan hinirang na overall champion ang Team Philippines.
Pinuri ni Ibrahim Nada, ang Technical Director ng Athletics Stadium and Aquatics Center sa Aquatic Complex sa New Clark City, ang nasabing modernong pasilidad.
Sinabi ng Malaysian official na lalo pang magsisikap ang mga Pinoy swimming at diving teams na mag-ensayo dahil sa makabagong aquatic center.
Noong 2019 SEA Games ay sumabak ang 135 atleta mula sa 11 member countries sa swimming, diving, water polo at artistic swimming sa naturang Aquatic Complex.
Nagpasalamat naman sina Harry Warganegara ng Indonesia Olympic Committee at Kunihito Morimura, ang president at Chief Executive Officer ng Dentsu Sports Asia, sa Philippine Southeast Asian Games Organizing Committee (PHISGOC) dahil sa matagumpay na pangangasiwa sa 2019 SEA Games.
Tiniyak nina Warganegara at Morimura na muli silang babalik para makita ang pagbabago sa ‘sports landscape’ ng bansa.
Ang 31st edition ng SEA Games ay pamamahalaan ng Vietnam sa susunod na taon.
Matapos namang isumite sa pamunuan ng Philippine Southeast Asian Games Organizing Committee (PHISGOC) ay nakatakda namang ibigay ni PHISGOC Chief Operating Officer Ramon Suzara ang kanilang Final Report Book sa SEA Games Federation.
-
PAGCOR, PCSO tinintahan ang guidelines para sa pagpopondo sa Universal Health Care
SINABI ni Philippine Amusement and Gaming Corporation (PAGCOR) na lumagda ito sa isang joint circular kasama ang Philippine Charity Sweepstakes Office (PCSO) ukol sa pagpapatakbo ng kani-kanilang alokasyon para pondohan ang Universal Health Care (UHC). Ang circular, kung saan nakadetalye ang operational guidelines para sa PAGCOR at PCSO para mag-remit ng pondo sa […]
-
82% ng Pinoy tiwalang ‘kapanipaniwala’ 2022 elections — Pulse Asia
NANINIWALA ang karamihan ng mga Pilipinong “tumpak” at “kapani-paniwala” ang naging resulta ng katatapos lang na May 2022 national elections, paglalahad ng Pulse Asia Research sa panibago nilang pag-aaral. Ito ang lumalabas sa kanilang Ulat ng Bayan survey na ikinasa mula ika-24 hanggang ika-27 ng Hunyo, bagay na inilabas sa media ngayong Lunes. […]
-
Dagdag na 300 kaso ng COVID 19 nitong nakalipas na linggo, hindi dapat na ipag- alala -Dr. Solante
HINDI pa maituturing na isang concern o alalahanin ang mahigit 300 kaso ng COVID 19 na nadagdag kamakalawa. Sa Laging Handa public briefing, sinabi ni Infectious Disease Expert Dr. Rontgene Solante na alam na naman ng mga kinauukulan kung paano ito masugpo at mako-kontrol. Sa katunayan, nasubukan na aniya ng ito […]