P9.8 milyong droga naharang sa NAIA
- Published on March 21, 2023
- by @peoplesbalita
NAHARANG ng Bureau of Customs sa Ninoy Aquino International Airport (BOC-NAIA), Philippine Drug Enforcement Agency (PDEA) at NAIA Inter-Agency Drug Interdiction Task Group (NAIA-IADITG) ang limang papasok na parcel na naglalaman ng iba’t ibang mapanganib na droga, na misdeclared bilang meryenda, bote, damit, regalo at sleeping bag nitong Biyernes, sa Central Mail Exchange Center sa Pasay City.
Sinabi ni Port of NAIA District Customs Collector Mimel Talusan, dahil sa mga kahina-hinalang larawang nakita sa x-ray machine, isinagawa ang physical examination ng Customs Examiners at nakita ang may 2,738.5 gramo ng marijuana (Kush), 17 ml liquid marijuana, 2,700 gramo ng marijuana gummies, 665 gramo ng marijuana, at 2,899 piraso ng ecstasy na may tinatayang street value na P9,892,700 na kinumpirma ng PDEA.
Ayon kay Talusan, ang mga shippers at consignee ay kasalukuyang sumasailalim sa imbestigasyon ng PDEA kaugnay sa paglabag sa RA 9165 at RA 10863 na kilala rin bilang Customs Modernization Act (CMTA).
Noong Marso 16, 2023, naharang din ng Customs-NAIA ang apat na papalabas at isang papasok na magkahiwalay na parsela na naglalaman ng iba’t ibang mapanganib na droga sa mga warehouse sa Pasay City.
Kabilang dito ang 5 gramo ng shabu, iba’t ibang Alprazolam at Zolpidem, 100 tableta ng Mogadon at 1 gramo ng marijuana. (Gene Adsuara)
-
Mga fans ‘bumaha’ sa kalsada ng San Fransciso
BUMAHA ang mga fans sa mga kalsada ng San Fransisco kung saan isinagawa ang victory parade ng Golden State Warriors bilang selebrasyon sa makasaysayang pagsungkit ng korona bilang world champions sa NBA Finals. Hindi napigilan ng mga players ng Warriors na bumaba sa kanilang bus upang makisalamuha sa crowd na matagal na oras […]
-
Bilang ng mga turistang umaalis sa bansa, mababa pa rin
MABABA pa rin ang bilang ng mga umaalis na turistang Filipino sa kabila na ng pagtanggal nila ng departure restrictions at pagpayag sa non essential outbound travel. Base sa datos kahapon, 95 na mga Filipinos ang umalis sa ilalim ng tourist visa sa kabuuang 1,172 na mga Flipinos na umalis, kaibahan sa 64 na […]
-
Ilang basic education student, bagsak na grado ang nakuha sa Science at Math
NAKAKUHA ng bagsak na grado sa agham at matematika ang ilang basic education student mula sa ilang pribadong eskuwelahan na sumali sa isang assessment na layong masolusyonan ang tinatawag na learning loss. Ang learning loss ay ang pagkawala ng kaalaman na karaniwang epekto ng mahabang puwang o matagal na pagkakahinto sa edukasyon ng […]