Dagdag kontribusyon idinepensa ng PhilHealth
- Published on March 7, 2024
- by @peoplesbalita
IDINEPENSA ng Philippine Health Insurance Corp. (PhilHealth) ang isinusulong nilang mas mataas na kontribusyon para sa kanilang mga miyembro at sinabing kinakailangan ito para sa kanilang plano na palawakin pa ang kanilang coverage.
Ayon kay PhilHealth CEO Emmanuel Ledesma Jr., sa ilalim ng kanilang planong expansion of coverage, hindi na kakailanganin pa ng kanilang mga miyembro at benepisyaryo na magbayad pa sa pagpapagamot para sa ilang karamdaman.
“Marami kaming nakalatag na enhancements na siguradong mararamdaman ng mga miyembro dahil sa mas mababang bayarin sa ospital, kung hindi man wala nang babayaran pa,” ani Ledesma.
Aniya pa, ira-rationalize ng PhilHealth ang case rates para sa bronchial asthma at bacterial sepsis sa mga bagong silang na sanggol at COVID-19 inpatient benefits.
Makakaasa rin umano ang mga benepisyaryo ng mas mahusay na packages para sa severe acute malnutrition sa mga batang edad limang taon at pababa, gayundin ng serbisyo para sa physical medicine at rehabilitasyon.
Isa pa umano sa mga benepisyo na dapat abangan ay ang enhancement ng peritoneal dialysis sa ilalim ng Z Benefits Package.
Paliwanag pa ni Ledesma, “This is where the importance of adjusting our contribution rates comes into play. It will generate funds necessary for us to complete our benefit plans, and more importantly to sustain the reforms in the benefit packages. ”Matatandaang ang kontribusyon ng PhilHealth members ay tataas ng hanggang 5% ngayong taon, mula sa dating 4%.
Una na ring sinabi ni Ledesma na hindi tutol si Pang. Ferdinand Marcos Jr. dito ngunit nirerepaso pa niya ito.
(Daris Jose)
-
PDu30, walang ipinangako noong 2016 election na may kinalaman sa Chinese ‘incursion’ sa WPS
SINABI ni Pangulong Rodrigo Roa Duterte na wala siyang ipinangako na kahit na ano hinggil sa Chinese ‘incursion’ sa West Philippine Sea, nang tumakbo siya sa pagka-pangulo noong 2016 elections. “I never, never, in my campaign as President, promise the people that I would re-take the West Philippine Sea. I did not promise that […]
-
PDu30, inamin na sinadya na hindi magpakita sa publiko ng 2 linggo
MULING kinastigo ni Pangulong Rodrigo Roa Duterte ang kanyang mga kritiko matapos na hindi siya magpakita ng dalawang linggo sa publiko. Sa kanyang Talk To The People, Lunes ng gabi ay inamin ng Pangulo na sinadya na mawala ng ilang araw. “Noong nawala ako ng ilang araw, talagang sinadya ko ‘yun. Ganoon ako […]
-
Gentlemen’s agreement sa pagitan ni dating Pangulong Rodrigo Roa Duterte at ng Tsina ,“constitutionally void”
“CONSTITUTIONALLY void” ang gentlemen’s agreement sa pagitan ni dating Pangulong Rodrigo Roa Duterte at ng Tsina para sa BRP Sierra Madre na nasa Ayungin Shoal sa West Philippine Sea (WPS). Ayon kay House Deputy Majority Leader at Mandaluyong Rep. Neptali “Boyet” Gonzales II, chairman ng House Special Committee on the West Philippine Sea, […]