Rigodon sa Kamara: Kumalaban kay Cayetano, hinubaran ng chairmanships
- Published on March 3, 2020
- by @peoplesbalita
KASUNOD ng ugong ng kudeta sa House Leadership, nagpatupad ng rigodon kahapon sa House Committee Chairmanship kung saan tinanggalan ng pwesto ang ilang mambabatas na hindi kaalyado ni House Speaker Alan Peter Cayetano na maaring nasa likod ng ouster plot.
Sa pagsisimula ng House Plenary Session kahapon (Lunes) ay agad na nagmosyon si Senior Deputy Majority Leader at Cavite Rep Crispin Remulla na ideklarang bakante ang ilang Chairmanship position sa Kamara kung saan walang tumutol.
Si House Appropriations Committee Chairman Isidro Ungab ay tinanggal sa pwesto at pinalitan sya ni House Committee on Games and Amusement Chairman at ACT CIS Rep Eric Yap; ang pwesto ni Yap ay uukupahin naman ni Abra Rep. Joseph Bernos.
Ang kinatawan ng Kamara sa Presidential Electoral Tribunal(PET) na si Mindoro Rep Doy Leachon ay tinanggal sa pwesto at pinalitan ni Kabayan Rep. Ron Salo.
Si Leachon ay tahasang kumakalaban kay Cayetano at kilalang kaanib ni Speaker-in-waiting Marinduque Rep Lord Allan Velasco.
Una na nitong sinabi na walang katotohanan ang coup attempt na sinasabing ang nasa likod ay si Velesco, aniya, palagi niyang kasama si Velasco at walang ganitong mga plano kung saan hinamon pa nito si Cayetano na pangalanan ang sinasabi nitong 20 mambabatas na nagsumbong na mayroong kudeta laban dito.
Tinuturo naman si Ungab na siyang nag-report kay Pangulong Rodrigo Duterte at sa Department of Budget and Management (DBM) ng bilyong pisong parking funds sa 2020 national budget na nakalaan para sa mga mambabatas.
Kilalang kaalyado naman ni Cayetano si Salo kung saan naging matapang ang mga pagbabatikos nito sa mga mambabatas na kumakalaban sa House Leadership.
Samantala, binuweltahan naman ng House Speaker si Marinduque Rep. Lord Allan Velasco na marunong siyang sumunod sa usapan dahil lalaki siyang kausap.
Kasunod na rin ito sa sinasabing nilulutong pagpapatalsik sa kanya na pinamumunuan ni Velasco.
Ngunit sa kabila nito, ayon kay Cayetano, patuloy pa rin niyang panghahawakan ang kanilang naging kasunduan na ‘term sharing’ sa speakership na mismong inisyatibo ni Pangulong Rodrigo Duterte.
“Yes, walang duda dun. Walang duda dun,” tugon pa ni Cayetano nang tanunging ukol sa kanilang naging kasunduan ni Velasco.
Inaasahang magtatapos ang 15 buwan ni Cayetano sa darating na buwan ng Agosto.
Dahil na rin dito, tatalima siya anuman umano ang nais ng Pangulo bilang lider ng political coalition pagdating sa liderato ng kapulungan. (Ara Romero)
-
Senate hearings kaugnay sa Maharlika Fund bill, sisimulan na sa Pebrero
MAAARING simulan na sa buwan ng Pebrero sa susunod na taon ang deliberasyon ng Senado kaugnay sa Maharlika Investment Fund (MIF) bill. Ginawa ni Senate President Juan Miguel Zubiri ang pahayag habang hinihintay ng Senado ang pinal na bersyon ng House of Representatives. Dahil ang mga sesyon ay ipinagpaliban sa parehong […]
-
Dini-discourage nga pero susuportahan pa rin: MIKEE, ibinunyag na pangarap ng PAUL na pumasok sa politika
IBINUNYAG ni Mikee Quintos na pangarap ng kaniyang nobyong si Paul Salas na pumasok sa politika. Sa Surprise Guest with Pia Arcangel, inilahad ni Mikee na mga lawyer at doktor ang propesyon ng mga miyembro ng kaniyang pamilya, at siya lang nag-iisang taga-showbiz. Dating mga konsehal at konsehala sa Maynila ang kaniyang mga magulang na sina […]
-
ASEAN ‘looking forward’ nang makipagtrabaho sa Biden administration
Handa nang makipag-trabaho ang Association of Southeast Asian Nations (ASEAN) sa administrasyon ng bagong upo na si US President Joe Biden. Sa isang press release, sinabi ng chairman ng ASEAN Foreign Ministers’ Retreat, na umaasa silang mapapalakas sa ilalim ng bagong administrasyon ang ugnayan ng kanilang hanay at Estados Unidos. “In […]