PBBM, itinalaga si Taw Lawyer Romeo Lumagui Jr. bilang BIR Commissioner

ITINALAGA ni Pangulong  Ferdinand R. Marcos Jr.  si  Romeo Lumagui Jr. bilang commissioner  ng Bureau of Internal Revenue (BIR).

Si Lumagui,  isang tax lawyer ay nanumpa sa kanyang tungkulin, araw ng Martes, Nobyembre 15.

Bago pa  itinalaga si Lumagui  sa kanyang  posisyon ngayon ay nagsilbi muna siya bilang  deputy commissioner ng BIR.

Naitalaga rin si Lumagui sa iba’t ibang puwesto at  tungkulin gaya ng “technical assistant to the commissioner, at tax fraud head” para sa Revenue Region No. 6, Manila, Revenue Region No. 4, Pampanga, at Revenue Region No. 7B, East NCR.

Itinalaga rin siya sa “project management at implementation service,” na ang tungkulin ay “develops and oversees the implementation of the overall reform or modernization program of the BIR.”

Pinamunuan naman ni Lumagui ang ilang  task forces para palakasin ang koleksyon gaya ng  Assets Recovery Task Force, kung saan ang kabuuang koleksyon ay umabot sa P833.69 million, at  Task Force on Direct Selling/Multi-Level Marketing and Investment Scams, kung saan ang  assessments ay  may kabuuang P792.56 million, kapuwa sa loob lamang ng isang taon. (Daris Jose)