Walang takot na lumangoy sa hanggang dibdib na baha… GERALD, muling hinangaan ng netizens sa pagtulong sa mga nasalanta ng bagyo

MULING hinangaan ng netizens ang Kapamilya actor na si Gerald Anderson dahil sa ginawa niyang pagtulong at pakikiisa sa search and rescue operation para sa mga nasalanta ng baha sa Quezon City, na dulot ng Super Typhoon Carina.

Makikita nga sa viral video ang kanyang pantulong sa isang pamilya sa Barangay Sto. Domingo, na kung saan na-trap sa loob ng bahay na lumubog sa baha. Bukod dito ay marami pa siyang natulungang mga residente, na kung saan lakas-loob talaga siyang lumangoy sa hanggang dibdib na baha.

Nang i-check namin ang video na pinost ni @TmaeOsanomae na may caption na “Thank you gerald #CarinaPH”, meron na itong more thank three million views.

Kasama ang iba pa niyang mga kagrupo na nagsasagawa ng search and rescue mission, isa-isang inakyat nina Gerald ang bubong ng mga kabahayan doon para mailipat sa mga evacuation center.

Kitang-kita rin sa isang video ang pagkuha ni Gerald sa mga kagamitan ng mga residenteng nasa bubungan matapos na bahain ang kanilang bahar.

May dala-dalang pumpboat sina Gerald kung saan nila inilalagay ang mga naisalbang kagamitan ng mga nabiktima.

At dahil sa naturang viral videos ni Gerald, binalikan ng netizens ang ginawa rin niyang pagtulong sa kasagsagan ng Bagyong Ondoy noong 2009, na kung nagdulot nang matinding pagbaha.

Ang guwapong boyfriend ni Julia Barretto ay active member ng Philippine Coast Guard Auxiliary unit mule pa noong 2016.

***

ITINUTURING ng Puregold na isang malaking tagumpay ang inaugural run ng kanilang film festival na naging launching pad para sa isang bagay na mas malaki pa.

Ang sa ikalawang taon ng makasaysayang ‘Puregold CinePanalo’ ay may nakahandang mas mataas na funding pool para sa mapipiling filmmakers.

Ang pitong full-length directors ay nakatakdang tumanggap ng production grant na nagkakahalaga ng tatlong milyong piso (PHP3,000,000.00), habang dalawampu’t limang piling student short film directors ay tatanggap naman ng production grant na nagkakahalaga ng isandaan at limampung libong piso (P150,000.00).

Seven full-length film grants ang ibibigay, na matatandaang anim lang noong nakaraang taon.

Binigyang-diin sa press conference na ginanap sa Gateway Cineplex 18 noong July 23, ang 2025 Puregold CinePanalo Film Festival ay muling naghahanap ng film entries na nagpapakita ng hindi matitinag na diwa ng Pilipino sa pamamagitan ng nakaka-uplift at nakaka-inspire na mga kuwentong panalo.

Ipinababatid din sa mga interesadong lumahok na kailangang magsumite ng complete screenplay at iba pang requirements hanggang sa Hulyo 30 para sa mga full-length films at sa Agosto 15 naman para sa student shorts.

Upang hikayatin ang mga aspiring filmmakers na sumali sa nabanggit na filmfest, nagbahagi ng kanilang karanasan ang mga direktor na mapalad na napili noong nakaraang taon.

Dumalo sa filmfest launch si Always Panalo Film awardee Carlo Obispo.  Nagpadala rin ng espesyal na video message ang Best Picture winner na si Kurt Soberano, ng katatapos lang na re-screened na ‘Under A Piaya Moon’, para hikayatin ang mga filmmakers na mag-submit ng kanilang mga panalo stories.

Bukod sa mga mensahe mula sa mga full-length directors, apat na student directors din ang nagbigay ng mensahe sa event para maipakita ang mga uri ng karanasan at oportunidad na maidudulot ng Puregold CinePanalo sa young aspiring filmmakers.  Dumalo sina Always Panalo Film awardee Jenievive Adame, Best Director winner Dizelle Masilungan, at regional filmmakers na sina Marian Jayce Tiongzon at Joanah Demonteverde.

Ang event ay pormal na binuksan ni Puregold’s Senior Marketing Manager Ivy Piedad, na naghatid ng isang mariing pahayag sa kahalagahan ng pagbibigay ng reward sa Filipino artistry at pagdiriwang ng diwa ng ‘Kwentong Panalo ng Buhay’.

Napansin din niya na ang kahalagahan na magbigay ng mga pagkakataon sa mga mag-aaral na gumagawa ng pelikula na maaaring hindi magkaroon ng same access tulad ng mga established directors.

“When we first launched Puregold CinePanalo, we envisioned it to champion Filipino stories, advocate for student filmmakers by providing them with a platform for their dream short films, and elevate the local film scene,” ayon kay Piedad.

Binanggit din ni Piedad kung paano naging instrumento ang Puregold CinePanalo sa pagbibigay-liwanag sa mga talento ng ilang kabataan, aspiring filmmakers, na ang ilan sa kanila ay ginamit ang momentum mula sa kompetisyon upang higit pang pa-igtingin ang kanilang mga artistic dreams.

“We saw the birth of promising talents, with several inspiring stories that came to life on the big screen. Fueled by last edition’s success, here we are once again!” Pagpapatuloy pa ni Piedad, “Back and bigger than ever, ready to celebrate another year of incredible films and mark the second chapter of Puregold CinePnalo.”

Kaya muling hinihikayat ang lahat ng interesadong filmmakers na basahin ang lahat ng mechanics ng 2025 Puregold CinePanalo Festival na publicly available sa official social media accounts ng Puregold.

Ang mga nagnanais na lumahok ay maaaring magsusumite ng kanilang mga opisyal na aplikasyon sa https://forms.gle/wNUUQ62okYcyW5r37.