• July 18, 2024
  • Search in People's Balita

  • Ang Diyaryong Pinagkakatiwalaan

 

Mas mataas na bilang ng dadalo sa SONA, inaasahan

Tinataya ni House Secretary General Reginald Velasco, sa isinagawang press briefing nitong Martes, na ang attendance sa State of the Nation Address (SONA) ngayon taon ay pinakamalaki base sa ginawang kumpirmasyon na natanggap ng kanyang tanggapan mula sa ma imbitadong bisita.
“We may be opening some viewing rooms for the additional guests kasi overwhelming yung nag-confirm na pupunta sila dito (sa House) sa SONA. So far, we have received confirmation from over 2,000 guests, including House members and members of the Senate who will be joining the Joint Session to hear the SONA of the President,” ani Velasco.
Sinabi pa ng opisyal na may ilang miyembro ng kamara ang humiling na makapagsama ng 10 hanggang 20 bisita sa pagdalo nila sa sona na kinabibilangan ng mga mayors, vice mayors, kaanak at local leaders sa kanilang distrito o probinsiya.
“Ang rule kasi namin, House member plus one usually ung asawa nila except for some. Yung iba kasi may kasamang governor or relative na high-ranking official. We give them the courtesy,” paliwanag nito,
Sinabi pa ni Velasco na ang plenary hall ay may 1,312 upuan. Dala na rin sa dagdag na bisita ay maglalagay sila ng 502 monobloc chairs na inaasahan na magdadala sa total na bilang na 1,814 ang upuan sa plenary hall.
“We’re trying to have additional chairs doon kahit sa second and third galleries. Maglalagay kami ng additional monobloc doon just to accommodate these numerous requests coming from House members and other agencies,” pahayag ni Velasco.
Maglalaan din aniya sila ng karagdagang viewing rooms sa Batasan Complex kung hindi sila kayang maisama sa  plenary hall.
Sinabi pa ni Velasco na inimpormahan naman sila nina dating Vice Presidents Leni Robredo at Jejomar Binay na hindi makakadalo sa SONA habang hinihintay pa ang kumpirmasyon mula naman kay Vice President Sara Duterte.
“We are inviting all these former Presidents, former Vice Presidents, former Senate Presidents, former Speakers. And so far, we have not received confirmation from former President Duterte. We have much leeway doon sa mga VIPs. They can confirm or cancel at the last minute. That’s the privilege of the VIP guests.  We cannot impose any deadline on the VIPs,” ayon pa sa kanya.
Nasa 47 ambassadors ang nagkumpirma na dadalo kabilang na ang Tsina at United States.  (Vina de Guzman)
Other News

  • Nag-topless sa kanyang IG post: CARLA, nagliliyab at pasabog ang pagsalubong sa 2023

    TRENDING ang husay ni Aiko Melendez sa isang eksena sa ‘Mano Po Legacy: The Flower Sisters’ Lunes ng gabi, January 9.   Ang eksena ng pagpapakamatay ni Andrew (na mahusay ring ginampanan ni Will Ashley) sa harap mismo ng ina niyang si Lily (Aiko) ang hinangaan at pinuri ng mga netizens dahil sa nakapangingilabot at […]

    read more

  • KELOT TIMBOG SA MARIJUANA

    Arestado ang isang 28-anyos na lalaki matapos mabisto ang dalang marijuana makaraang masita ng mga pulis dahil walang suot na face mask sa Valenzuela city, kamakalawa ng hapon.   Nahaharap sa kasong paglabag sa Comprehensive Dangerous Drug Act of 2002 at Art 151 ang suspek na si Kendrick Dolar, ng 1233 Medina St. Brgy. Gen. […]

    read more

  • Tradisyunal na pagtitipon, bawal muna – QC LGU

    LIMITADO na ngayon ang tradisyunal na mga pagtitipon sa lungsod Quezon.     Ito ay dahil ipinagbabawal na ng lokal na pamahalaan  ang iba’t ibang uri ng malakihang mga pagtitipon sa lungsod upang maiwasan ang paghahawaan ng COVID-19.     “Dahil inaasahan na natin ang mga pagtitipon sa mga piyesta, Chinese New Year at iba […]

    read more
People's Balita.
All rights reserved. © Copyright 2024.