Face shield hindi na mandatory sa mga pampublikong transportasyon
- Published on November 19, 2021
- by @peoplesbalita
Pinagbigay alam ng Department of Transportation (DOTr) na hindi na mandatory ang pagsusuot ng face shield sa mga pampulikong transportasyon tulad ng public utility buses (PUBs), public utility jeepneys (PUJs), Metro Rail Transit 3 (MRT3), Light Rail Transit Lines 1 & 2, at Philippine National Railways (PNR).
Sa ilalim ng Alert Level 3 at below hindi na kailangan ang pagsusuot ng face shields at sa mga lugar na may Alert Level na 1 at 2.
“This comes after President Duterte approved the guidelines recommended by the Inter-Agency Task Force for the Management of Emerging Infectious Diseases (IATF),” wika ng DOTr.
Ayon kay Executive Secretary Salvador Mediadelia na sa nilagdaan niyang memorandum noong Nov. 16, ang pagsusuot ng face shield ay hindi na mandatory sa mga lugar na may Alert Levels 1,2 at 3 at ito ay magiging voluntarily na lamang.
Sa mga lugar naman na may Alert Level 4, ang mga lokal na pamahalaan at mga pribadong establemiento ay binigyan ng discretion sa paggamit ng face shields. Para naman sa mga lugar na may pinakamahigpit na Alert Level, ang paggamit ng face shield ay mandatory pa rin.
Dagdag pa ni Mediadelia na ang mga lokal na pamahalaan na nasa ilalim pa rin ng lumang community quarantine system ay may kanikanilang discretion sa pagpapatupad ng batas tungkil sa paggamit ng face shield.
Nilinaw naman ng DOTr na kahit na hindi na kailangan ang pagsusuot ng face shield, ang mga pasahero ay pinapayuhan at pinaaalahanan na kailangan pa rin nilang sumunod sa pagsunod ng minimum public health standards sa mga pampublikong transportasyon.
Kabilang dito ang paggamit ng face masks, mahigpit na pagpapatupad ng social distancing, parating pagkakaron ng sanitation sa mga pampublikong sasakyan, pagbabawal sa paguusap at pagkain sa loob ng mga sasakyan. LASACMAR
-
Apat na broadcasting company, pinagkalooban ni PDu30 ng prangkisa
APAT na broadcasting company ang pinagkalooban ni Pangulong Rodrigo Roa Duterte ng prangkisa. Inaprubahan ni Pangulong Duterte na makapag- operate sa loob ng 25 taon ang mga broadcasting company gaya ng Soundstream broadcasting corporation, Nation Broadcasting Corporation, GV Broadcasting System o mas kilala bilang Cignal TV at sa Real Radio network. […]
-
Indemnity agreement, hindi lang para sa Pilipinas kundi pambuong mundong kasunduan-Malakanyang
ITINANGGI ng Malakanyang na tanging ang Pilipinas lang ang bansa na hinihingan ng mga vaccine manufacturers ng indemnification agreement. Sinabi ni Presidential Spokesperson Harry Roque, walang katotohanan ang naturang impormasyon at nakasaad aniya sa COVAX Facility na sadyang kailangang magkaroon ng kasunduan sa panig ng COVAX, mga gumagawa ng mga bakuna at ng mga […]
-
4.5-M Pinoys na nakapagbukas ng bank account gamit ang national ID
Nasa 4.5 million ang bilang ng mga Pinoy na nakapagbukas ng “bank account” gamit ang national ID. Malaking tulong aniya ang national ID upang tugunan ang financial inclusion lalo na sa mga low-income households. Sa report na natanggap ni Finance Secretary Carlos Dominguez III, sinabi ng LandBank of the Philippines na […]