Bulacan, higit na pinaigting ang contact tracing kasabay ng pagpasok ng Delta variant sa lalawigan
- Published on August 3, 2021
- by @peoplesbalita
LUNGSOD NG MALOLOS– Higit na pinaigting ng Provincial Task Force (PTF) on COVID-19 ang contact tracing at pinahigpit ang pagpapatupad ng Prevent-Detect-Isolate-Treat-Reintegrate (PDITR) Strategy upang maiwasan ang lalong pagkalat ng mga kaso ng COVID lalo na ngayon na pumasok na sa lalawigan ang mas nakakahawang variant ng virus.
Kinumpirma ni Gobernador Daniel R. Fernando na dalawang kaso ng COVID Delta variant ang nakapasok sa Bulacan, isa sa San Ildefonso at isa sa Santa Maria, sa ginanap na Damayang Filipino Blood Letting Program sa Bulacan Capitol Gymnasium sa lungsod na ito kahapon.
Ayon sa gobernador, magaling na ang asymptomatic na kaso sa San Ildefonso, habang sumasailalim pa sa quarantine ang isa pa mula sa Santa Maria.
Hinikayat niya ang mga Bulakenyo na patuloy na sumunod sa standard health protocols kabilang ang pagsusuot ng face mask at face shield, pagpapatupad ng social distancing at madalas na paghuhugas ng kamay dahil ang mga ito ang napatunayang epektibong paraan upang makaiwas sa pagkakahawa ng anumang variant ng virus.
Bago pa ito, kahit wala pang naitatalang kaso ng Delta variant, nailatag na ang mga nabanggit na aksyon ni PTF Response Cluster Head Dr. Hjordis Marushka Celis sa ginanap na PTF Meeting noong Biyernes, Hulyo 23, 2021 upang ihanda ang lalawigan sa posibleng pagtaas ng kaso dahil sa bagong variant.
Kahapon, ang Bulacan ay mayroong 1,687 kabuuang aktibong kaso ng COVID, 41,272 paggaling, at 938 na pagkamatay.
-
P1B APRUBADO NA BILANG DAGDAG BUDGET NG PHILIPPINE COCONUT AUTHORITY
APRUBADO na at kasama na sa National Expenditure Program for 2024 ang P1 bilyon para sa revitalization ng coconut industry. Sinabi ni PCA Administrator Bernie Cruz nitong Martes (Agosto 29), out of their request for P11-billion additional budget, only P1B billion was included in the NEP for 2024. Dagdag ni Cruz, mismong […]
-
Inagurasyon ni Marcos Jr., gagawin sa Ilocos o Maynila- PNP OIC
MAAARING idaos ang inagurasyon ni President-elect Ferdinand “Bongbong” Marcos Jr. sa Hunyo 30 sa Ilocos Region o sa Maynila. “Yung kay Sir Bongbong naman po, I think it will be either Ilocos or dito po sa area ng Manila,” ayon kay PNP officer-in-charge Police Lieutenant General Vicente Danao Jr. “So we […]
-
Roger Federer, nanguna sa 100 highest-paid athletes ng Forbes
Nangibabaw sa unang pagkakataon si tennis superstar Roger Federer sa listahan ng mga highest-paid athletes ng Forbes business magazine ngayong taon. Sa datos ng Forbes, kumita si Federer ng $106.3-milyon kung saan $100-milyon ang mula sa appearance fees at endorsement deals, habang ang $6.3-milyon ay galing sa premyo sa nilahukang mga torneyo. Sumegunda […]