• June 14, 2024
  • Ang Diyaryong Pinagkakatiwalaan

Archive for October 8th, 2020

Ads October 8, 2020

Posted on: October 8th, 2020 by @peoplesbalita No Comments

Tuloy ang selebrasyon sa pagdiriwang ng kapistahan ng Quiapo

Posted on: October 8th, 2020 by @peoplesbalita No Comments

NAGPAHIWATIG ang isang Pari na tuloy ang selebrasyon pero hindi katulad ng tradisyon na ginagawa.

 

Ito ang inihayag ni Quiapo Church Parochial Vicar Fr. Douglas Badong kaugnay sa nalalapit na pagditriwang ng Kapistahan ng Quiapo.

 

Ayon kay Fr. Badong, maaring hindi matuloy ang tradisyunal na Traslacion ngunit mayroon silang plano upang sa gayon ay matuloy pa rin ang selebrasyon ng Kapistahan ng Quiapo.

 

Isa sa naiisip ng pamunuan ng Quiapo ang pagsasagawa ng mo- torcade at ang ruta ay sa main road lamang kung papayagan sila ng IATF at kong matitiyak ng mga panatiko ang disiplina na sumunod at manatili lamang sa isang tabi habang dumadaan ang Nazareno upang mapanatili ang social distancing.

 

Paliwanag ni Fr. Badong, malaking pagbabago ang maga- ganap sa Kapistahan ng Quiapo dahil na rin sa pandemya, lalo pa at nagdesisyon na rin aniya si Manila Mayor Francisco “Isko Moreno” na hindi papayagan ang dating pamamaraan ng pagdiriwang.

 

Ngunit ayon kay Fr. Badong hindi naman aniya ibig sabihin na wala na tayong selebrasyon.

 

Ayon sa pari, may mga paraan paano ipagdiriwang ang Kapistahan ng Quiapo at kong papaano ipagdiwang ay mayroon nang ilang mungkahi sa IATF kung papayagan o hindi.

 

Sakali namang payagan ng IATF ang motorcade kung saan nasa sasakyan lamang ang Nazareno ay kanila namang paghahandaan at ng mga hijos upang hindi ito dumugin ng mga deboto at sampahan tulad nang nangyari sa nagdaaang prusisyon.

 

Sinabi rin ni Fr. Badong na malabo na ring mangyari ang “pahalik” sa Luneta kaya naman gagawa sila ng alternatibo kung saan maaring makalapit ang mga panatiko sa nazareno ngunit hindi maaring makahalik at humawak.

 

Paiigtingin din ang misa ng hanggang 24 oras kung kakayanin ng Simbahan sakaling hindi talaga payagan ang motorcade.

 

Bukod dito, maglalagay ng mga stations sa palibot ng Quiapo at magkakaroon ng altar. Maglalagay din ng screen upang mapanood ang misa sa Quiapo na hindi na kailangan dikit –dikit ang mga pananampalataya.

 

Umaasa naman si Fr.Badong na madesisyunan na ng IATF ang kanilang rekomendasyon upang sa gayun ay mapaghandaan ng Simbahan.

 

Ngayon palang madisiplina saan exit entrance kesa biglaan san alam san pupunta. (Gene Adsuara)

WHO naniniwalang mayroon ng bakuna laban sa COVID-19 sa katapusan ng taon

Posted on: October 8th, 2020 by @peoplesbalita No Comments

NANINIWALA ang World Health Organization (WHO) na posible sa katapusan ng taon ay mayroon ng bakuna laban sa COVID-19.

 

Sinabi ni WHO Director-General Tedros Adhanom Ghebreyesus, na maraming mga bansa na ang nag-uunahan na na gumawa na ng bakuna.

 

Mayroon na kasing siyam na experimental vaccines sa ilalim ng WHO-led COVAX global vaccine facility.

 

Inaasahan na makakagawa ito ng 2 bilyong bakuna hanggang 2021.

 

Muling nanawagan ang WHO Director ng pagkakaisa sa mga bansa para mapabilis ang paggawa ng nasabing mga bakuna.

Malakanyang, suportado ang DepEd nang palagan ang naging pahayag ni Governor Mamba laban sa mga guro

Posted on: October 8th, 2020 by @peoplesbalita No Comments

SUPORTADO ng Malakanyang ang pagpalag ng Department of Education (DepEd) sa naging pahayag ni Cagayan Governor Manuel Mamba na wala umanong ginagawa ang mga guro at sumusuweldo lang.

