DSWD, nagpasaklolo sa LGUs para sa potensiyal na livelihood program beneficiaries

Published on January 16, 2023
by @peoplesbalita

HUMINGI na ng tulong ang Department of Social Welfare and Development (DSWD) sa local government units (LGUs) para sa assessment ng mga benepisaryo ng Sustainable Livelihood Program (SLP).

Dumagsa kasi ang mga tao sa DSWD field office sa Maynila, araw ng Biyernes, Enero 13 sa Pag-asa na makakakuha ng cash aid.

“The LGUs will now have to consolidate the list of potential program beneficiaries from their respective jurisdictions, which will be endorsed to concerned DSWD Field Offices,” ayon sa kalatas ng DSWD.

Ang isang indibidwal na nais na mag-avail ng livelihood assistance ay maaaring direktang magsumite ng kanilang application documents sa LGU.

Ang inisyatiba na makatrabaho ang LGUs ay ginawa upang bitbitin ang livelihood program malapit sa mga constituents ng bawat lokalidad at maiwasan ang insidente na nangyari sa DSWD-National Capital Region office, kahapon Enero 13, kung saan 2,000 indibidwal ang nakapila sa pag-asang mababayaran.

Gayunman, binigyang diin nito na nire-require ng programa ang mga benepisaryo nito na dumaan sa serye ng “orientation at skills training” bilang bahagi ng selection process ng programa.

Samantala, nilinaw ng DSWD na ang nangyaring insidente sa kanilang field office ay dahil lamang sa proliferation ng “fake news” na kumalat sa SMS at pekeng Facebook accounts.

Pinaalalahanan naman ng DSWD ang publiko na maging “more critical in the information they get from unverified sources.”

Idagdag pa rito, pinayuhan ng DSWD ang publiko na komunsulta, magtanong at ipadala ang kanilang concerns sa official Facebook page ng ahensiya. (Daris Jose)

Other News

2,700 manggagawa maaaring mawalan ng trabaho dahil sa cashless scheme sa tollways

Maaaring tinatayang 2,700 na manggagawa ang mawawalan ng trabaho sa expressways dahil sa pagpapatupad ng tuluyang cashless toll collection. Sinabi ni Metro Pacific Tollways Corp. (MPTC) president Rodrigo Franco na may 715 na mangagawa sa kanilang 377 toll booths ang maaapektuhan dahil sa paglipat sa cashless scheme sa kanilang mga tollways tulad ng North […]

read more
Public apology ng Kuwait government sa pamilya Ranara, hiningi

DAPAT na mag-’public apology’ ang gobyerno ng Kuwait sa pamilya ni Jullebee Ranara, ang Pinay OFW na karumal-dumal na pinaslang ng anak ng amo ng kanyang employer sa Kuwait. Sinabi ni Sen. Raffy Tulfo na kabilang ito sa mga kundisyong isinusulong niya kasabay ng panawagan niyang ‘total deployment ban’ sa mga first-timers OFW […]

read more
4 DRUG PERSONALITIES TIMBOG SA P.6-M SHABU

KALABOSO ang apat na hinihinalang drug personalities matapos makuhanan ng higit sa P.6 milyon halaga ng shabu sa isinagawang buy-bust operation ng mga pulis sa Malabon city, kamakalawa ng gabi. Kinilala ni Malabon police chief Col. Jessie Tamayao ang naarestong mga suspek na si Mark Anthony Ellaso, 35, Jose Taguiwalo, 48, Dennis Cruz, 49 […]

read more

DSWD, nagpasaklolo sa LGUs para sa potensiyal na livelihood program beneficiaries

2,700 manggagawa maaaring mawalan ng trabaho dahil sa cashless scheme sa tollways

Public apology ng Kuwait government sa pamilya Ranara, hiningi

4 DRUG PERSONALITIES TIMBOG SA P.6-M SHABU