DALAGITA, NATAGPUANG PATAY SA ILALIM NG TULAY
- Published on September 14, 2022
- by @peoplesbalita
NAGSASAGAWA ng malalimang imbestigasyon ang Cavite police upang matukoy at maaresto ang pagpatay sa isang 16-anyos na dalagita na natagpuang patay sa ilalim ng tulay sa Trece Martires City, Cavite Lunes ng umaga.
Apat na mga kalalakihan ang persons of interest ng pulisya sa pagkamatay ng biktimang si “Angel”, 16, isang Grade 9 student at residente ng Trece Martires City, Cavite.
“Yung apat na menor de edad na naunang persons of interest ay pinakawalan na namin dahil wala namang maiuugnay sa kanila, pero meron kaming apat na bagong mga persons of interest na mga kalalakihan”. ayon kay Lt Col. Jonathan Asnan, Hepe ng Trece Martirez CPS sa panayam.
Dagdag pa ng Hepe na mga nag-iinuman umano ang mga ito noong Linggo ng gabi hanggang inumaga na ng umuwi. Hindi na nakikita ang mga ito na pawang sinasabing mga mga dayong obrero.
Sa ulat ng pulisya, alas-10:35 Lunes ng umaga nang nakatanggap ng tawag ang pulisya hinggil sa isang bangkay na natagpuan sa Forever bridge sa Package 2, Sunshine Ville Subdivision , Brgy Cabuco, Trece Martires City, Cavite. May sugat sa ulo at leeg ang biktima.
Ayon sa ama ng biktima, umalis si Angel dakong alas 10:00 Linggo ng gabi pero upang katagpuin ang mga kaibigan nito at hindi na rin ito nakabalik hanggang sa natagpuan itong patay kinabukasan.
Nagsasagawa naman ng autopsy at genital examination sa biktima kung ito ay ginahasa.
Agad namang ipinag-utos ni Cavite Police Provincial Office (CPPO), Officer-in-charge Police Colonel Christopher Olazo sa hepe ng Trece Martires COPS ang manhunt operation at agarang pag-aresto sa suspek. (Gene Adsuara)
-
Kahit may petisyon na mag-resign na sa MTRCB: Chair LALA, cool lang sa isyu at suportado ng 31 board members
AYON sa aming reliable source, suportado ng 31 board members ng MTRCB (Movie, Television, Review & Classification Board) ang Chairwoman ng MTRCB na si Lala Sotto. Hindi maitatanggi na siya ang sentro ng galit at sumpa pa mga netizens, partikular na ang mga Kapamilya at avid viewers ng ‘It’s Showtime.’ Ang […]
-
Pinas, hindi na kayang bumalik sa “stricter quarantine levels” – Sec. Roque
HINDI na kayang bumalik ng Pilipinas sa “stricter quarantine levels” sa kabila ng pagtaas ng COVID-19 cases. Sa Metro Manila, nakapagtala ito ng 1,025 new daily cases sa nakalipas na 7 araw, tumaas ng 42% mula sa nakalipas na linggo at 130% kumpara sa nakalipas na 2 linggo, ayon sa OCTA Research group. […]
-
PDuterte, nais na masampahan ng patung-patong na kaso ang mga kurakot na opisyal ng Philhealth
DESIDIDO si Pangulong Rodrigo Roa Duterte na sampahan ng patung-patong na kaso ang mga kurakot na opisyal ng Philippine Health Insurance Corporation (PhilHealth). Kaya nga, independent o hiwalay ang Ombudsman sa binuong Task Force Philhealth ng Malakanyang na nagsasagawa rin ng imbestigasyon sa talamak na anomalya sa ahensya. Ayon kay presidential spokesper- son […]