 

Giit ni Presidential spokesperson Harry Roque, hindi sila naniniwala sa nasabing pahayag ng gobernador na nagsabing dapat pa ngang kaltasan ang suweldo ng mga guro ngayong panahon ng pandemya.

 

Ayon kay Sec. Roque, dapat pa nga aniya ay pasalamatan ng gobernador ang mga guro gaya ng kanilang pagpapasalamat sa mga ito.

 

Tila ipinaalala ni Sec. Roque sa gobernador na nakasalalay sa mga guro ang tagumpay ng blended learning na ayon naman kay DEPED Secretary Leonor Briones ay abalang- abala na bago pa man sumapit ang pasukan nitong nagdaang Lunes.

 

“Oo, sang-ayon po kami kay Secretary Briones. Hindi po kami naniniwala na walang ginagawa ang mga guro at nagpapasalamat Malakanyang, suportado ang DepEd nang palagan ang naging pahayag ni Governor Mamba laban sa mga guro nga po kami ngayon sa mga guro dahil ang tagumpay po nitong blended learning ay nakasalalay din sa kanila ‘no,” ang pahayag ni Sec. Roque.

 

Nauna rito, sinabi ni Secretary Briones na bagama’t walang pasok sa mga nagdaang buwan ay busy naman ang mga teachers sa mga training, paggawa ng modules at paglikha ng Learning Continuity Program.

 

“Hindi naman totoo na walang ginagawa ang mga teachers. Totoo na walang school for several months pero nag-undergo sila ng training. Iyong mga master teachers gumagawa ng mga modules at iyong kanilang mga superintendents nagri-report at nagmi-meet kasi winu-workout namin ang Learning Continuity Program,” anito.

 

“Hindi sila physically nagtuturo pero marami din silang pinapagawa namin para paghanda nitong October 5 opening natin. Mag-i-issue kami ng statement diyan,” dagdag na pahayag nito. (Bishop Jesus “Jemba” M. Basco)

‘Roving teachers’ sa mga low COVID-19 risk areas, inirekomenda

Posted on: October 8th, 2020 by @peoplesbalita No Comments

IMINUMUNGKAHI ni Sen. Sherwin Gatchalian sa mga pamahalaan na magkaroon ng “roving teachers” sa mga lugar na may mababang COVID-19 transmission risk.

 

Naniniwala ang chairman ng Senate education committee na mas ligtas na pamamaraan ito kaysa buksan ang mga paaralan sa low-risk areas ng 30 percent sa kabila ng banta ng COVID-19 pandemic.

 

Inirekomenda ni Gatchalian na pumunta ang mga guro sa lugar ng kanilang mga estudyante at bumuo ng maliit na grupo ng lima hanggang 10 mag-aaral.

 

Hangga’t sa sinusunod ang social distancing, maaring ipatupad ang kanyang rekomendasyon bago matapos ang taon.

 

Para matiyak naman ang proteksyon ng mga guro, sinabi ni Gatchalian na dapat regular ang COVID-19 testing ng mga ito at libre din ang kanilang treatment.

PDu30, ayaw sa reenacted budget

Posted on: October 8th, 2020 by @peoplesbalita No Comments

Gustong maipasa ang P4.5-trillion national budget bago ang Oktubre14.

 

SINABI ng Malakanyang na nais nitong maipasa ng Kongreso ang P4.5-trillion national budget bago ang Oktubre14.

 

Ayaw kasi ni Pangulong Rodrigo Roa Duterte ang reenacted budget pagsapit ng taong 2021.

 

Sinabi ni Presidential Spokes- person Harry Roque kapag naipasa ang national budget ay siguradong mapipirmahan na ito ng Pangulo sa Disyembre at magiging epektibo na ito sa Enero.

 

Napag-alaman na ilalaan ang malaking bahagi ng 2021 na- tional budget sa mga programa na nakatuon sa pag-ahon ng bansa mula sa idinulot na krisis ng COVID-19 pandemic.

 

Nauna rito, nagpahayag ng pangamba ang economic team ng Pangulo sa magiging kapalaran sa P4.5-trillion budget dahil sa agawan sa kapangyarihan sa mababang kapulongan.

