Gobyerno, masusing pinag-aaralan ang ekstensyon ng CARS PROGRAM

MASUSING pinag-aaralan ng administrasyon ni Pangulong Ferdinand R. Marcos Jr.  ang panukalang palawigin o i-extend  ang Comprehensive Automotive Resurgence Strategy (CARS) program.

Sa pakikipagpulong ng Pangulo sa mga opisyal ng  Mitsubishi Motors Corporation sa Tokyo,   sinabi ng Chief Executive na habang isinasagawa ang pag-aaral, ang pamahalaan ay “very much of the mind that we have to encourage this investment because it is an industrial and high-end manufacturing operation.”

“It is something that would be important to the Philippines because we are trying to encourage now… both for local businesses and businesses from other countries and businesses from Japan… we are trying to encourage this capital investment to improve the share of manufacturing contribution to the GDP (gross domestic product),” diing pahayag ni Pangulong Marcos.

“This seems to be the direction that the Philippines is going, ayon sa Pangulo sabay tukoy sa nilalayon na  “balance the economy.”

“Right now, services is a large majority of the contribution to GDP, which is alright, and we want to keep that going. But we want to balance the contribution from different sectors of the economy,” ani Pangulong Marcos.

Kapuwa naman nakalista ang  Mitsubishi Motors Philippines Corporation (MMPC) at Toyota Motor Philippines (TMP) sa  CARS program ng gobyerno, nag-aalok ng insentibo para sa mga  manufacturers na handang  mag- assemble ng mass-market cars sa loob ng bansa.

Sa ilalim ng  CARS program, ang mga lalahok na carmakers ay  bibigyan lamang ng  anim na taon para mag-comply sa  minimum volume target sales na “200,000 units each” para sa kanilang enrolled car models para makakuha sila ng insentibo.

Sa naging presentasyon naman ng Mitsubishi, sinabi nito na ang Pilipinas ay nagsisilbi bilang isa sa pinakamahalagang merkado para sa kompanya at nagpahayag ng commitment na i-promote ang  green energy factory kasama ang  solar rooftop project nito. (Daris Jose)