• July 3, 2024
  • Search in People's Balita

  • Ang Diyaryong Pinagkakatiwalaan

 

ASF kakalat sa summer vacation, picnics – DA

NAGBABALA ang Department of Agriculture (DA) sa posibilidad na bumilis ang hawahan ng African Swine Fever (ASF) ngayong summer vacation dahil madali aniyang maihawa ang naturang karamdaman sa panahon ng tagtuyot o dry season.
Ayon kay Assistant Secretary at deputy spokesman Rex Estope­rez, maraming tao ang tiyak na magbabakasyon at magpipiknik ngayong summer season kaya’t malaki ang posibilidad na bumilis ang pagkalat ng virus.
Aniya, ang nais nilang mangyari sa ngayon ay maiwasan ang pagkalat ng ASF ng ‘province to province,’ at ‘island to island’ upang maiwasan ang lalong pagdami ng mga baboy na maaapektuhan nito.
Ang babala ay matapos ituring nang national concern ang ASF matapos kumalat na sa 16 rehiyon sa bansa.
Ayon kay Estoperez, inimpormahan na nila si Pang. Ferdinand Marcos Jr. hinggil sa lawak ng outbreak ng virus.
Batay sa ulat ng Bureau of Animal Industry (BAI), nabatid na hanggang noong Marso 27, naitala ang unang kaso ng ASF sa Bangsamoro Autonomous Region in Muslim Mindanao (BARMM) matapos na magkaroon ng outbreak sa South Upi, Maguindanao del Sur.
Bukod sa BARMM, apektado na rin ng virus ang Cordillera Administrative Region (CAR), Ilocos Region, Cagayan Valley, Central Luzon, Calabarzon, MIMAROPA, Bicol Region, Western Visayas, Central Visayas, Eastern Visayas, Zamboanga Peninsula, Northern Mindanao, Davao Region, SOCCSKSARGEN, at Caraga Region.
Tanging ang Metro Manila na lang ang walang kaso nito.
Kaugnay nito, nana­wagan rin si Estoperez sa mga pasahero na iwasan ang pagdadala ng mga sariwa o lutong pork at pork products sa pagbiyahe nila sa mga lalawigan, bilang pakikiisa sa pagsusumikap ng pamahalaan na makontrol ang pagkalat pa ng ASF sa bansa. (Daris Jose)
Other News

  • Kapuso breakout star na si CLAIRE, bagong ‘Pantasya ng Bayan’ matapos magpasilip ng alindog sa serye

    ANG Kapuso breakout star na si Claire Castro ang bagong Pantasya ng Bayan.     Pagkatapos na magsilip ng kanyang alindog si Claire sa kanyang eksena with Rayver Cruz sa teleserye na Nagbabagang Luha, tinawag na siya ng netizens na bagong Pantasya ng Bayan.     Sey ni Claire sa binibigay na titulo sa kanya: “I’m not sure what ‘pantasya’ means po, […]

    read more

  • PBBM, gobyerno “on track” sa pagsusulong ng key railway projects; determinadong resolbahin ang matindin problema sa trapiko

    DETERMINADO ang gobyerno ng Pilipinas na isulong ang “key railway projects” para tugunan ang “terrible stories” hinggil sa kakulangan ng quality time para sa maraming Filipino bunsod ng traffic congestion.  Ipinahayag ito ni Pangulong Ferdinand R. Marcos Jr. sa  isinagawang paglagda sa  Metro Manila Subway Project (MMSP) Contract Packages 102 at 103 sa Palasyo ng […]

    read more

  • Mahigit 46-K katao dumalo sa kapiyestahan ng Black Nazarene

    AABOT sa 46,000 ang dumalo sa misa ng kapiyestahan ng Black Nazarene sa Quirino GrandStand dakong alas-12 ng hating gabi, Jan 9.     Ang nasabing bilang ay base sa pagtaya ng Manila Police District (MPD) kung saan mahigpit pa rin nilang ipinapatupad ang pagbibigay ng seguridad sa lugar.     Pinangunahan ni Manila Archbishop […]

    read more
People's Balita.
All rights reserved. © Copyright 2024.