F2, Perlas sasalang din sa bubble training
- Published on June 4, 2021
- by @peoplesbalita
Ikakasa ng F2 Logistics at Perlas Spikers ang kani-kanyang bubble training upang paghandaan ang Premier Volleyball League (PVL) Open Conference.
Target ng Cargo Movers na magsagawa ng training camp sa Valentino Resort and Spa sa San Jose, Batangas.
Isinumite na ng pamunuan ng F2 Logistics ang request nito sa Games and Amusements Board (GAB).
Agad namang tutulak ngayong araw si GAB pro volleyball division head Reginald Capadera para magsagawa ng ocular inspection sa venue.
Sa oras na makumpleto na ang lahat ng requirements partikular na ang health protocols, posibleng mabigyan na ng go signal ang Cargo Movers para simulan ang ensayo.
Sa kabilang banda, nais ng Perlas Spikers na magsagawa ng training camp sa Baguio City.
Tinukoy ng Perlas ang St. Vincent Gym sa Naguillan Road bilang training venue ng tropa.
Nakapagsagawa na ng inspeksiyon ang GAB sa naturang venue gayundin sa magiging accomodation ng lahat ng players, coaches at staff.
Kaya naman nakaabang na ang Perlas Spikers sa magiging desisyon ng GAB para agad na masimulan ang ensayo.
Tiniyak ng Perlas Spikers na susunod ang lahat sa patakarang ipinatutupad sa Baguio City lalo na ang “no leisure walks” sa siyudad.
Gaya ng PBA teams, kailangan ng F2 Logistics at Perlas Spikers na sumailalim sa regular swab testing bago magsimula ang training camp.
-
YASMIEN, dapat pasalamatan ni ALWYN sa pagkakaayos nila ni JENNICA
PWEDENG pasalamatan ni Alwyn Uytingco ang co-star ni Jennica Garcia na si Yasmien Kurdi sa bagong GMA Afternoon Prime, ang Las Hermanas na mapapanood na simula sa October 25. Although bida-kontrabida silang dalawa rito bilang first kontrabida role nga ito ni Jennica, sa lock-in taping kunsaan, unang sabak muli ni Jennica sa taping […]
-
Tangkang pag-aresto ng PNP kay Quiboloy, nakaaapekto na sa imahe ng Davao City – VP Sara
NAKAAAPEKTO na sa imahe ng Davao City ang nagpapatuloy na tangkang pag-aresto ng kapulisan kay Kingdom of Jesus Christ (KOJC) founder, Pastor Apollo C. Quiboloy, at sa kapwa akusado nito. “It is true that the city’s image and the residents’ businesses in Davao City were affected. Flights were disrupted in the […]
-
Mister nabuhusan ng natutunaw na bakal, patay
TODAS ang isang 45-anyos na mister matapos aksidenteng mabuhusan ng natutunaw na bakal sa kanyang pinagtatrabahuan sa Caloocan city, kamakalawa ng gabi. Kinilala ang nasawing biktima na si Edgardo Obzunar, 45, scrap charger at residente ng CF Natividad St. Mapulang Lupa, Valenzuela city. Lumabas sa imbestigasyon ng pulisya, dakong alas-7 ng gabi nang […]