Dahil nag-react ang fans ni Jolina sa ‘Pop Icon’: ‘Asia’s Limitless Star’ title ni JULIE ANNE, ibinalik na ng GMA
- Published on June 15, 2023
- by @peoplesbalita
IBINALIK na raw sa Asia’s Limitless Star ang title ni Julie Anne San Jose na ipinang-label ng GMA-7’s “The Voice Generations” kunsaan, isa si Julie sa apat na The Voice Generations Judge.
Kasama rin niyang judges sina SB19 Stell, Billy Crawford, Bamboo at Chito Miranda.
Ilang araw na rin na pinag-aawayan o may diskusyon sa pagitan ng mga fan ni Julie at fans ni Jolina Magdangal. Ang title raw kasi na Pop Icon ay kay Jolina, as well as, being Multimedia Star.
Naglabasan na ng kanya-kanyang resibo. Mga hit records ni Jolina, hit movies at iba pa. Naglabas din ang mga fan ni Julie.
Sinubukan naming tanungin si Jolina ng reaksyon niya, pero hindi nito sinagot ang mismong tanong namin.
Sa isang banda, hindi ba pwedeng pareho silang gumamit ng title? Iba naman ang panahon ni Jolina noon at sa panahon naman ngayon ni Julie Anne, huh!
Anyway, speaking of Julie, ang pelikulang pinagtatambalan nila ni Rayver Cruz, ang “Cheating Game” ay mapapanood na sa mga sinehan simula sa July 26 under GMA Public Affairs and GMA Pictures.
***
MABILIS ang pick-up ni Isko Moreno sa isang episode ng ‘Eat Bulaga’.
Pwedeng sabihin na bongga ang revamped ‘Eat Bulaga’ sa pagkakakuha rito bilang isa sa mga host.
Sa segment na “G sa Gedli” kunsaan, randomly ay namimigay ng cash si Isko kasama si Buboy Villar, nang hingan ng mensahe ni Isko ang driver, ang TVJ pa rin na sina Tito Sotto, Vic Sotto at Joey de Leon ang pinasalamatan nito.
Sey niya, “Maraming-maraming salamat po sa Eat Bulaga lalo na kina Tito, Vic and Joey.”
Maagap na sinabi ni Isko na, “Hayun, Tito, Vic and Joey, ‘yan ang mga kasama natin noong araw at hinding-hindi natin makakalimutan. Pero ngayon, ang bagong Eat Bulaga, lagi mo ba kaming sasamahan?”
Positibo naman itong sinagot ng driver na, “Opo, opo, lagi po kaming nanonood ng pamilya ko.”
Dahil dito, maraming pumuri kay Isko at sinasabing mahusay raw ang pagkakakasalo nito.
Although, hindi maikakaila na hindi halos mapigilan ni Buboy ang tawa sa nangyari. Pero si Yorme, na-maintain ang composure.
‘Yun nga lang, sa pangyayari rin na ito, mas lalong ipinagsisigawan ng mga netizens na obviously daw, ang tao, TVJ talaga ang alam basta Eat…Bulaga!
(ROSE GARCIA)
-
Validity ng student permits, driver’s license pinalawig hanggang March 31
Pinalawig ng Land Transportation Office (LTO) ang validity ng student permits at ng licenses ng drivers at conductors kasama ang motor vehicle registration hanggang March 31. Ang extension ay valid para sa mga taong may edad na 17 hanggang 20 years old kasama rin ang mga taong may edad na 60 at pataas. […]
-
PNP at DTI, inatasan ni PBBM na tumulong para mapababa ang presyo ng mga pagkain
INATASAN ni PANGULONG Ferdinand “Bongbong” Marcos Jr. ang mga ahensya ng gobyerno na lutasin ang mga logistical challenges na kinakaharap ng mga transporter at cargo forwarders ng mga produktong pang-agrikultura para mapababa ang presyo ng mga bilihin sa pagkain. Inilabas ng Chief Executive ang direktiba sa Department of Trade and Industry (DTI) at […]
-
13 milyong motorsiklo sa Pinas ‘di rehistrado – LTO
TINATAYANG 13 milyong motorsiklo na tumatakbo sa lansangan sa buong bansa ang hindi rehistrado. Ayon kay Land Transportation Office (LTO) Plates Unit officer-in-charge Nivette Amber Pastorite sa pagdinig ng Senate Committeee on Justice and Human Rights na pinamumunuan ni Sen. Francis Tolentino, 12.9 milyon motorsiklo ang tumatakbo sa mga lansangan na hindi rehistrado. […]