Kongreso, inaprubahan na ang panukalang batas sa pasuspinde ng Philhealth premium increase
- Published on March 24, 2023
- by @peoplesbalita
APRUBADO na sa ikatlo at huling pagbasa ng Kongreso ang panukalang batas sa pasuspinde ng Philhealth premium increase o ang House Bill (HB) No. 6772.
Nakakuha ito ng 273 na boto, samantalang tatlong hindi pabor sa mababang kapulungan kung saan ito ay nagbibigay ng kapangyarihan sa Pangulo na suspindehin ang increase ng premiums para sa mga direct contributors na mga miyembro.
Nakapaloob sa kanilang panukala na ang Presidente, sa pamamagitan ng rekomendasyon ng Philhealth board ay maaaring mag suspend at adjust ng period ng implementasyon sa pag dagdag ng premium rates sa panahon ng kalamidad.
Ayon kay Speaker Ferdinand Martin G. Romualdez, ang HB No. 6772 ay makatutulong sa mga government at non-government employees na makapag ipon imbis na ipambayad sa contribution.
Inilatag niya na halos P50 umano ang masisave kada buwan at nasa P600 naman sa isang taon ng isang empleyado.
Layunin lamang umano nitong panukalang batas na masiguro na mabibigyan ng sapat at dekalidad na health care services ang mga tao sa mababang halaga. (Daris Jose)
-
VINTAGE BOMB, NAHUKAY
ISANG vintage bomb ang nahukay sa isang construction site sa Sta.Cruz, Maynila. Ayon sa Sta Cruz Police Station (PS-3), naghuhukay ang MGS Construction Inc sa bahagi ng Laon Laan Street corner Mendoza Street, Sta. Cruz, Manila nang madiskubre ang isang malaking bakal. Agad itong inireport sa pulisya kung saan napag-alaman na isa itong 155mm Artillery […]
-
Hidilyn Diaz-Naranjo gagawa ng ingay sa World Championships
PILIT na idadagdag ni 2020+1 Tokyo Olympics gold medalist Hidilyn Diaz-Naranjo ang isa pang kasaysayan sa asam na mailap na medalya sa pagbabalik nito sa aktibong kompetisyon sa pagsabak sa 2022 International Weightlifting Federation World Championships sa Bogota, Columbia. Naunang dumating ang Filipino Olympic champion sa Bogota, Colombia kasama ang asawa at coach na […]
-
Senate Pres. Zubiri giit na ‘di siya ‘fake news’
UMALMA si Senate President Juan Miguel Migz Zubiri, matapos na mabaligtad at i-deny ng Chinese embassy na kabilang ang Pilipinas sa mga blacklisted na bansa na puntahan ng mga turistang Tsino dahil sa umano’y isyu kaugnay sa Philippine Offshore Gaming Operators (POGO). Sa pahayag ni Senate President Migz Zubiri, sinabi nito na parang […]