• April 15, 2024
  • Ang Diyaryong Pinagkakatiwalaan

Bulacan PESO, inilunsad ang Virtual Career Expo 2020

LUNGSOD NG MALOLOS– Upang magbigay ng online job advertisement platform sa mga Bulakenyong naghahanap ng trabaho, inilunsad kamakailan ng Pamahalaang Panlalawigan ng Bulacan sa pamamagitan ng Provincial Youth, Sports and Public Employment Service Office (PYSPESO) sa pakikipagtulungan ng Jobs180.com ang Virtual Career Expo 2020 noong Oktubre 23, 2020.

 

Handog ng career expo na may temang “TRABAHO. NEGOSYO. KABUHAYAN: Trabaho para sa Bulakenyo, Hatid ng Provincial PESO” ang higit isang libong trabaho mula sa 100 kumpanya at tatakbo ito hanggang sa katapusan ng taong ito.

 

Inanyayahan ni Gobernador Daniel R. Fernando ang lahat ng mga Bulakenyo na patuloy na makiisa sa napapanahong programa na ito at sunggaban ang oportunidad na makapag-aplay ng trabaho habang ligtas at malusog na nananatili sa tahanan.

 

“Pangako ko na maialay ang bunga ng kaunlaran sa hapag ng bawat Bulakenyo sa pamamagitan ng pagkakaroon ng oportunidad sa trabaho, negosyo, at kabuhayan para sa ating mamamayang Bulakenyo. Hindi po kayang tuldukan ng COVID-19 ang ating pangarap na ito. Tayo ay magpapanibagong lakas at inspirasyon upang harapin ang mga hamon ng ating panahon,” anang gobernador.

 

Binanggit rin niya na ang buong proseso ng empleyo mula pre- employment orientation hanggang sa pagpapasa ng Resumé at interbyu ay isasagawa nang birtwal.

 

Upang makasali, bisitahin ang opisyal na Facebook page ng Provincial PESO Bulacan sa https://www.facebook.com/ provincialpesojobfair, para sa registration link, o puntahan ang https://school.jobs180.com/pyspeso.

 

Maaari nang magsimulang gumawa ng kanilang ResumeLink ang mga interesadong aplikante upang opisyal na maghanap ng bakanteng trabaho.

 

Gayundin, nagsagawa ang PYSPESO ng Pre-Employment Orientation (PEO) Webinar noong Oktubre 23, 2020 bilang bahagi ng opisyal na paglulunsad ng Virtual Career Expo na may paksang Effective Resume Writing Tips, Interview in the New Normal, Job Hunting, at Employer-Employee Engagement.

 

Para sa ikalawang sesyon ng PEO Webinars na may tatlong bahagi, tinalakay ang mga paksang After Graduation Checklist, Developing your Communication Skills, Gender Equality in the Workplace, at Motivation and Productivity na ginanap noong Oktubre 29, 2020

 

Para sa mga hindi nakadalo sa mga nakalipas na webinar, mayroon pang paparating na PEO Webinar sa Nobyembre 5, 2020, 2:00 ng hapon sa Facebook live na pag-uusapan ang Top Skills Companies are Looking for, Managing your Budget and Finances, Expectations in the New Normal, at Work Opportunities in Bulacan. (Bishop Jesus “Jemba” M. Basco)

Other News
  • PBBM, nabahala sa nangyaring “senseless killing” kay Percy Lapid

    NABABAHALA  ang  Office of the President (OP) partikular na si Pangulong Ferdinand Marcos Jr. sa nangyaring “senseless killing” sa  isang batikang mamamahayag at  kasalukuyang radio commentator ng DWBL na si Percy Lapid.     Sa katunayan, sinabi ni Senior Deputy Executive Secretary Hubert Guevarra na inatasan sila ni Pangulong Marcos na tingnan ang isinasagawang imbestigasyon […]

  • METRO MANILA FILM FESTIVAL 2020 ONLINE REVEALS PRICE & PLATFORM

    EARLIER last month, the Metropolitan Manila Development Authority (MMDA) announced that the annual Metro Manila Film Festival (MMFF) will stream online.   We all know, watching films from the MMFF lineup has become part of Filipinos’ Christmas traditions.   But since we’re well aware of the risks regarding Christmas parties and other social gatherings, we […]

  • Dept. of Energy muling iginiit na paiigtingin ang implementasyon ng LPG Law

    MULING  iginiit ng Department of Energy (DOE) na kanilang paiigtingin ang pagpapatupad sa LPG Industry Regulation Act o ang Republic Act No. 11592.     Nangako naman si Energy Secretary Raphael Lotilla na suportado ng Department of Energy (DOE) na mapatupad ang LPG Law.     Ginawa ng kalihim ang pangako sa pulong kasama ang mga miyembro ng liquefied petroleum gas (LPG) industry kabilang […]