Jarencio positibo sa pilay na Batang Pier
- Published on March 3, 2020
- by @peoplesbalita
WALANG sablay ang NorthPort sa playoffs sa nakalipas na taon, pinakamataas na placing ang No. 2 sa midseason Commissioner’s Cup pero dalawang beses nilango ng San Miguel Beer sa quarterfinals.
Pinakamataas na tinapos ng Batang Pier ang semifinals sa season-ending Governors Cup pero milasing din ng Barangay Ginebra San Miguel sa best-of-five. Sa pagpalaot sa unang final four, tinunaw ng No. 8 NP ang twice-to-beat ng No. 1 North Luzon Expressway o NLEX – sa classic game na inabot may tatlong overtime.
Malaking tulong ang pagdating ni Christian Standhardinger sa BP mula SMB sa kalagitnaan ng season-ending conference kaya nakapapaglayag ang team ni coach Alfredo ‘Pido’ Jarencio sa second round ng playoffs.
Pero sa unang laro ni Standhardinger sa NorthPort – kontra SMB pa – ay nagka-injury si rookie Robert Bolick, ang kamador ng team. Hindi na natapos ni Bolick ang 44th o 2019-2020 season dahil sa ACL tear.
Kabi-kabila ang injury bug sa Batang Pier na maaaring hindi pa makalaro sa season-opening ng Philippine Cup na mabubukas 45th o 2020 season ng professional cage league sa Araneta Coliseum sa Marso 8.
“Matagal pa si Bolick, mga July o August pa,” komento ni Jarencio, hinirit pa ng coach na okay naman ang preparasyon nila para sa all-Pinoy, pero problema niya ang kakulangan sa tao.
“Gusto ko na ngang magpa-activate ulit,” ani Jarencio na noong kapanahunan ay naging tigasin ding gunner ng Gin Kings.
“Hindi nga kami makabuo ng team para sa full practice,” dagdag niya, nangangahulugan na walang 10 ang able bodies.
“Si Bolick wala, si (Jonathan) Grey wala. Si Bradwyn Guinto wala,” inisa-isa ni Jarencio ang kanyang injured players. “Si Christian (Standhardinger) is still hurting. Si Sean (Anthony) may calf injury.”
Injured pa rin si Kevin Ferrer. Baka sa kalagitnaan pa aniya ng taon o Commissioner’s Cup makabalik si Grey.
“Bradwyn came to practice yesterday,” balita ni Anthony sa PBA Media Day sa Okada noong Huwebes. “He’s almost there.” Hindi rin natapos ni Guinto ang nakaraang season dahil sa knee injury, pero inaasahang makakalaro na sa buwang ito.
Isa lang ang rookie ng Batang Pier, si Sean Manganti na 8th pick overall sa Draft noong December.
Sina Standhardinger at Anthony ang inaasahang makakarekober na bago ang unang komperensiya.
“Pero fight pa rin kami,” giit ni Jarencio, larawan pa rin ng never-say-die. Pipigain muna siya kina Nico Elorde, Jervy Cruz, LA Revilla, Garvo Lanete, Paolo Taha, at ang balik-NorthPort mula San Miguel na si bruiser Kelly Nabong.
Babasagin ng Batang Pier ang kampanya sa Marso 11 sa Big Dome laban sa Road Warriors.
-
Guillermo: Ang Handog ng Obra dominates 4th SINEliksik Bulacan Docufest and Docu Special
CITY OF MALOLOS – The documentary film “Guillermo: Ang Handog ng Obra” bagged four major awards and took home a total of P170,000 cash prize during the 4th SINEliksik Bulacan Docufest and Docu Special held at the Nicanor Abelardo Auditorium, Hiyas ng Bulacan Cultural Center in this city recently. Featuring the life, journey, […]
-
GARY, hinihiling na ipagdasal na hindi mahawa sa Covid-19; ANGELI, tanggap na nag-positive ‘wag lang ang asawa
NAGPASALAMAT si Angeli Pangilinan-Valenciano sa mga nag-wish sa kanya ng ‘get-well soon’ dahil sa nag-positive siya sa Covid-19. “Gosh, nagsilabasan lahat ng mga mahal ko sa buhay!” Pero huwag daw mag-alaala sa kanya ang mga friends niya at nag-post siya ng: “Guess why I posted this? Here I am isolated because […]
-
Para palakasin ang PH-US security ties: VP Harris nasa Pinas na
DUMATING na sa Pilipinas si United States (US) Vice President Kamala Harris para sa serye ng engagements nito kabilang na ang pakikipagpulong kay Pangulong Ferdinand R. Marcos Jr. at Vice President Sara Duterte. Nakatakda ring bumisita si Harris sa Palawan. Sina Philippine Ambassador to the US Jose Manuel Romualdez, Pasay City […]