‘Boss’ ng ‘pastillas’ scheme, 3 pang ex-Immigration officials pina-contempt ng Senate panel
- Published on October 8, 2020
- by @peoplesbalita
NA-CITE in contempt ng isang Senate panel ang sinasabing “boss” ng corruption scheme sa Ninoy Aquino International Airport (NAIA) at tatlong iba pang sangkot na dating opisyal ng Bureau of Immigration (BI).
Kinilala ang mga ito na sina dat- ing Bureau of Immigration Deputy Commissioner Marc Red Mariñas; dating Immigration Special Operetions Communications Unit head Maynardo Mariñas; at mga Immigration personnel na sina Totoy Magbuhos at Daniece Binsol.
Ayon kay Sen. Risa Hontiveros, chairperson ng Senate Committee on Women, Children, Family Relations and Gender Equality, nabigo kasi ang mga ito na dumalo sa imbestigasyon ng mataas na Kapulungan kahit nakatanggap na ang mga ito ng subpoena.
“Para sa mga implicated na akala niyo puwede niyong ismall-in ang investigation ng Committee na ito, nagkakamali kayo,” wika ni Hontiveros.
“I request the Sergeant-at-Arms of the Senate to present you before the Committee next hearing,” dagdag nito.
Sa ilalim ng Senate rules, ang mga na-cite in contempt ay maaaring idetine ng Sergeant-at- Arms ng upper house para siguruhing dadalo ito sa pagdinig.
Una nang nagsumite ng liham si Atty. Joel Ferrer sa komite para i-excuse ang mag-amang Mariñas na dumalo sa lupon, ngunit hindi natalakay ang rason ng kanilang pagliban sa hearing.
Ang apat na dating Immigration officials ay ipinatawag sa Senado matapos bansagan ng whistleblowers na sina Alex Chiong at Jeffrey Dale Ignacio na mga “boss” ng pangingikil sa NAIA. (Ara Romero)
-
Philippine Sports Commission at National Collegiate Athletic Association , nakipagpulong sa opisyales ng Samahang Basketbol ng Pilipinas tungkol sa isyu ni John Amores
Nakipagpulong ang Philippine Sports Commission (PSC) sa mga kinatawan ng National Collegiate Athletic Association (NCAA), Samahang Basketbol ng Pilipinas (SBP), para talakayin ang mga isyung bumabalot sa Jose Rizal University player na si John Amores. Sa isang pahayag, inilarawan ito ng Phil. Sports Commission bilang isang “coordination meeting” habang patuloy na tinitingnan ng fact-finding […]
-
Labis-labis ang pasasalamat sa mga parangal na natanggap: YASMIEN, kinilala naman bilang ‘Top Actress of the Year’ sa Brand Asia Awards
CONGRATULATIONS to “Start-Up PH” actress na si Yasmien Kurdi! Labis ang saya ni Yasmien sa panibagong papuri at karangalan na kanyang natanggap bilang isang actress, last December 3, kinilala siyang “Top Actress of the Year” mula sa Brand Asia Awards. Ayon sa Instagram caption ni Yasmien: “Top Actress of the Year. […]
-
PDu30, inaprubahan na ang pagpapalabas ng gratuity pay para sa job order at contract of service workers sa pamahalaan
INAPRUBAHAN na ni Pangulong Rodrigo Roa Duterte ang pagpapalabas ng gratuity pay para sa job order at contract of service workers sa pamahalaan bilang pagkilala sa kanilang serbisyo ngayong taon sa gitna ng COVID-19 pandemic. Sa ilalim ng Administrative Order No. 38, mabibigyan ang mga contractual at job order workers sa gobyerno ng one-time […]