 

Sa ulat, inakusahan ni incom- ing House Speaker at Marinduque Representative Lord Allan Velasco si incumbent House Speaker Alan Peter Cayetano na hino-hostage ang 2021 national budget upang mapanatili ang sarili sa puwesto.

 

Sa kanyang Facebook post, sinabi ni Velasco na sa halip na matutukan ng Kamara ang trabaho, natabunan na ng pulitika at drama ang pagtalakay sa panukalang budget para sa susunod na taon.

 

Ayon kay Velasco, walang ibang pakay ang mga nangyayaring pag- atake at panggugulo sa House of Representatives kundi ang mapanatili ang mga personal na agenda kapalit ng agarang pagpasa sa 2021 national budget.

 

Kasunod nito, nananawagan si Velasco sa kanyang mga kapwa mambabatas na magpatuloy sa pagtatrabaho at ipasa ang national budget bago ang ika-14 ng Oktubre.

 

Una nang iginiit ni AnaKalusugan Party-list Representative Mike De- fensor na kilalang kaalyado ni Cayetano na kaya nilang maipasa sa ikalawang pagbasa ang panukalang national budget bago mag-recess ang kongreso. (Daris Jose)

Duremdes gustong testigo si Esplana

Posted on: October 8th, 2020 by @peoplesbalita No Comments

NAIS ni Maharlika Pilipinas Basket- ball League o MPBLl Commissioner Kenneth Duremdes na personal na makausap si dating MPBL coach Gerald (Gerry) Esplana ng Valenzuela City upang mas malalim na mabatid at magkatulungan para masugpo ang iba’t-ibang uri sa taktika ng game fixing, kasma ang point shaving.

 

“Gusto kong makita at mapanood iyung video ni coach Gerry (Esplana). Kung gusto niya, puwede kaming mag-usap, magtulungan para sa liga. Puwede namin siyang maging witness para malinis namin ang ating mga liga,” lbulalas ng opisyal ng liga ni Sen. Emmanuel Pacquiao.

 

Tiwala ang six-time champion at 1998 Most Valuable Player ng Philippine Basketball Association (PBA), na makakatulong ang pagabahagi ni Esplana sa pagbubunyag sa mga taktika na nagiging parte sa pagsasamantala ng ilan hindi lamang sa resulta ng mga laro kundi ikalilinis ng imahe ng liga.

 

“Kung kilala niya, puwede naming paimbestigahan. Mahirap kasi kapag walang data at ebidensiya,” hirit ng former University Athletic Association of the Philippines (UAAP) coach ng Adamson Soaring Falcons at ikalawang komisyoner ng semi-pro league( MPBL).

 

May katagalan na rin sa kalakaran sa sport si Esplana, na nagkapaglaro sa Philippine Amateur Basketball League (PABL) na naging PBL at PBA Developmental League, at PBA saka naging coach sa National Collegiate Athletic Association (NCAA) bago sa MPBL.

 

Nag-1990 PBA Rookie of the Year siya, bagong nag-coach sa Emilio Aguinaldo College Generals sa NCAA at sa Valenzuela sa MPBL. Minsan na ring pumiyik siya sa isyu ng game fixing, pati si dating national, PBA, Metropolitan Basketball Association (MBA), NCAA at PBA na si Francisco Luis (Louie) Alas.

 

Nitong Nobyembre 2019, may ilang kinasuhan na rin sina Pacquiao at Duremdes sa MPBL. Pero dahil sa Covid-19 naipit sa Department of Justice (DOJ) ang paglalabas ng resolusyon.

 

Hanggang bukas pong muli mga giliw kong mambabasa dito sa People’s Balita Sports. (R.E.C.)

RONNIE at LOISA, nawala na rin sa teleseryeng ‘Cara Y Cruz’

Posted on: October 8th, 2020 by @peoplesbalita No Comments

TAHIMIK at hindi kami sinasagot nang tinanong namin kung bakit nawala na sina Ronnie Alonte at Loisa Andalio sa teleseryeng Cara Y Cruz na binago na ang titulo, Bagong Umaga na base na rin sa tweet ng Entertainment head ng Kapamilya network na si Direk Laurenti Dyogi.

