2020 November 05 Archive - People's Balita

July 27, 2024
Search in People's Balita
Ang Diyaryong Pinagkakatiwalaan

Archive for November 5th, 2020

NEA: P30.5M inisyal na pinsala ng bagyo sa electric coops

Posted on: November 5th, 2020 by @peoplesbalita No Comments

INIULAT ng National Electrification Administration ngayong Martes na umabot na sa P30.5 milyon ang inisyal na pinsala ng bagyong Rolly sa electric cooperatives sa mga apektadong lugar.

Ginawa ng NEA ang pahayag batay sa report ng kanilang Di- saster Risk Reduction Management Department.

Ayon sa ahensya, hanggang nitong Martes ng umaga, hindi pa rin naibabalik ang kuryente sa mga lalawigan ng Catanduanes, Camarines Sur, Camarines Norte, Albay, at Sorsogon sa Bicol region.

Patuloy pa umano ang restorasyon sa mga nalalabing apektadong kabahayan na sakop ng Masbate Electric Cooperative, Inc. habang naibalik na ng Ticao Island Electric Cooperative, Inc. ang kuryente sa mga bayan ng Batuan, San Fernando, at San Jacinto at bahagyang naibalik sa Monreal, sa naturang lalawigan.

“The Camarines Sur I, II, III and IV Electric Cooperatives (CASURECO I, II, III & IV), Camarines Norte Electric Cooperative, Inc. (CANORECO), Albay Electric Cooperative, Inc. (ALECO/APEC), and Sorsogon I and II Electric Cooperatives (SORECO I & II) have reported unavailability of transmission services,” ayon sa NEA.

Samantala, sa Calabarzon, patuloy na sinisikap na maibalik ang serbisyo sa mga lugar na sakop ng Quezon I Electric Cooperative, Inc. (QUEZELCO I), First Laguna Electric Cooperative, Inc. (FLECO), at Batangas I and II Electric Cooperatives (BATELEC I & II).

Sa MIMAROPA, iniulat ng Marinduque Electric Cooperative, Inc. (MARELCO) at Romblon Electric Cooperative, Inc. (ROMELCO) ang pagkawala rin ng suplay ng kuryente sa kanilang nasasakupang lugar.

Samantalang sa Eastern Visayas, iniulat ng Northern Samar Electric Cooperative, Inc. (NORSAMELCO) at Samar II Electric Cooperative, Inc. (SAMELCO II) na naibalik na nila ang kuryente sa ilang lugar.

Patuloy pa rin ang restorasyon ng kuryente sa mga nalalabing apektadong bayan, kabilang ang tatlong bayan sa ilalim ng NORSAMELCO at dalawang bayan na sakop ng SAMELCO II.

LWUA, kinalampag ni PDu30 na agad kumpunihin ang water system na nasira sa mga lugar na matinding binayo ng bagyong Rolly

Posted on: November 5th, 2020 by @peoplesbalita No Comments

PINAMAMADALI ni Pangulong Rodrigo Roa Duterte ang pagkumpuni sa water system sa catanduanes at iba pang lugar sa bansa na nawalan ng suplay ng tubig dahil sa epekto ng supertyphoon rolly.

Kinalampag at agad na inatasan ni Pangulong Duterte ang Local Water Utilities Administration o LWUA na tulungan ang mga water district sa mga apektadong lugar na agad maayos ang water system.

Giit ng Pangulo, hindi maaaring pabayaan na walang suplay ng tubig sa matagal na panahon ang mga tinamaan ng bagyo.

Nauna rito, iniulat ni Catanduanes Governor Joseph Cua na wala silang suplay ng tubig at tanging ang ilang deep wells ang gumagana ngayon sa kanilang probinsiya. (Daris Jose)

GILAS TAGILID SA THAILAND AT KOREA SA FIBA QUALIFIERS

Posted on: November 5th, 2020 by @peoplesbalita No Comments

DAHIL wala pa ring ensayo, nangangamba ang Gilas Pilipinas, na bubuin ng cadets team, sa magiging performance nila sa pagsabak sa tatlong killer games sa loob ng limang araw sa November window ng 2021 FIBA Asia Cup qualifiers sa Manama, Bahrain.

Ayon sa ulat, agad na sasagupa ang Gilas kontra sa Southeast Asian foe na Thailand at matagal ng karibal na Korea sa inilabas na iskedyul ng FIBA sa planong bubble sa Bahrain.

