Betong, ‘di itinago na may matinding pinagdaanan habang naka-lockdown
- Published on October 16, 2020
- by @peoplesbalita
MENTAL Health Awareness Month ang buwan ng Oktubre at sa buwan na ito, pinapaalam ng marami ang nagiging epekto sa tao kapag hindi nabantayan ang kalagayan ng kanilang mental health.
Dahil sa COVID-19 pandemic, maraming tao sa buong mundo ang nakaranas ng depression, anxiety, restlessness at yung iba ay umabot na sa pagkakaroon ng suicidal thoughts. Kaya importante na ma-check ang mga taong ito na may mental health problem para ipaalam sa kanila na magiging maayos din ang lahat.
Isa nga sa binabantayan ang kalagayan ng kanyang mental health ay ang Kapuso comedian- TV host na si Betong Sumaya. Hindi kaila sa marami na may pinagdaanan na matinding anxiety si Betong noong magkaroon ng lockdown.
Para maibsan daw ang kanyang anxiety, umiwas daw muna itong manood ng mga balita sa telebisyon.
“May times na ayoko manood muna ng news. Hindi ko sinasabi na hindi importante, napakaimportante ng news. Pero may point minsan na parang naa-alarm ako. Kasi parang nakikita mo parang ‘yung cases nararamdaman mo,” diin ni Betong.
Nakatulong ang dasal kay Betong para mapawi ang kanyang nararamdamang lungkot.
“‘Yung faith mo talaga kay Lord, wala tayong ibang makakapitan ngayon kung hindi si Lord talaga ‘di ba, sa dami ng mga nangyayari sa atin.”
Mabuti raw at meron siyang online weekly show na Quiz Beh! at panay ang video chat niya sa kanyang pamilya.
“Ako po, home alone talaga ako; 7 months na akong home alone dito sa Quezon City. Pero siyempre, I have to make a way na makausap ko ‘yung family ko so very thankful ako na meron tayong Facetime at iba’t ibang ways na makausap sila.” (RUEL J. MENDOZA)
-
2 sa People’s Balita, nanumpa kay PCO Secretary Chavez
ISANG malaking karangalan sa pamunuan ng Alted Publications, ang naglalabas ng mga isyu ng People’s Balita, isang national-tabloid newspaper kung saan isang Editorial Consultant at Reporter nito na mga opisyal ng Manila City Hall Press Club (MCHPC) ang kabilang sa nanumpa sa harapan ng Presidential Communication Office (PCO) Secretary Cesar Chavez sa Malacanang. […]
-
Dumbledore’s First Army Reveals in ‘Fantastic Beasts: The Secrets of Dumbledore’ Featurette
‘Fantastic Beasts: The Secrets of Dumbledore’ just revealed a featurette about Dumbledore’s First Army, along with character posters of the magical group! Get an inside look into the making of ‘Fantastic Beasts: The Secrets of Dumbledore‘ with a newly-released featurette about Dumbledore’s First Army. The launch coincided with the reveal of solo posters […]
-
Posibleng magpatupad ng price cap sa swab test
MALAKI ang posibilidad na magpatupad si Pangulong Rodrigo Roa Duterte ng price cap sa RT-PCR o swab tests para sa COVID-19. Sinabi ni Presidential spokesperson Harry Roque na hindi posibleng magpalabas si Pangulong Duterte ng isang executive order na magre-regulate ng presyo ng swab tests. “I don’t think it is impossible for him […]