Taguig City, Zele Wellness Center lalahok sa WNBL
- Published on March 3, 2021
- by @peoplesbalita
DIDRIBOL na rin ang Taguig City at ang Zele Wellness Center para sa 1st Women’s National Basketball League (WNBL) 2021 na nakatakdang ihayag sa mga susunod na araw ang petsa sa pagsisimula ngayong taon makaraan ang negosasyon sa Inter-Agency Task Force (IATF).
Kinumpirma ng dalawang ballclub ang partisipasyon sa unang propesyonal na ligang pambabae sa sport sa bansa ngayong linggo upang itaas ang mga kasali sa pitong team.
Ang Taguig City Sports Division chief at National Basketball League (NBL) Taguig team coach na si Bing Victoria ang kumatawan para kay Mayor Lino Edgardo Cayetano, sa pagkumpirma ng pagsali ng lungsod sa WNBL.
Sina WNBL executive vice president Rhose Montreal at league commissioner Edward Aquino naman ang malugod na tumanggap sa aplikasyon sa liga ng nasabing koponan.
Nagalak din sina Montreal at Aquino sa pagbahagi ng ZWC nina team owners Rhys Anton Sicat at Xzandrei Jeigh Ajero kung saan ang coach ay si Corvi Concepcion.
Nabatid naman kay Victoria na huhugot sila ng mga manlalaro sa mga free agent ng iba’t ibang team upang makabuo ng isang palaban ding koponan sa lalong madaling panahon.(REC)
-
Mga batang kasali sa face-to-face classes hindi mandatory na bakunado
HINDI kasama sa requirement ng mga batang sasali sa face- to -face classes ang magpabakuna laban sa Covid -19. Sa Laging Handa public briefing, sinabi ni Department of Education (DepEd) Secretary Leonor Briones, mataas kasi ang resistance level sa mga bata para magpabakuna. Nasa mga magulang na ang pagpapasya kung pababakunahan […]
-
First Filipino na nakakuha ng Oscar nomination… Hairstylist ni LADY GAGA na si FREDERIC, nominated para sa ‘House of Gucci’
ANG Filipino-Vietnamese hairstylist ni Lady Gaga na si Frederic Aspiras ay nakakuha ng Oscar nomination para sa pelikulang House of Gucci. Nominated siya sa category na Best Makeup and Hairstyling. Ayon kay Frederic, hindi raw niya ini-expect na makakuha siya ng nomination: “Having so much rejection in this type of job, […]
-
VP Leni Robredo, nanawagan sa mga supporters na igalang ang resulta ng halalan
HABANG patuloy na umaalagwa ang kalamangan ni Ferdinand “Bongbong” Marcos Jr. sa nagpapatuloy na bilangan sa katatapos lamang na halalan, nanawagan naman si Vice President Leni Robredo sa kanyang mga supporters na igalang ang kalalabasan o resulta ng halalan. “Alam kong mahal natin ang bansa pero hindi pwedeng maging ugat pa ng pagkakawatak-watak […]