Unang sasagupain ng Gilas ang Thailand sa November 26 na magsisilbing rematch sa gold medal game na naganap sa 30th Southeast Asian Games noong isang taon.

Matatandaang napurnada ang FIBA qualifier na nakatakda noong Pebrero dahil sa global COVID-19 pandemic.

Maghaharap muli ang Gilas at Thailand sa November 30 bilang huling laro sa Bahrain bubble.

Hawak ng Pilipinas ang 1-0 record sa Group A matapos talunin sa iskor na 100-70 ang Indonesia sa Jakarta noong February 24.

Ang Gilas Pilipinas ay bubuin ng mga collegiate star at inaasahang walang PBA player na lalahok dahil kasalukuyang naglalaro sa PBA bubble sa Clark, Pampanga.

DOH: Ligtas ang ginagamit na flu vaccines sa Pilipinas

Posted on: November 5th, 2020 by @peoplesbalita No Comments

NILINAW ng Department of Health (DOH) na ligtas ang flu vaccines na ginagamit ngayon sa Pilipinas kasunod ng mga naitalang death cases nito sa South Korea.

Batay sa report ng Centers for Disease Control and Prevention ng Estados Unidos, 59 na ang namatay sa South Korea as of October 26 matapos maturukan ng flu vaccine.

“We in the Philippines, we also undertake AEFI (Adverse Events Following Immunization) or regular surveillance with flu vaccine and as of this time there’s no reported AEFI with flu vaccine in the country,” ani Dr. Beverly Ho, DOH Director IV sa isang media forum noong Biyernes.

Ayon sa opisyal, sinuri na rin ng Food and Drug Administration (FDA) ang logs and batches ng flu vaccines na dumating sa bansa, pero wala sa mga ito ang vaccine brands na ginamit sa South Korea.

Nauna nang ipinahinto ng Singapore Health Ministry at kanilang Health Sciences Authority ang paggamit ng flu vaccines na SKYCellflu Quadrivalent at VaxigripTetra.

“Our flu vaccines are safe and the national immunization program of DOH will continue to push through as planned, and other vaccination activities. We’ll monitor and issue future issues or warning when it will be needed.”

Sinabi ng Korea Disease Control and Prevention Agency na karamihan sa mga namatay ang nasa pagitan ng edad 70 hanggang 80-anyos. FLU VACCINE SHORTAGE?

Samantala, aminado ang FDA na nagkakaroon ng aberya sa supply ng ilan pang bakuna dahil sa laki ng demand.

Ayon kay Usec. Eric Domingo, director general ng FDA, tumaas ang demand sa flu at pneumonia vaccines sa bansa dahil sa takot ng ilan sa COVID-19.

“We checked with vaccine suppliers and wala naman silang sinasabi na shortage ng supply.”

Kamakailan nang umapela sa DOH si Quezon Gov. Danilo Suarez para tulungan ang probinsyang makapag- angkat ng bagong supply ng flu vaccines.

Pero paliwanag ni Domingo, maaaring lumapit sa regional office ng Health department ang lokal na pamahalaan para matulungan silang makabili ng bagong flu vaccine supply.

“Siguro kailangan lang nilang magpatulong sa regional office ng DOH. Kasi syempre ang common na binibentahan kasi ng mga suppliers ng vaccines would be governments and hospitals, and of course doctors.”

“As of now there’s no reported flu vaccine shortage in the country.”

Mag-ina, nalunod, natagpuang patay

Posted on: November 5th, 2020 by @peoplesbalita No Comments

PATAY na nang natagpuan ng mga tauhan ng Philippine Coast Guard (PCG) ang mag-ina matapos malunod sa Larbeco River, Barangay Limo-ok, Lamitan, Basilan kamakalawa ng kagabi.

Ayon sa PCG, nagpunta ang mag-ina na si Lyn Mallari at isang taong gulang niyang anak sa ilog nang hindi inaasahang lumakas ang alon na nagresulta ng kanilang pagkalunod.

Agad na narekober ang katawan ng ginang makalipas ang ilang sandali matapos ang insidente habang kaninang umaga lamang natagpuan ang katawan ng kanyang anak.