 

“Soon this October, starring Tony Labrusca and Barbie Im- perial with Kiko Estrada, Michelle Vito, Yves Flores and launching in her first lead role in a teleserye, Heaven Peralejo! #KapamilyaForever #BagongUmaga #HappybirthdayMichelleVito.”

Nagtanong kami sa isa pang taga-production pero ang tanging sagot sa amin, “wala na rin po, eh. Hindi ko alam.”

 

Hmm, dahil kaya true friends sina Loisa at Julia Barretto?

 

Si Julia ay umaming tinanggal sa serye noong hindi pa ito nagpapalit ng titulo dahil gusto raw ng management na pawang Star Magic talents ang bida naintindihan ito ng aktres dahil nga nagpalit na siya ng talent management, ang Viva Artist Agency.

 

Ano naman ang kuwento ni Ronnie bakit pati siya nawala? Package deal ba sila?

 

Ay naalala ko na, parang may plano na ring umalis ng Star Magic si Ronnie hindi lang namin alam kung isasama niya ang katipan niyang si Loisa. (Reggee Bonoan)

Estudyante, house keeper at mangingisda huli sa pot-session

Posted on: October 8th, 2020 by @peoplesbalita No Comments

NADAKIP ng mga tauhan ng Maritime Police ang tatlong hinihinalang sangkot sa droga matapos maaktuhang sumisinghot ng shabu, kabilang ang na-rescueng 15-anyos na estudyante sa Navotas city.

 

Kinilala ni Northern NCR Maritime Police Station (MARPSTA) P/Maj. Rommel Sobrido ang mga naaresto na si Jocelyn Labuga, 52, house keeper ng Kadamay St. Market 3 Brgy. NBBN, Ariel Barcelona, 49, mangingisda ng Blk 3, Market 3 at ang 15-anyos na grade 6 student na itinago sa pangalang “Rosana”.

 

Ayon kay P/Maj. Sobrido, alas- 11 ng gabi nang respondehan ng kanyang mga tauhan sa pangunguna ni PLT Erwin Garcia, kasama ang dalawang tauhan ng WCPD ang natanggap na tawag mula sa concerned citizen hinggil sa nagaganap umanong pot-session sa Kadamay St. Brgy. NBBN.

 

Pagdating sa lugar, naaktuhan ng mga pulis na sumisinghot ng shabu ang tatlo na naging dahilan upang arestuhin nila si Labuga at Barcelona habang na-rescue naman ang menor de edad.

 

Nakumpiska sa mga dinakip ang sachet ng hinihinalang shabu, at drug paraphernalias.

 

Kinasuhan ng pulisya ng paglabag sa Comprehensive Dan- gerous Drugs Act of 2002 si Labuga at Barcelona habang tinurn-over naman sa DSWD ang na-rescueng menor de edad. (Richard Mesa)

MARVEL DELAYS ‘BLACK WIDOW’ AND OTHER PHASE 4 FILMS

Posted on: October 8th, 2020 by @peoplesbalita No Comments

MCU’s Phase 4 will be taking longer to unfold.

 

Last year’s San Diego Comic- Con was a blast for MCU fans as Marvel laid out its initial plans for Phase 4 of the Marvel Cinematic Universe. But just like any other plans made for this year, setbacks were inevitable.

 

According to Variety, Disney will now be releasing Black Widow on May 7, 2021. The film was supposed to screen in theaters last May, but because of the pandemic, it was moved to November. That is until this new release date was announced.

 

Marvel’s Eternals also received a second reschedule for its release. The film is now set to premiere November 5 next year. Another Marvel Phase 4 film, Shang-Chi and the MARVEL DELAYS ‘BLACK WIDOW’ AND OTHER PHASE 4 FILMS Legend of the Ten Rings, had its release date moved to July 9, 2021.

 

Other upcoming films on MCU’s Phase 4 lineup are Doc- tor Strange in the Multiverse of Madness and Thor: Love and Thunder. New release dates have not been announced for the films but we can expect it will be moved even further from its respective release dates of May 7 and November 5 next year.

 

A few days back, MCU show WandaVision also released its official trailer. It seems that the current situation won’t be stopping the show from being re- leased on Disney+ later this year.

 

For more updates, be sure to check out their website and follow Marvel Studios on Twitter, Facebook, and Instagram.