Bukod sa nag-e-enjoy din sa pagpi-piano… DINGDONG, happy and proud sa bagong discovery ni ZIA na pangangabayo

NAKIPAG-BONDING ang Dantes Squad, ang mag-asawang Kapuso Primetime King & Queen na sina Dingdong Dantes at Marian Rivera sa GMA boss na si Attorney Annette Gozon-Valdez, Kim Atienza at iba pang mga kaibigan nila sa Leviste Equestrian Park noong Linggo.

Halatang natuwa at proud si Dingdong sa anak nila na si Zia Dantes. Nakita niya na mas nadaragdagan ang mga interes ng anak. Mukhang enjoy talaga si Zia na mag-piano. Sabi nga niya, “She never fails ko surprise me. Pero ang bagong discovery ni Zia ay ang pangangabayo.”

Nag-post si Dingdong ng picture na nakasakay sa kabayo ang anak kasama ang equestrian na si Maritess Gozon Viterbo.

Sabi ni Dingdong, “Not sure if she’s Floris or Happy, but thank you, Maritess, for introducing her to your horses. Mukhang may bagong kahihiligan itong anak ko.”

Mukhang na-excite si Dingdong sakali at magkakaroon siya ng anak na equestrian na e, musically inclined pa.

***

HINDI natiis ni Megan Young at mukhang sobra na talaga ang pagka-miss sa kanyang FOFO, ang mister na si Mikael Daez.

Sinorpresa ni Megan si Mikael na ngayon ay kasalukuyang nagte-taping sa South Korea para sa “Running Man Philippines.”

Dapat ay may isang buwan pa bago sila muling magkita. Pero, inamin ni Megan na hindi na talaga niya natiis kaya pinuntahan na niya si Mikael sa Korea.

Sey niya sa kanyang Instagram post, “Reunited with Fofo!!! Kilig to the Bonez. Hindi ko talaga natiis at pinuntahan ko siya sa Korea. Kaya hanggang sa pagkakape namin ay magiging clingy ako sa ka nya. Pero ang totoo niyan, hindi naman talaga siya yung pinuntahan ko dito, hahaha”

Saka niya sinundan ng mga hashtags na “Army Lang Nakakaalam, “ at “Nasaan Ang BTS.”

Sa IG post naman ni Mikael, may caption ito na na-surprise nga raw siya ni Megan at nagbiro na “spy-ops” mode sa pagbisita niya. At humirit din na alam daw niya, mas ang makapunta ng BTS museum talaga ang dahilan nito.

Pero sey niya rin na halatang masaya naman sa pagdating ni Megan after 4 weeks na hindi sila nagkita at nagkasama, “It’s so nice to see Boneezy and I’m going to take her coffee hopping every single day that she is here. I will also take her to my favorite convenience stores, lol.”

(ROSE GARCIA)