DAYO BINOGA SA BASECO, PATAY

PATAY ang isang lalaki na dumayo lamang sa lugar nang pagbabarilin ng di nakilalang suspek sa Baseco compound, Tondo, Manila

Kinilala ang biktima na si  Franjill Francia, nasa wastong edad ng Block 3 Lot 60 Mustard Street, Camella Homes, Bacoor, Cavite,base sa nakuhang lisensiya sa kanyang pitaka.

Sa ulat ng Manila Police District (MPD)-Station 5, dakong alas-12:00 ng tanghali nang nakatanggap ng tawag ang pulisya hinggil sa naganap na pamamaril sa Baseco  Compound ,Port Area, Maynila.

Agad na rumesponde sa lugar ang mga pulis at inabutan ang biktima na may tama ng bala sa ulo at wala nang buhay.

Wala naman nakuhang anumang impormasyon ang pulisya sa pagpatay sa biktima.

Inaalam din kung ano ang motibo sa pagpatay. (GENE ADSUARA)