Cemetery pass sa mga gugunita ng undas sa Navotas
- Published on September 24, 2020
- by @peoplesbalita
NAGTAKDA ang Pamahalaang Lungsod ng Navotas ng mga panuntunan sa mga nais maggunita ng Undas at mag-i-isyu ng pass sa mga dadalaw sa puntod ng mga mahal nila sa buhay kaugnay ng pansamantalang pagsasara ng lahat ng pampubliko at pribadong sementeryo sa lungsod mula October 30 hanggang November 4, 2020.
Ang naturang hakbang ay para maiwasang dumagsa at magsiksikan ang mga bibisita sa mga puntod, hindi masunod ang 1-2 metrong physical distancing at ma-expose sila sa COVID-19 virus.
Ayon kay Mayor Toby Tiangco, sa mga nais magunita ng Undas ay gawin ang itinakdang mga panuntunan bago o pagkatapos ng nabanggit na mga petsa.
Kumuha ng cemetery pass tatlong araw bago bumisita sa puntod at para makakuha nito, mag-TEXT JRT na nakalagay ang pangalan, address, edad, petsa, at araw ng pagbisita sa mga cemetery (public, catholic, immaculate garden).
Hintayin ang reply ng TEXT JRT para sa cemetery pass. Ang pass ay magagamit lamang sa dalawang tao alinsunod sa schedule na nakalagay. Ipakita ang cemetery pass at valid ID sa mga nakabantay sa sementeryo.
May tatlong time slot ang pagbisita, 7am hanggang 9am, 11am hanggang 2pm at 3pm hanggang 6pm.
Paalala ng local na pamahalaan na iwasang magdala ng pagkain o inuming nakalalasing, magsuot ng pface mask at face shield, at siguraduhing may 1-2 metrong distansya mula sa mga kasama.
Hindi naman pinapayagang lumabas ang mga wala pang 21- taong gulang o mga senior citizen para pumunta sa sementeryo alinsunod sa polisiya ng IATF para sa kanilang kaligtasan. (Richard Mesa)
-
Kelot na problemado sa relasyon sa ka-live-in, may arrest warrants, nagbigti, todas
MATAPOS ang dalawang araw na pagkaka-comatose sa pagamutan, binawian ng buhay ang isang lalaking akusado sa pagnanakaw at problemado sa relasyon sa kanyang live-in partner makaraang magbigti sa Navotas City. Alas-3:28 kamakalawa ng hapon nang ideklarang patay ng mga doktor sa Navotas City Hospital ang 29-anyos na biktima na naunang nadiskubre ng kanyang […]
-
PBBM, nagdalamhati sa pagpanaw ng kanyang distant uncle na si FVR
KASALUKUYAN ngayong nagdadalamhati si Pangulong Ferdinand Marcos Jr. dahil sa pagpanaw ng kanyang “distant uncle” na si dating Pangulong Fidel V. Ramos. Sa kanyang official Facebook page, nagpaabot ng pakikiramay si Pangulong Marcos sa pamilya Ramos. “I extend my deepest condolences to the family of former President Fidel Valdez Ramos who […]
-
Caloocan, naglunsad ng libreng bakuna para sa mga estudyante
OPISYAL na inilunsad ng Pamahalaang Lungsod ng Caloocan, sa pamamagitan ng City Health Department (CHD) at sa pakikipagtulungan ng Schools Division Office (SDO) ang immunization program na nakabase sa Caloocan High School. Layunin ng nasabing programa na mabakunahan ang mga mag-aaral mula grade 1, 4, at 7 para palakasin ang resistensya ng mga […]