Back-rider tigbak sa trailer truck, driver sugatan
- Published on May 31, 2022
- by @peoplesbalita
ISANG 51-anyos na back-rider ang namatay habang sugatan naman ang nagmamaneho ng kanilang motorsiklo matapos mabangga ng isang trailer truck sa Malabon City, kamakalawa ng gabi.
Dead-on-the-spot si Ariel Macaraeg, machine operator, at residente ng 44 Prelaya St. Brgy. Tugatog sanhi ng tinamong pinsala sa ulo at katawan habang ang kanyang kapitbahay na si Jonas Adelino, 55, driver ng Rusi motorcycle na may plakang 212QZR ay inoobserbahan sa Valenzeula Medical Center sanhi ng tinamong mga sugat sa katawan.
Sa kanyang report kay Malabon police chief P/Col Albert Barot, sinabi ni traffic police investigator P/SSgt. Baltazar Gallangi, tinatahak ng mga biktima ang kahabaan ng M.H. Del Pilar St. dakong alas-11:50 ng gabi patungong Brgy. Maysilo nang mabangga ang likuran ng kanilang motorsiklo ng isang trailer truck (THQ450) na minamaneho ni John Mark Degino, 23, residente ng Mabolo St. Brgy. Maysilo.
Sa lakas ng impact, tumilapon si Macaraeg hanggang sa magulungan ng trailer truck na nagresulta ng kanyang agarang kamatayan habang isinugod naman si Adelino sa naturang pagamutan.
Kasong reckless imprudence resulting to homicide, physical injury and damage to property ang isinampa ng pulisya kontra sa trailer truck driver sa Malabon City Prosecutor’s Office. (Richard Mesa)
-
Movie nila ni Paulo, malapit nang simulan: KIM, thankful and very happy na na-nominate sa ‘ContentAsia Awards’
ISANG malaking karangalan para sa Kapamilya actress na si Kim Chiu na maging nominado sa ContentAsia Awards 2024. Nominated as Best Female Lead in a TV series dahil sa mahusay na pagganap niya bilang si Juliana Lualhati sa ‘Linlang’. “First time kong ma-nominate sa gano’ng award-giving body. Nakakatuwa ‘yung feeling. Being nominated sa […]
-
Sabete bumalik sa PSL, Sta. Lucia Lady Realtors
BALIK sa Sta. Lucia makalipas ang tatlong taon si Jonah Sabete, habang kinuha rin ng koponan ang serbisyo ng mga beteranang sina Maricar ‘Kai’ Nepomuceno-Baloaloa at Jovy Prado, base sa pahayag ng prangkisang Robles nitong Linggo. Pinakilala sa isang video clip ng Lady Realtors ang tatlong bagong kuhang ace players para ayudahan ang […]
-
Lalaking nagtangkang bumaril sa pulis, kalaboso
Masuwerte pa rin ang isang lalaki na nang-agaw ng baril ng isang pulis at tinangkang barilin nito ng tatlong beses matapos magpasya ang kabaro ng parak na arestuhin ito sa halip na barilin para mamatay sa Caloocan city, kamakalawa ng gabi. Ayon kay Caloocan police chief Col. Samuel Mina Jr., nagmamaneho ng motorsiklo habang […]