May 1 pang dapat gawin para makalaro si Abueva
- Published on October 10, 2020
- by @peoplesbalita
KINUMPLETO na lahat ni Calvin Abueva ang requirements sa kanya ng Philippine Basketball Association o PBA upang maalis ang indefinite suspension na nagsimula noon pang Hunyo 2019.
Pero may isang kailangan pang tuparin o isagawa ang PBA star, na pinagkakatanggi-tanggi lang kamakalawa ni professional league Commissioner Wilfrido (Willie) Marcial kung ano pa ang bagay na iyon.
Pero sa kabila noon, may pag-asa nang makalaro ang The Beast sa 45 th PBA Philippine Cup 2020 elimina- tions restart sa Clark Freeport Economic Zone bubble sa Angeles City, Pampanga sa Linggo, Oktubre 11.
Nasa bubble na rin si Abueva, kabilang official lineup ng Phoenix Super LPG Fuel Masters. Dapat niyang gawin o sundin ang requirement para maalis ang asterisk sa pangalan niya sa listahan.
Sapagkat kung hindi, malamang na sa kuwarto lang ng delegasyon ng liga sa Quest Hotel niya panonoorin ang mga laro ng kakampi niya sa liquified petroleum gas.
Sumailalim na rin ang 32-taong-gulang, may taas na 6-2 at tubong Angeles, Pampanga sa online seminar sa Code of Conduct of a Professional Player and Gender Sensitivity Issues ng Games and Amusements Board o GAB para maibalik ang kanyang profes- sional playing license.
Kabit-kabit ang ang mga kasalanan ni Phoenix forward da unang Asia’s play-for-pay hoop bago hinambalos ni Marcial indefinite suspension sa nakaraang taon.
Pinakitaan niya nang kabastusan at pinagsalitaan ng hindi maganda ang dyowa ni Bobby Ray Parks. Jr. sa laro ng Phoenix at Blackwater. Sa next game ng team niya, binigyan ni Abueva ng matinding clothesline si TNT import Terrence Jones.
Pagkapataw nang walang katiyakang ban sa kanya ng PBA, inakusahan naman siya ng asawang si Salome Alejandra (Sam) Abueva ng physical at sexual harassment. Nagkaayos naman pagkaraan ang mag-asawa at nagbalikan na.
Dapat ding magpa-mandatory drug test na na parte ng medical requirements ang basketbolistang standout ng National Collegiate Athletic Association (NCAA) mula sa San Sebastian Golden Stags kung gusto pa niyang makabalik-liga. (REC)
-
100 pekeng accounts na pag-aari ng pulis at military sa Pilipinas, binura sa Facebook
DUMISTANSIYA ang Malakanyang sa naging hakbang ng Facebook kung saan mahigit 100 pekeng accounts ang na-trace na pag-aari ng police at military units ng Pilipinas ang tinanggal dahil sa “coordinated inauthentic behavior” (CIB). “We leave to the sound judgment and discretion of the popular global social networking company,” ayon kay Presidential spokesperson Harry Roque. […]
-
PAGGAMIT NG VCM, PINAG-AARALAN
PINAG-AARALAN ng Commission on Elections (Comelec) ang pagdaraos ng masusing pagtalakay sa paggamit ng mahigit 97,000 vote counting machines (VCMs) sa darating na halalan sa bansa. Sinabi ni acting poll body chairperson Socorro Inting sa isang forum na mahigit 107,000 VCMs na ginamit noong Mayo 2022 election, mahigit 97,000 ang ginamit sa mga […]
-
Iniisip na karelasyon na ng aktres si Paulo: Pag-follow ni LJ kay KIM, ikinatuwa ng mga tagahanga ng KimPau
IKINATUWA ng mga tagahanga ng KimPau ang pag-follow ni LJ Reyes sa instagram ni Kim Chiu. Para kasi sa kanila ay parang pahiwatig daw ‘yun may sort of basbas ‘yun mula mismo sa dating karelasyon ni Paulo Avelino. Lalo raw kinilig ang nga fans sa ginawang yun ni LJ. […]