MM, mahihirapan ng manatili sa ilalim ng MECQ-Sec. Roque
- Published on August 13, 2020
- by @peoplesbalita
SINABI ni Presidential spokesperson Harry Roque na mahihirapan ng manatili sa ilalim ng modified enhanced community quarantine (mecq) ang Metro Manila pagkatapos ng Agosto 18.
Ito’y dahil, patuloy na nauubos na ang resources ng pamahalaan para tugunan ang coronavirus pandemic.
“The government no longer has resources to provide aid to poor families in the capital region and neighboring economic hubs should the strict lockdown be extended,: ayon kay Presidential Spokesperson Harry Roque.
Giit ni Sec. Roque na sa tingin niya ay mahihirapang manatili sa MECQ ang bansa dahil nga wala ng pang-ayuda ang gobyerno,
“Ano naman ang gagawin natin sa ating mga kababayan kung hindi sila pupwedeng magtrabaho at wala ng pang-ayuda?” diing pahayag ni Sec. Roque.
Matatandaang, noong Agosto 4 ay ibinalik ni Pangulong Rodrigo Roa Duterte sa mecq ang National Capital Region (NCR) at mga karatig- lalawigan gaya ng Bulacan, Laguna, Cavite, at Rizal makaraang umapela at sumigaw ng ‘timeout’ ang mga health workers bunsod ng patuloy na pagsirit ng COVID-19 cases sa bansa.
Pagkakataon din ito para sa pamahalaan para i-recalibrate ang COVID-19 pandemic response strategy ng gobyerno.
At habang nasa MECQ ay inaasahan na matutulungan ang pagbagal ng pagkalat ng virus at inaasahan din na mababago nito ang kabuhayan ng mga Filipino lalo pa’t 70 porsiyento ng ekonomiya ay naka-base sa capital region at sa mga nakapalibot na lalawigan.
“Bottom line is wala na tayong pang-ayuda,” ayon kay Sec. Roque.
Samantala, mayorya ng bahagi ng Pilipinas ay isinailalim sa quarantine simula pa noong mid-March para mapabagal ang pagkalat ng COVID-19, na naunang naitala sa bansa noong Enero 30 kung saan ay may isang babae ang dumating sa bansa mula Wuhan, China kung saan pinaniniwalaang unang nagkaroon ng sakit.
Sa kabila ng pagpapatupad ng isa sa pinakamahigpit at pinakamahabang lockdowns sa buong mundo, ang Pilipinas ay patuloy na nakikipagpambuno sa pagsirit ng infections. (Bishop Jesus “Jemba” M. Basco)
-
Gulo sa Kongreso, maglalatay sa administrasyon at hindi sa mga indibidwal na nagbabangayan para sa kapangyarihan – PDu30
SINABI ni Pangulong Rodrigo Roa Duterte na sa administrasyon babagsak ang nangyayaring gulo sa kasalukuyan ng mga kongresista na patuloy na nagbabayangan bunsod ng usapin tungkol sa kapangyarihan. Ani Pangulong Duterte, hindi naman mga pangalang “ Alan o Lord” ang babanggitin ng mga tao kapag napag- usapan ang away sa Kongreso. Ang maaalala […]
-
Kawani ng PSC na dawit sa daya-sahod kinasuhan
NABUKING ng Department of Justice (DoJ) ang mga dahilan para sa reklamo na isinampa ng Philippine Sports Commission (PSC) at National Bureau of Investigation (NBI) laban sa dating kawani na sangkot sa payroll padding scheme sa nakalipas na taon. Sa may 23-pahinang resolusyon na nilagdaan nitong isang araw nina Assistant State Prosecutor Moises Acayan, […]
-
Top 4 most wanted person ng Valenzuela, timbog sa Pangasinan
NAGWAKAS na ang 16-taong pagtatago sa batas ng isang top 4 most wanted person ng Valenzuela City matapos itong masakote ng mga awtoridad sa kanyang pinagtataguan sa Pangasinan. Kinilala ni Valenzuela police chief Col. Ramchrisen Haveria Jr, ang naarestong akusado na si Michael Reyes, 35 at residente ng Purok 4, Brgy. Nibaliw, Mangaldan […]