DOH: 95% ng monkeypox cases sa mundo dahil sa ‘sexual contact,’ pero hindi STD
- Published on August 1, 2022
- by @peoplesbalita
TINATAYANG 95% sa kaso ng monkeypox viral disease sa buong mundo ang naipasa sa habang nagsasagawa ng sekswal na mga gawain, ayon sa Department of Health (DOH) ngayong Lunes.
Pero nilinaw ni DOH officer-in-charge Maria Rosario Vergeire na hindi sexually transmitted disease o STD ang naturang virus.
“Hindi [s]iya classified as a sexually transmitted disease. Although ngayong nag-evolve na itong monkeypox virus, maaari na itong makuha sa sexual contact,” pagbibigay-diin niya sa isang panayam sa radyo.
“Actually, 95% of cases right now globally are through sexual contact nakuha,” pagpapatuloy niya.
Biyernes nang kumpirmahin ni DOH deputy spokesperson Beverly Ho na natukoy na sa Pilipinas ang unang kaso ng monkeypox sa isang 31-anyos na Pinoy na nanggaling sa ibang bansa.
Sambit ni Vergeire, may mga nasawi na dahil sa monkeypox at maaaring mas vulnerable rito ang mga immunocompromised, mga buntis at mga senior citizen.
“[K]apag ‘yung tinamaan ay immunocompromised individuals, mababa ‘yung kanilang panlaban sa sakit. Katulad ng mga buntis, maaari ring maging vulnerable sila, katulad ng mga kabataan, and of course, ‘yung mga nakakatanda na marami nang comorbidities,” sambit niya.
Una nang sinabi ng World Health Organization na maaaring kumalat ang monkeypox sa pamamagitan ng skin-to-skin contact tulad ng pakikipagtalik, pakikipaghalikan at paghawak sa indibiwal na may sintomas ng naturang sakit.
Samantala, sinabi ni infectious disease at vaccine expert na si Dr. Rontgene Solante na mas mapanganib pa rin ang COVID-19 kumpara sa monkeypox dahil gumagaling aniya sa loob ng 21 hanggang 28 days ang mga tinatamaan ng viral infection na madalas makuha sa skin-to-skin contact.
“Malayo talaga in terms of mortality. Mas delikado ang COVID-19 compared to monkeypox. [I]n general, this is a less severe type of infection compared to COVID-19,” sambit niya sa isang panayam .
Ang Pinoy na tinamaan ng monkeypox ay sinasabing nagpositibo sa nasabing sakit noong ika-28 ng Hulyo. (Ara Romero)
-
Ilang mga pagamutan nag-alok ng home care para sa mga COVID-19 positive
May mga listahan na ang Department of Health ng mga pagamutan na magbibigay ng home care at telemedicines services para sa mga suspected, probable, mild at asymptomatic na pasyente para hindi na sila magpunta pa sa mga pagamutan. Ang nasabing hakbang ay dahil sa kawalan na ng mga kuwarto ng mga pagamutan dahil […]
-
Pagkakasama ng Hongkong sa pansamantalang suspensyon ng inbound international flights, hindi pa pinal- NTF
HINDI pinal ang pagkakasama ng Hong Kong Flights bilang bahagi ng pansamamtalang suspensyon ng inbound international flights dahil sa umusbong na Omicron variant. Ito ang nilinaw ng National Task Force (NTF). Sinabi ni acting Presidential spokesperson at Cabinet Secretary Karlo Nograles na hinihintay pa nila ang magiging anunsyo ng Inter-Agency Task Force ( […]
-
Irene Marcos Araneta, dumalo sa libing ni Queen Elizabeth
TUMAYONG special representative ni Pangulong Ferdinand Marcos Jr., ang kanyang kapatid na si Irene Romualdez Marcos- Araneta sa state funeral ng Kanyang Kamahalan Queen Elizabeth II. Kasama ni Irene Romualdez Marcos- Araneta ang kanyang asawa na si Gregorio María Araneta III. Sa isang kalatas, sinabi ni Press Secretary Trixie Cruz-Angeles, ang […]