COVID-19 allowance ng health workers, tuloy – PBBM
- Published on February 3, 2023
- by @peoplesbalita
PATULOY na tatanggap ng COVID-19 allowance ang mga health workers kahit matapos na ang state of calamity sa bansa dahil sa pandemya, base sa kautusan ni Pangulong Ferdinand Marcos Jr.
Nag-expire ang state of calamity noong Disyembre 31, 2022.
“Tuluy-tuloy ‘yan… ‘Yung inaalala ko dati na hindi matutuloy ang compensation para sa ating health workers, ‘yung mga health workers, ‘yung allowance nila ay pinag-aralan namin nang mabuti kahit hindi itinutuloy ang state of calamity ay hindi maapektuhan ang pagbayad doon sa ating mga health workers ng kanilang mga benefits,” ani Marcos.
Nilagdaan ni dating Pangulong Rodrigo Duterte ang Proclamation No. 929, na nagdedeklara ng state of calamity sa buong bansa noong Marso 2020, nang magsimulang kumalat ang COVID-19 sa bansa.
Ang state of calamity ay dapat tumagal lamang ng anim na buwan ngunit pinalawig ng isang taon hanggang Setyembre 12, 2021, sa pamamagitan ng Proclamation No. 1021, at pinalawig sa pangalawang pagkakataon sa pamamagitan ng Proclamation No. 1218.
“Pababa naman nang pababa ang ating cases, pababa nang pababa naman ang ating hospitalization, ‘yun ang binabantayan natin. So titingnan natin,” ani Marcos.
Tinukoy din ni Marcos na hindi na kailangang magmadali na makakuha ng bakuna dahil bumababa na ang “risk” ng hawaan.
Ayon pa kay Marcos, ang pasilidad ng COVAX, na pinamumunuan ng World Health Organization (WHO), ay nagpadala sa Pilipinas ng halos 1.3 milyong doses ng bakuna.
Ang nasabing bilang ay sapat na para sa bansa sa ngayon dahil sa pagbaba ng impeksiyon. (Daris Jose)
-
Ilang US Olympic gymnasts binatikos ang FBI sa pagbalewala sa reklamo na sexual harrasment
Binatikos nina US Olympic gymnasts Mckayla Maroney at Simone Biles ang FBI at Justice Department dahil sa hindi nila pinaniwalaan ang kanilang sumbong na sexual harrasment laban sa dating coach na si Larry Nassar. Sa ginawang pagdinig sa Senate Judiciary Committee sinabi ng dalawang atleta na hinayaan ng mga otoridad na maging malaya […]
-
Pagkatalo ni 8-time World Champion Sen. MANNY, senyales na mag-retire na at umatras sa pagka-Pangulo
HINDI inaasahan nang marami ang pagkatalo ni Sen. Manny Pacquiao sa laban nila ni Yordeni Ugas via unanimous decision. Comment ng mga netizens, parang kulang na raw sa power ang suntok ni Manny. Hindi na rin daw masyadong mahusay ang ipinakita ni Manny sa laban. Kung nanalo si Manny, yun ang kanyang […]
-
Pinas mas malala na sa India, Indonesia – OCTA
Naniniwala ang OCTA Research Group na walang kaso kung bubuksan na ang Pilipinas sa ibang bansa na dating nasa travel ban dahil sa mas malala na umano ang sitwasyon ngayon ng Pilipinas kumpara sa India, Indonesia at iba pa. Reaksyon ito ni Dr. Guido David, ng OCTA sa desisyon ng pamahalaan na tanggalin […]