Single ticketing system sa NCR, target ma-fully implement sa katapusan ng Abril
- Published on March 17, 2023
- by @peoplesbalita
TARGET ng Metro Manila Council (MMC) na tuluyan nang maipatupad ang single ticketing system sa National Capital Region (NCR) sa katapusan ng Abril.
Ayon kay San Juan City Mayor Francis Zamora, na siya ring pangulo ng MMC, ang dry run para sa naturang bagong sistema ay sisimulan nila sa una at ikalawang linggo ng Abril.
Aniya, lalahukan ito ng walong local government units (LGUs), kabilang ang San Juan City.
Ang full implementation naman aniya nito ay target nilang maisakatuparan sa katapusan ng naturang buwan.
“Ang mangyayari ho ngayon by first to second week of April yung eight local government units ang magda-dry run including San Juan. And by the end of April, we are looking to fully implement already,” pahayag ni Zamora.
Samantala, binigyan naman ang mga LGU sa NCR ng hanggang Marso 15 upang amiyendahan ang kanilang mga ordinansa, alinsunod sa naturang single ticketing system.
Matatandaang isinulong ang pagbuo ng single ticketing system na ang layunin ay magtatag ng isang unipormadong polisiya sa mga traffic violations at penalty system sa Metro Manila.
Sakop nito ang mga lungsod ng Caloocan, Malabon, Navotas, Valenzuela, Quezon City, Marikina, Pasig, Taguig, Makati, Manila, Mandaluyong, San Juan, Pasay, Parañaque, Las Piñas, Muntinlupa at bayan ng Pateros.
-
3 PBA star players, dumalo sa blessing ng bagong renovate na sports complex sa Navotas
DUMALO bilang espesyal na mga panauhin ang tatlong star players ng Philippine Basketball Association (PBA) sa pagbubukas ng bagong renovate na sports complex sa Navotas City, kasabay ng pagdiriwang ng ika-16 na Anibersaryo nito. Nagtatampok ang bagong ayos na pasilidad ng full-length na basketball court, fully air-condition na mga dugout, at espasyo para […]
-
Malakanyang, inaasahan na ang mga patutsada at pangit na pahayag ni VP Leni sa gobyernong Duterte
INAASAHAN na ng Malakanyang na walang sasabihing maganda si Vice President Leni Robredo sa gobyernong Duterte sa gitna ng patuloy na pagbatikos nito sa ginagawang pagtugon ng pamahalaan sa COVID-19 pandemic. Sinabi kasi ni Robredo na kulang ang pamahalaan ng “cohesive plan” at walang malinaw na direksyon sa pagresolba sa coronavirus disease 2019 (COVID-19). […]
-
Debris ng missing Cessna plane sa Bicol natagpuan sa Mt. Mayon
NAKITA na malapit sa crater ng Bulkang Mayon ang posibleng bahagi ng Cessna 340 plane na nawala kamakalawa sa Albay. Ayon kay Mayor Carlos Irwin Baldo, Jr. ang debris ng eroplano ay nakuhanan sa pamamagitan ng digital single-lens reflex (DSLR) camera ng isang volunteer dakong alas-10:30 ng umaga sa gilid ng bulkan sa […]