Dalagita, 3 pa, tiklo sa P.3M halaga ng shabu
- Published on February 29, 2020
- by @peoplesbalita
NASAMSAM ng mga awtoridad ang mahigit sa P.3 milyon halaga ng shabu sa apat katao kabilang ang isang 17-anyos na dalagita matapos masakote sa drug buy-bust operation sa Caloocan City, kahapon ng madaling araw.
Kinilala ang mga naarestong suspek na sina Vincent Young, 25, istambay, Pamela Atienza, 21, saleslady, kapwa ng Brgy. 14, Paul Ryan Coronel, 27, istambay, ng Brgy. 18 at isang 17-anyos na dalagita.
Ayon sa ulat, isinagawa ng mga operatiba ng District Drug Enforcement Unit (DDEU) ng Northern Police District (NPD) ang buy-bust operasyon kontra sa mga suspek dakong alas-3:20 ng madaling araw sa Brgy. 14, Caloocan City matapos ang masusing pagmamatyag ng pulisya hinggil sa kanila umanong iligal na gawain.
Nang magpalit ng kamay ang marked money at epektus ay sumenyas ang poseur-buyer sa kanyang mga kasamang pulis na agad namang lumapit at dinamba ang mga suspek.
Nakumpiska sa mga suspek ang humigi’t-kumulang sa 50 gramo ng shabu na tinatayang nasa P340,000 ang halaga, dalawang cellular phone, P1,600 na cash, at buy-bust money.
Kasong paglabag sa R.A 9165 o Comprehensive Dangerous Drugs Act of 2002 ang isinampa ng pulisya kontra sa mga naarestong suspek sa Caloocan City Prosecutors Office. (Richard Mesa)
-
The Musical Film Sensation ‘In the Heights’ Trailer Dances Its Way Into Oscars Telecast
DURING the live 93rd Academy Awards or the Oscars, Warner Bros. has released a new trailer for the upcoming big-screen adaptation of In The Heights, helmed by director Jon M. Chu and based on the Broadway musical by Lin-Manuel Miranda. The trailer introduced by the actor and musician comes on the heels of the recent release of the […]
-
Ilang kawani ng isang pribadong ospital at security guards kinasuhan ng Valenzuela LGU
SINAMPAHAN ng Pamahalaang Lungsod ng Valenzuela ang ilang kawani ng isang pribadong ospital, kabilang ang staff ng credit and collection at security guards ng magkahiwalay na mga kasong serious illegal detention at slight illegal detention sa City Prosecutor’s Office. Personal na sinamahan ni Mayor WES Gatchalian, kasama ang libreng serbisyo ng legal team […]
-
Mister todas sa kandila
NASAWI ang 59-anyos na padre-de-pamilya na may tinataglay na karamdaman nang ma-trap sa nasusunog nilang bahay sa Navotas City, Sabado ng madaling araw. Sa ulat ni Caloocan Fire Marshal F/Supt. Ronaldo Sanchez, nagsimulang sumiklab ang sunog dakong alas-3:49 ng madaling araw sa bahay ng biktimang si alyas “Peter” sa Area 1 Block 26, […]