Kaya pang maghintay hanggang 2026: SHAIRA at EDGAR ALLAN, ‘no sex’ hangga’t hindi pa ikinakasal
- Published on May 21, 2024
- by @peoplesbalita
KUMPIRMADONG sa taong 2026 ikakasal sina Shaira Diaz at Edgar Allan Guzman.
Nilinaw ito mismo ni Shaira nang maging guest siya sa ‘Fast Talk With Boy Abunda’ kamakailan.
“2026, opo,” ang sagot ni Shaira sa tanong ni Kuya Boy kung totoong 2026 sila ikakasal.
Nananatili pa ring mahigpit ang paniniwala nina Shaira at EA [Edgar Allan] sa celibacy o hindi pagse-sex hangga’t hindi sila ikinakasal.
Lahad ni Shaira, “Ako gusto ko talaga dahil naniniwala ako at ino-honor ko talaga po ‘yung mga binigay kong salita sa magulang ko, yung mga binigay nila sa aking advice.
“And siyempre sa Bible rin po. ‘Yun naman talaga, na dapat walang ganito before marriage.”
Pero nilinaw ng dalaga na hindi siya kontra sa mga magkasintahan na iba ang pananaw.
“Wala talaga akong against sa mga hindi gumagawa noon. Siguro sa akin talaga choice ko talaga na gusto ko na i-save iyon sa pagkakasal namin.”
Inihayag rin ni Shaira na napag-uusapan na rin nila ni EA kung sino sa kanila ang hahawak ng pera kapag ikinasal sila upang maiwasan ang pagtatalo na kadalasang dinaranas ng ibang mag-asawa.
“Yes. Actually alam nga namin ang savings ng bawat isa. Parang ginagawa namin siyang inside joke sa amin na ‘O ayan na naman ang laki ng papasok sa iyo. Maglibre ka naman!’”
Gusto raw ni EA na si Shaira ang mag-aasikaso ng kanilang pera sa hinaharap.
“Pero pagdating sa future, kapag ikinasal na kami, very open naman din kami, at si Edgar din po, sinasabi niya na ‘Kapag kasal na tayo ikaw na ang hahawak ng pera natin.'”
Kasalukuyang napapanood si Shaira sa ‘Unang Hirit’ at si EA naman sa ‘Lilet Matias: Attorney-At-Law’ sa GMA.
***
POSIBLE na ngang magsama sa television screen sina Boobay at Vice Ganda ngayong nasa GMA-7 na ang ‘It’s Showtime.’
Sa isang interbyu ni Boobay, sinabi niya na, “We’re looking forward na talagang makapag-guest sa atin ang Unkabogable star na si Mommy Vice at kami din sana makapag-guest sa It’s Showtime.”
Anim na taon na ang programa at hindi pa rin makapaniwala si Boobay sa success at tagal ng kanilang palabas.
-
PBA lalayasan ng players; lilipat sa ibang bansa
Dapat na umanong kabahan ang Philippine Basketball Association (PBA) dahil sa pagpili ng ilang manlalaro na dalhin ang kanilang talento sa abroad kaysa maglaro sa liga. Ito ang malaking hamon sa pamunuan ng PBA matapos pumirma bilang import sa Japan si Thirdy Ravena kaysa lumahok sa PBA draft. Sa ngayon, maraming bansa sa Asya ang nagbibigay ng offer sa mga […]
-
Warriors star Thompson, hindi makalalaro ng buong NBA season
Hindi na makapaglalaro ng buong NBA season ang pambato ng Golden State Warriors na si All-Star guard Klay Thompson matapos magtamo ng torn right Achilles injury. Ayon sa ulat, nakuha ni Thompson ang season-ending injury sa ginanap na practice game sa Southern California noong nakaraang araw. Sa inilabas ng statement ng Warriors, pinayuhan […]
-
BBM-SARA UNITEAM, SUPORTADO NG MGA NEGOSYANTE SA CEBU!
MAHIGIT 50 negosyante sa Cebu ang pormal na nagpahayag ng suporta sa pagsusulong ng BBM-SARA Uniteam sa isang simpleng seremonya sa Mandaue City, Biyernes ng umaga. Ang mga negosyante, karamihan ay mula sa small and medium entrepreneurs (SMEs) na naapektuhan at pilit bumabangon sa gitna ng pandemya, ay bumuo ng samahan na […]