Bagsik ng Gilas Pilipinas ilalabas sa FIBA Qualiiers
- Published on November 27, 2020
- by @peoplesbalita
Sa kabila ng batang lineup, asahan ang isang palabang Gilas Pilipinas sa FIBA Asia Cup Qualifiers na aarangkada bukas sa Manama, Bahrain.
Bahagi ng program ng Samahang Basketbol ng Pilipinas (SBP) ang magpadala ng batang lineup sa mga international tournaments.
At naniniwala ang lahat na hindi bibiguin ng Gilas Pilipinas ang buong sambayanan dahil inaasahang lalabas ang bangis nito laban sa Thailand.
“Everybody is raring to go. Mga bata eh so I guess the energy, the passion of the youth. Tab (Baldwin) was saying it’s very inspiring to see these young men carry our flag in such a very unusual period of tournaments,” ani SBP president Al Panlilio.
Sa katunayan, isa ito sa pinakabatang lineup ng Gilas Pilipinas sa isang Asian-level tournament.
Subalit hindi ito basta-bastang Gilas Pilipinas dahil gigil ang bawat miyembro nito na patunayan ang kanilang kakayahan.
Pinakabeterano sina Isaac Go, Matt Nieto, Juan Gomez de Liaño, Kobe Paras at Dwight Ramos dahil dati na silang naging bahagi ng Gilas Pilipinas.
Kaya naman ibinahagi ng apat ang magandang karanasang kanilang natutunan sa Gilas Pilipinas sa kanilang mga bagong katropa.
Makakasama ng limang beterano ang baguhang sina Mike Nieto, Javi Gomez de Liaño, Rey Suerte, Jaydee Tungcab, Justine Baltazar, Dave Ildefonso, William Navarro, Calvin Oftana at Kemark Carino.
Baguhan sa international competition ngunit malalim ang kanilang karanasang natutunan sa college teams na inaasahang dala ng bawat isa sa qualifiers.
-
52 opisyal ng PNP-CSG sinibak dahil sa malpractice
NAGSAGAWA ng balasahan ang Philippine National Police-Civil Security Group (PNP-CSG) at inalis sa puwesto ang 52 nilang opisyal dahil umano sa “malpractice.” Ayon kay CSG Director Police Major General Roberto Fajardo, kabilang sa kanyang sinibak ang 30 police commissioned officer na may pinakamataas na ranggong police colonel, 17 non-commissioned officer at 5 non-uniformed personnel. […]
-
P2.3 milyong shabu nasabat sa bebot sa Bilibid
HIGIT sa P2-milyon na halaga ng ilegal na droga ang nasamsam ng mga awtoridad nang tangkang ipuslit papasok sa Maximum Security compound ng New Bilibid Prison (NBP), sa Muntinlupa City, kamakalawa ng hapon. Kinilala ni Southern Police District (SPD) Director P/Brig. General Jimili Macaraeg ang suspek na Raquel Zuñiga, 33, residente ng Marasaga […]
-
US donation single dose na Johnson and Johnson, inaasahang darating ngayong buwan sa bansa
INAASAHANG darating ngayon buwan sa bansa ang nasa 3,024,000 single dose na Johnson and Johnson na donasyon ng Estados Unidos at ipadaraan sa COVAX facility ang parating ng bansa ngayong buwan. Sa naging pag-uulat ni Vaccine csar Carlito Galvez Jr. kay Pangulong Rodrigo Roa Duterte, sinabi nito na bahagi ito ng inaasahang 16 doses […]