8 mataas na opisyal ng PNP ipinuwesto
- Published on September 30, 2024
- by @peoplesbalita
WALONG matataas na opisyal ng Philippine National Police (PNP) ang may bagong puwesto kabilang si Quezon City Police District (QCPD) Director Brig. Gen. Redrico Maranan.
Ayon kay PNP chief Gen. Rommel Francisco Marbil papalit si Maranan kay PBGen. Jose Hidalgo Jr., bilang Police Regional Office-Central Luzon o Region 3. Magreretiro si Hildalgo sa Martes, Oktubre 1.
Miyembro si Maranan ng Philippine National Police Academy Class 1995 at dating PNP information chief.
Magsisilbi naman acting QCPD director si PCol. Melecio Buslig, Jr.
Itinalaga nama si Maj. Gen. Ronald Lee bilang director ng National Police Training Institute; Brig. Gen. Bernard Yang bilang director ng Southern Police District at Brig. Gen.
Victor Arevalo sa PNP Training Service.
Bukod dito, si Brig. Gen. Radel Ramos ay ipinuwesto bilang hepe ng Headquarters Support Service; Brig. Gen. Jose Manalad, Jr. sa Center for Police Strategy Management; at Col. Ma. Sheila Portento bilang bagong Dean of Academics ng PNP Academy.
Sinabi ni Marbil na magsasagawa pa rin ng balasahan sa susunod na linggo dahil sa pagreretiro ng mga senior officers.
Dagdag pa ni Marbil, kailangan na mapunan ang mga mababakanteng puwesto dahil na rin sa pagsisimula ng filing ng candidacy. (Daris Jose)
-
KYLA, dinamdam nang husto na nawala na naman ang kanyang pinagbubuntis; excited na pa naman na maging kuya ang anak
DINAMDAM nang husto ng singer na si Kyla ang ikatlong beses na nakunan siya. Babae pa naman ang pinagbubuntis ni Kyla at excited na ang anak nila ni Rich Alvarez na si Toby na maging isang kuya. Ayon sa pinost ng singer sa social media: “My heart is broken in levels […]
-
SC binasura ang petition renaming MIA to NAIA
Binasura ng Supreme Court (SC) ang petition ng lawyer na si Larry Gadon upang ipawalang bisa ang 33-year-old na batas sa pagbabago ng Manila International Airport (MIA) upang maging Ninoy Aquino International Airport (NAIA). Sa isang full session noong Martes, ang mga justices ng SC ay sumangayon lahat na hindi pagbigyan ang petition dahil […]
-
869 JEEPNEY OPERATORS AT DRIVERS SA VALENZUELA NAKINABANG SA CASH-FOR-WORK-PROGRAM
NASA 869 jeepney operators at mga drivers sa Valenzuela City ang pansamantalang nabigyan ng sampung araw na trabaho sa pamamagitan ng Department of Social Welfare and Development Office (DSWD)’s Cash-for-Work Program. Ito’y para matiyak na maibibigay nila ang mga pangangailangan ng kanilang pamilya sa gitna ng kanilang nasuspindeng operasyon dahil sa pinalawig General Community Quarantine […]