• April 26, 2025
  • Search in People's Balita

  • Ang Diyaryong Pinagkakatiwalaan

 

DA, magtatakda ng ‘maximum SRP’ system para sa bigas bago matapos ang Enero

NAKATAKDANG magtakda ang Department of Agriculture (DA) ng “maximum suggested retail price (SRP) system” bago matapos ang buwan.
Layon nito na tugunan ang hindi makatwiran na retail prices ng bigas sa ilang lokal na pamilihan.
Sinabi Agriculture Secretary Francisco Tiu Laurel Jr. na wala dapat na imported rice na maipagbibili sa P60 per kg.
“We are now trying to establishano ba ang maximum suggested retail price. So, we will be coming up with a maximum suggested retail price system very soon,” ayon kay Tiu Laurel.
Gayunman, nilinaw ni Tiu Laurel na ang sistema ay hindi aakto bilang price cap sa retail rice.
“It’s not a suggestion, it’s like we’re saying na ito dapat ang maximum na presyo niyan. But it’s not a price cap,” ang sinabi pa rin ni Tiu Laurel.
“Moreover, a P60/kg.-level of retail rice may already be considered as profiteering, dagdag na pahayag nito.
At para papanagutin ang mga importers at retailers para sa posibleng profiteering, nakatakdang makipagpulong ang DA sa Department of Trade and Industry (DTI), Bureau of Internal Revenue (BIR), National Bureau of Investigation (NBI), Philippine National Police (PNP), at Department of Interior and Local Government (DILG).
“Para ma-sort namin ang aming remedies kung paano ma-address ito. Clearly, nasa Price Act ata ang profiteering angle,” ang winika ni Tiu Laurel.
Pagdating naman sa rice brands, pinanatili naman nito ang plano ng DA na alisin ang “premium” at “special” labels upang lalo pang maiwasan ang panghuhuthot.
“People are very brand conscious and I know that better than anybody in this country dahil I’m a brand owner, I used to be a brand owner myself,” ani Tiu Laurel.
“In the label pagka sinabi mong premium or special, hindi ba mas na-a-attract ka doon at willing ka na bilhin iyon nang mas mahal. Pero actually, hindi naman siya premium o special, parehas lang siya ng mga katabi niya,” aniya pa rin.
Tinukoy ang kontradiksyon sa mga antas ng presyo sa merkado gamit lamang ang “rice types, origin, at specification percentage.”
“As of Jan. 3,” ang presyo ng local at imported regular at well-milled rice sa Kalakhang Maynila ay umaabot lamang ng mula sa P38/kg. hanggang P54/kg., ayon sa DA-Bantay Presyo.
Ang premium at special-labeled rice, kapwa imported at local, ay pumapalo naman mula sa P48/kg. hanggang P64/kg. ( Daris Jose)
Other News

  • Miss Denmark Victoria, first Miss Universe ng kanilang bansa: CHELSEA, nabigo man pero tinanghal na first ‘Miss Universe Asia’

    BIGO na mauwi ni Miss Philippines Chelsea Manalo ang korona sa ginanap na 73rd Miss Universe sa Arena CDMX in Mexico City.   Si Miss Denmark Victoria Kjær Theilvig ang nagwagi at kinabog niya ang 125 delegates. Ito ang unang pagkakataon na manalo ang Denmark sa naturang pageant.   Ang mga runners-up niya ay sina […]

    read more

  • AFPI hindi pumayag sa mungkahi ng DOTr na alisin ang cost ng beep card on top of the fare load

    NADISMAYA ang Department of Transportation (DOTr) dahil sa pasya ng AF Payments, Inc., ang provider ng automatic fare collec- tion system (AFCS) sa EDSA Busway na alisin ang bayad sa beep card on top of the fare load kahit na pinakiusapan sila ng pamahalaan.   Mabigat ito para sa mga commuters na umaasa lamang bilang […]

    read more

  • Semi-bubble sa pro cage league – GAB

    INIREKOMENDA ni Games and Amusements Board (gab) chairman Abraham Kahlil Mitra na mag-semi-bubble  para makapag-workout at practice ang professional basketball teams sa mga lugar na kaunti lang ang kaso ng coronavirus gaya NG Batangas, Bataan at Quezon. Ipinaliwanag ng opisyal kamakalawa na puwedeng makapag-ensayo o ehersisyo ang mga mga nasa Philippine Basketball Association (PBA) at […]

    read more
People's Balita.
All rights reserved. © Copyright 2025.