Bucks balik uli sa porma, Hornets pinayuko
- Published on March 3, 2022
- by @peoplesbalita
HUMAKOT si Giannis Antetokounmpo ng 26 points at 16 rebounds para pamunuan ang nagdedepensang Bucks sa 130-106 pagsuwag sa Charlotte Hornets.
Naglista si Jrue Holiday ng 21 points at 8 assists habang kumolekta si Bobby Portis ng 20 points at 10 rebounds para sa Milwaukee (38-25) na kasosyo ang Cleveland Cavaliers sa No. 4 spot sa Eastern Conference.
Umiskor si LaMelo Ball ng 24 points sa panig ng Charlotte (30-32) na nakahugot ng 17 markers kay Terry Rozier.
Humataw ang Bucks ng season-high 44 points sa second quarter para ibaon ang Hornets sa halftime, 76-53, at hindi na nilingon pa ang Hornets sa second half.
Sa Miami, naglista sina Gabe Vincent at Tyler Herro ng tig-20 points sa 112-99 paggupo ng Eastern Conference leading-Heat (41-21) sa Chicago Bulls (39-23).
May 18 points lamang si Bulls star guard DeMar DeRozan.
Sa Cleveland, isinalpak ni center Karl-Anthony Towns ang isang triple sa huling 11.8 segundo sa 127-122 panalo ng Minnesota Timberwolves (33-29) sa Cavaliers (36-25).
Sa iba pang laro, tinalo ng Memphis Grizzlies ang San Antonio Spurs, 118-105; panalo ang Sacramento Kings sa Oklahoma City Thunder, 131-110; binigo ng Orlando Magic ang Indiana Pacers, 119-103; at hinataw ng Toronto Raptors ang Brooklyn Nets, 133-97.
-
Maraming pinagdaanan, at masuwerteng nakuha ang korona: MICHELLE, nagdalawang-isip pa sa muling pagsali sa ‘Miss Universe Philippines’
NAGING challenge sa newly-crowned Miss Universe Philippines 2023 Michelle Dee ang naging preparation niya para sa pageant dahil marami raw nangyari sa buhay niya emotionally and physically. “Approaching the competition, I was running on 1-2 hours of sleep every day. Miss Universe is the most bardagulan pageant, in my opinion. “You have to […]
-
PBA papayagan na ang mga audience sa mga laro
PAPAYAGAN na ng Philippine Basketball Association (PBA) ang panonood ng mga audience sa darating na Pebrero 16. Sinabi ni PBA commissioner Willie Marcial na ito ang naging desisyon nila matapos na 100% na mga manlalaro nila ay bakunado na sa COVID-19. Aabot na rin sa 95 percent rin sa mga manlalaro […]
-
‘Safe, secure PH’, maiiwang pamana ni Pangulong Duterte- Malakanyang
SINABI ng Malakanyang na ang maiiwang pamana ni Pangulong Rodrigo Roa Duterte sa mga Filipino ay ang “safe and secure” na Pilipinas. Ito’y matapos na sabihin ng Commission on Human Rights (CHR) na ang iiwanang pamana ng Pangulo ay ang gobyernong nabigo na magampanan ang obligasyon para protektahan ang karapatang-pantao at mayroong panghihikayat […]