Pinangalagaan ng City Disaster Risk Reduction and Management Office (CDRRMO) ng Lamitan City ang mga katawan ng mag-ina, habang patuloy ang koordinasyon sa kanilang pamilya. (Gene Adsuara)

10 alkalde na ‘no show’ kay #RollyPH pinalulutang ng DILG

Posted on: November 5th, 2020 by @peoplesbalita No Comments

PINALULUTANG ngayon ng Department of Interior and Local Government (DILG) ang 10 alkalde na napaulat na umanoy ‘missing in action’ sa kasagsagan ng pananalasa ng Super Typhoon Rolly.

Ayon kay DILG Secretary Eduardo Año, 10 sa kabuuang 1,047 alkalde na ‘nawala’ noong panahon ng bagyo ang pinadalhan na nila ng ‘show cause orders’ nitong Martes upang makapagpaliwanag hinggil sa isyu.

“So 99% po ay nasa kanilang mga lugar upang mag supervise. Yung sampung nawala ay na iden- tify na namin at ito ay aking pagpapaliwanagin,” pahayag pa ni Año, sa isang pulong kay Pang. Rodrigo Duterte.

Samantala, sinabi naman ni DILG Undersecretary at Spokesperson Jonathan Malaya na bibigyan nila ng limang araw ang mga naturang alkalde upang makapagsumite ng kanilang paliwanag sa ipinadalang show cause orders sa kanila.

Tumanggi pa naman muna ang mga DILG officials na pangalanan ang mga naturang nawalang alkalde habang hindi pa natatatanggap ang tugon at paliwanag ng mga ito.

Sinabi ni Malaya na ang mga mapapatunayang nagpabaya sa kanilang tungkulin sa panahon ng kalamidad ay maaaring maharap sa kasong administratibo sa Office of the Ombudsman.

Nabatid na natukoy ng DILG ang pagkawala ng mga naturang alkalde sa pamamagitan ng kanilang operations officers na nakaistasyon sa bawat local government unit (LGU).

Sinabi ni Año na habang paparating pa lang ang bagyo ay itinaas na ng DILG ang warnings at naglabas din sila ng checklist na dapat na isagawa ng mga lokal na pamahalaan.

Aniya, ilan sa mga ito ay nangangailangan ng presensiya ng mga alkalde, gaya na lamang ng pag-convene ng local disaster risk reduction and management council sa kanilang lugar, dahil ang alkalde lamang aniya ang maaaring magsagawa nito.

Una nang pinagsabihan ng DILG ang mga alkalde at mga gobernador ng mga lalawigan na dapat na nasa kani-kanila silang mga lokalidad na kanilang pinamumunuan bago o sa kasagsagan ng kalamidad at maging sa pagkatapos nito.

Binigyang diin ng DILG chief, bilang lider ng local disaster risk reduction and management councils, dapat aniyang personal na pamunuan ng mga alkalde ang paghahanda at pagsasagawa ng aksiyon upang mapigilan ang anumang posibleng pinsalang hatid ng bagyo at iba pang kalamidad sa kanilang nasasakupan.

School na ginawang quarantine facilities ‘di dapat maging evacuation centers

Posted on: November 5th, 2020 by @peoplesbalita No Comments

NAGPAALALA ang Department of Education na huwag gawing evacuation centers ang mga paaralang ginawang quarantine facilities.

“There are still schools that are being used as evacuation centers. But ang regulasyon namin, dapat hindi haluin. Kung may quarantine center, dapat walang evacuation center,” saad ni Education Secretary Leonor Briones sa televised briefing.

Hinikayat din ng opisyal ang mga komunidad na magtayo ng multi-purpose building upang magamit na evacuation centers o quarantine facilities.

Batay sa kasalukuyang datos, sinabi ni Briones na 4,637 silid- aralan sa ilalim ng 44 DepEd divisions ang nagsisilbing evacuation centers. (Ara Romero)

DepEd, nag-hire ng 3,200 learning support aides (LSAs)

Posted on: November 5th, 2020 by @peoplesbalita No Comments

NAG-HIRE o tumanggap ang Department of Education (DepEd) ng 3,200 learning support aides (LSAs) para tulungan ang mga estudyante na walang magulang o guardians na mangangasiwa sa kanilang pag-aaral sa kanilang tahanan.

Sinabi ni Education Undersecretary Jesus Mateo na nag-hire ang mga eskuwelahan ng LSAs na nakatira sa komunidad kung saan sila nagtuturo upang maiwasan ang pagkilos habang binabawasan ang panganib na mapakalat ang bagong coronavirus.

