Duremdes gustong testigo si Esplana
- Published on October 8, 2020
- by @peoplesbalita
NAIS ni Maharlika Pilipinas Basket- ball League o MPBLl Commissioner Kenneth Duremdes na personal na makausap si dating MPBL coach Gerald (Gerry) Esplana ng Valenzuela City upang mas malalim na mabatid at magkatulungan para masugpo ang iba’t-ibang uri sa taktika ng game fixing, kasma ang point shaving.
“Gusto kong makita at mapanood iyung video ni coach Gerry (Esplana). Kung gusto niya, puwede kaming mag-usap, magtulungan para sa liga. Puwede namin siyang maging witness para malinis namin ang ating mga liga,” lbulalas ng opisyal ng liga ni Sen. Emmanuel Pacquiao.
Tiwala ang six-time champion at 1998 Most Valuable Player ng Philippine Basketball Association (PBA), na makakatulong ang pagabahagi ni Esplana sa pagbubunyag sa mga taktika na nagiging parte sa pagsasamantala ng ilan hindi lamang sa resulta ng mga laro kundi ikalilinis ng imahe ng liga.
“Kung kilala niya, puwede naming paimbestigahan. Mahirap kasi kapag walang data at ebidensiya,” hirit ng former University Athletic Association of the Philippines (UAAP) coach ng Adamson Soaring Falcons at ikalawang komisyoner ng semi-pro league( MPBL).
May katagalan na rin sa kalakaran sa sport si Esplana, na nagkapaglaro sa Philippine Amateur Basketball League (PABL) na naging PBL at PBA Developmental League, at PBA saka naging coach sa National Collegiate Athletic Association (NCAA) bago sa MPBL.
Nag-1990 PBA Rookie of the Year siya, bagong nag-coach sa Emilio Aguinaldo College Generals sa NCAA at sa Valenzuela sa MPBL. Minsan na ring pumiyik siya sa isyu ng game fixing, pati si dating national, PBA, Metropolitan Basketball Association (MBA), NCAA at PBA na si Francisco Luis (Louie) Alas.
Nitong Nobyembre 2019, may ilang kinasuhan na rin sina Pacquiao at Duremdes sa MPBL. Pero dahil sa Covid-19 naipit sa Department of Justice (DOJ) ang paglalabas ng resolusyon.
Hanggang bukas pong muli mga giliw kong mambabasa dito sa People’s Balita Sports. (R.E.C.)
-
Robredo voters lumobo habang Marcos dumapa nang kaunti sa survey — Pulse Asia
BAHAGYANG nabawasan ang mga Pinoy na iboboto sa pagkapangulo si survey frontrunner Ferdinand “Bongbong” Marcos Jr. habang umakyat naman ang mga nagsabing kay Bise Presidente Leni Robredo sila ngayong Mayo 2022, ayon sa Pulse Asia. Ito ang lumabas na resulta, Miyerkules, matapos ang pag-aaral na ginawa mula ika-17 hanggang ika-21 ng Marso sa […]
-
Sangley Airport maaatraso ang development
Ang pamahalaang lokal ng Cavite ay walang nakuhang bid para sa Sangley Point International Airport kung kaya’t tinatayang maaatraso ang development nito bilang isa sa mga alternatibong paliparan sa bansa. “We had to declare failure of bidding. The Cavite’s Public Private Partnership (PPP) selection committee would reconvene to decide on the future […]
-
4 NAGPOSITIBO SA 3 ARAW NA DRIVE THRU SWABBING SA QUIRINO GRANDSTAND
APAT ang naitalang nagpositibo sa Covid-19 sa inilunsad na Drive thru swab testing ng pamahalaang lungsod ng Maynila sa Quirino Grandstand. Ito ay sa loob lamang ng tatlong araw, batay na rin sa datos ng Manila Health Department (MHD). Sa kabuuan , nasa 242 katao na ang sumailalim sa libreng swab test sa […]