Kahit na pilay: Pingris, aayuda sa Gilas
- Published on February 17, 2020
- by @peoplesbalita
KAHIT NA hindi makakalarong muli sa Gilas Pilipinas, aasiste naman sa kahit anong paraan si Jean Marc Pingris sa kampanya ng national team sa first window ng 2021 International Basketball Federation o FIBA Asia Cup Qualifiers.
Sumugod pa rin ang Magnolia Hotshots Pambansang Manok player sa ensayo ng Philippine Basketball Association (PBA) Gilas pool na may protective gear sa kanang tuhod dahil nag-injury aniya siya sa ensayo ng kanyang PBA team.
“Natamaan sa praktis,” matipid na paliwanag ng 38-anyos, may taaas na 6-4 at tubong Pozzorubio, Pangasinan na basketbolista.
Nagpaalam na rin aniya siya kay Gilas interim coach Mark Dickel na hindi muna makakapagg-eensayo sa pool. Si Dickel ang Talk ‘N Text active consultant sa PBA rin. Pero naroon siya sa Meralco Gym sa pasig City, umaayuda kina Dickel at sa coaching staff sa ensayo ng iba pang mga nasa pool gaya nang mag-utol na Kiefer Isaac at ferdinand Ravena III.
Mapapasabak ang Pinoy quintet sa Pebrero 20 para sa unang laro sa first window ng Asia Cup qualifiers, Pagkakaabalahan ng laban kontra Thailand sa Smart Araneta Coliseum sa Quezon City.
Darayuhin pagkaraan ng tatlong araw sa Jakarta upang upang makatuos naman ang Indonesia, sa maigsi nang panahon at sa iniinda, aminado hindi na nga makalalaro ang beterano ng Gilas. Pero bukas aniya ang pinto niya siya kahit anong paraan para makatulong, maski sa sidelines. Malaking bagay ang kaalaman Ping sa depensa at pagka-beterano para sa mga batang nasa pool. E ang mapasama kaya sa coaching staff?
“Kahit ano, playing-coach, coach, player. Basta para sa bayan, gagawin natin,” panapos na bigkas Pingris.
Saludo sa iyo brod.
-
Babaeng biktima ng trafficking napigil, escort nito inaresto
NAPIGIL ng mga ahente ng Bureau of Immigration (BI) ang isang babaeng biktima ng human trafficking nang tinangkang eskortan ng kanyang lalaking trafficker sa Davao City. Ang biktima na isang babae ay ni-rescue sa Davao International Airport habang papasakay ito ng Scoot Airlines flight patungong Singapore. Ayon sa biktima, biyaheng Singapore […]
-
Mungkahi ni Joseller Guiao
ISYU para kay Joseller ‘Yeng’ Guiao ang planong mala-National Basketball Association (NBA) style bubble ng Philippine Basketball Association (PBA) para sa restart sa mid-October. Iginiit niya sa isang talakayan nitong isang araw, na puwedeng magkaproblema sa isipan ang mga papasok roon sanhi sa pagkainip ng mga manlalaro ng propesyonal na liga kapag pinagpatuloy ang […]
-
2k baboy mula sa South Cotabato nasa Vitas, Tondo na
INANUNSYO ng Malakanyang ang pagdating 2,000 baboy mula sa South Cotabato kung saan ito ngayon ay nasa Vitas, Tondo. Sinabi ni Presidential Spokesperson Harry Roque na ito ay iparating sa iba’t ibang palengke sa Metro Manila ang nasabing baboy dahil ito ay kabahagi ng mga hakbang na ginagawa ng pamahalaan para maibsan ang kakulangan […]