“Ang kinukuha po natin ay iyong mga taong nandito sa community para ma-prevent iyong pag-transmit ng COVID,” ang pahayag nito sa Laging Handa briefing.

Sa bilang na 3,200 LSAs na tinanggap sa 5 rehiyon, tinatayang 2,000 ang nakatanggap na ng kanilang sahod mula sa DepEd habang ang natitirang bilang ay binayaran ng local government units ng komunidad kung saan sila nagtuturo.

Ani Mateo, wala namang target figure ang DepEd pagdating sa LSAs na iha-hire nito lalo pa’t nakadepende ito sa pangangailangan ng mga paaralan.

“Depende po iyan doon sa magiging kailangan ng paaralan para matugunan iyong pangangailangan ng mga mag- aaral,” anito.

Sa kabilang dako, pinayagan ng DepEd ang pagtanggap ng LSAs dahil batid nito na hindi lahat ng households ay mayroong adult o matanda na may kakayahan na tulungan ang mga estudyante na nag-aaral sa bahay ngayong school year matapos na ipagbawal ang in- person classes.

Idinagdag pa ni Mateo, na nag- hire ang DepEd ng 1,421 teachers mula sa private schools na apektado ng pandemiya.

Mula sa nasabing pigura, 1,391 ang na-absorbed ng DepEd bilang regular teachers habang ang natitira naman ay binayaran ng LGUs. (Daris Jose)

DILG kuntento sa performance ng mga LGUs sa pagtugon sa kalamidad

Posted on: November 5th, 2020 by @peoplesbalita No Comments

KUNTENTO si Interior and Local Government Secretary Eduardo Año sa naging performance ng mga local government units sa kanilang disaster preparedness and response operations.

Ayon kay Año natuto na ang mga LGUs at ginagawa na ng mga ito ang kanilang mga trabaho lalo na kapag may mga natural disasters gaya ng Bagyo.

niya, 90 percent ng mga local government officials ay nasa kani- kanilang mga lalawigan nuong kasagsagan ng Bagyong Rolly bukod na lamang sa 10 opisyal na wala sa kanilang mga lugar.

Sinabi ni Año kaniyang pagpapaliwanagin ang 10 opisyal.

Umaasa ang kalihim na magtuloy-tuloy ang magandang performance ng mga LGUs.

Ang mababang bilang ng mga nasawi at nasugatan sa Supertyphoon Rolly ay dahil sa isinagawang preemptive evacuation lalo na duon sa mga tinaguriang danger zones.

Binigyang-diin naman ng kalihim na ang kanilang pakatutukan sa ngayon ay kung paano mapanatili ang komunikasyon sa mga lugar ba apektado ng bagyo. (Ara Romero)

PBA, dodoblehin ang mga larong gagawing sa kanilang muling pagbabalik

Posted on: November 5th, 2020 by @peoplesbalita No Comments

MAGSASAGAWA agad na apat na laro ang Philippine Basketball Association (PBA) sa araw ng Martes, Nobyembre 3.

Kasunod ito sa pagpayag ng IATF (Inter-Agency Task Force for the Management of Emerging Infectious Diseases) na ituloy na ang mga laro matapos na wala ng lumabas na positibo sa coronavirus.

Sa pinakahuling COVID-19 testing ay nagnegatibo lahat ng mga manlalaro at coaching staff ng 12 koponan na nasa bubble sa Angeles City, Pampanga.

Magsisimula ang laro ng 10 ng umag sa pagharap ng San Miguel Beermen kontra Blackwater na susundan ng Terrafirma laban sa Phoenix ng 1 ng hapon na susundan ng alas-4 ng hapon sa laban ng NorthPort at TNT Tropang Giga at haharapin ng Alaska Aces ang Barangay Ginebra dakong 6:45 ng gabi.

Sa kabuuan ay mayroong apat na laro na isasagawa hanggan sa pagtatapos ng eliminations sa Nobyembre 11.

Tiniyak ng PBA na mas paiigtingin nila ang ipinapatupad na protocols at Mahigpit silang nakikipag-ugnayan sa IATF at National Task Force.

Magugunitang nitong Biyernes ay kinansela ang mga laro matapos na magpositibo ang ilang manlalaro at referee habang nasa bubble game.