Duterte,itinanggi ang inilabas na Maisug viral video na nagpapakita na gumagamit ng ilegal na droga si PBBM
- Published on July 25, 2024
- by @peoplesbalita
SINABI ni dating Pangulong Rodrigo Duterte na walang kinalaman ang Hakbang ng Maisug sa pagpapalabas ng di umano’y video na nagpapakita na may isang lalaki na may pagkakahawig kay Pangulong Ferdinand R. Marcos Jr. ang gumagamit ng ipinagbabawal na gamot bago pa ang State-of-the-Nation Address.
“The Hakbang ng Maisug national leadership has nothing to do with the release of the video footage showing President Ferdinand Marcos Jr. in the act of snorting cocaine in Maisug gatherings in Canada and the USA,” ang sinabi ni Duterte, araw ng Martes, Hulyo 23 tungkol sa “polvoron” video.
Sinabi ni Duterte na ang video na umiikot ngayon sa iba’t ibang social media platforms ay gawa ng Maisug “volunteers” sa dalawang lugar kung saan walang kaalaman at pahintulot ng Maisug organizing committee.
“The members of the Maisug leadership were just as surprised as the rest of the country when they saw the video for the first time,” ayon kay Duterte.
Ayon pa kay Duterte, kagyat namang hinamon ng kasalukuyang administrasyon ang ‘authenticity’ ng video, tinawag itong “obviously fake video” at isang “malicious crude attempt to destabilize the administration.”
Binigyang diin ni Duterte na ang mahinang pagtatangka ng administrasyon na i-dismiss ang video sa pamamagitan ng simpleng pagtanggi ay nagpalakas lamang ng kumukulong paghihinala sa drug addiction ni Pangulong Marcos.
Aniya, batid ng kahit na sinumang abogado na ang pagtanggi ay ” weakest form of defense.”
“Even the ordinary man on the street knows that the best way to put the issue to rest is for President Marcos to undergo a hair follicle drug test. When undertaken by a credible drug testing center, a negative result would erase all doubts once and for all,” ang sinabi ni Duterte.
Binatikos naman ni Duterte ang “feigned laughter, feeble denial, and complete silence” ni Pangulong Marcos sa halip na ang naging tugon nito ay isailalim siya sa drug test.
Aniya, ang drug user para sa Pangulo ay “no laughing matter” at dapat na siya ang unang makaalam.
Idinagdag pa niya na ang ‘critical juncture’ sa kasaysayan ng bansa, ay nang magbanta siyang magpapadala ng sundalo sa giyera, ang ‘drug habit’ ng Pangulo ay nagpapakita rin ng malinaw at kasalukuyang panganib.
“With due apologies to all the experts who vouched for the authenticity of the video, the refusal of President Marcos to undergo the hair follicle drug test is the best proof not only of the video’s authenticity but, worse, his drug addiction,” ang sinabi ni Duterte.
Winika pa ni Duterte na ang inilabas na pagtanggi ng Department of National Defense (DND) ay isang malaking sampal sa mukha ng bawat makabayan at kagalang-galang na sundalo na bitbit ang “highest code of conduct” ng militar.
“It is bad enough that the DND has to do the dirty job of issuing the denial, and it is worse that in doing so, it has become a party to a despicable act it should have been fighting against in the first place,” ayon kay Duterte.
Sa kabilang dako, kinuwestiyon naman ni Duterte ang mainstream media, minsan na naging ‘most unrestrained press’ sa Asya, sa halip na komprontahin si Pangulong Marcos sa isyu ay mas pinili pa na tumingin sa ibang paraan.
Binatikos din ni Duterte ang Senado at Kongreso sa di umano’y pagsuporta kay Pangulong Marcos sa gitna ng moral at legal crisis.
Aniya, may pagkakataon ang mga ito na magpunta sa tamang bahagi ng kasaysayan subalit sinayang lamang ng mga ito.
“By this act of showing in public what had been long whispered in private, the men and women of Maisug have proven themselves worthy to be called Filipinos,” ang sinabi ni Duterte.
Tinuran pa ni Duterte na in-exposed ng Maisug ang kanilang sarili sa panganib at kapahamakan subalit handa naman ang mga ito na mag sakripisyo na alisin ang pinuno ng estado na isang malaking kahihiyan sa buong mundo.
Binigyang-diin ni Duterte na sa mga susunod na araw ay magiging mahalaga sa bawat Filipino at bansa dahil mangangailangan ito ng desisyon ng bawat Filipino kung magiging bahagi ng MG naghahangad ng katotohanan at iyong sasama na lamang sa coverup.
“It is a choice between standing up and demanding that this country enforce the law without fear or favor or hiding in fear and self-preservation. It will not be an easy choice. Either way, it will define us individually and as a people,” ayon kay Duterte.
Aniya pa rin, “staying neutral is a vote of confidence for an administration with no compunction.”
Kung anumang ang maging desisyon ani Duterte at pipiliin, ang consequences ay mananatili sa mga tao. (Daris Jose)
-
Tanggapan ng Radio Veritas, isinailalim sa “pansamantalang lockdown”.
Tiniyak ng himpilan ng Radio Veritas 846-ang Radyo ng Simbahan na patuloy na mapakikinggan sa himpapawid at mapapanood sa pamamagitan ng video streaming at Veritas 846 Facebook page ang mga misa at mga programa ng himpilan. Ito ay kaugnay sa ipatutupad na ‘pansamantalang lockdown’ o pagsasarado ng Radio Veritas main studio na matatagpuan sa […]
-
Perez, Tautuaa puntirya Tokyo Olympic Games
PANANATILIHIN ng Philippine Basketball Association sina San Miguel Beer stars Christian Jaymar ‘CJ’ Perez at Moala ‘Mo’ Tautuaa at pro league aspirants sina Joshua Munzon at Alvin Pasaol bilang Gilas Pilipinas 3×3 national men’s team members. Ito ay kahit na maging mga top virtual 36th PBA Draft 2021 aspirants sina Munzon at Pasaol, nabatid […]
-
Philippine sovereign debt, tumaas ng P14.5 trillion
NAKAPAGTALA ng bagong mataas na record ang “sovereign debt stock”, “as of end-June” habang lumakas ang pangungutang ng gobyero para tustusan ang financing requirement nito. Ito ang makikita sa pinakabagong data mula sa Bureau of the Treasury (BTr). Pumalo sa P14.15 trillion ang total outstanding debt ng bansa , tumaas ng […]