• July 3, 2024
  • Search in People's Balita

  • Ang Diyaryong Pinagkakatiwalaan

 

Fernando, isinusulong ang positibong pagka-makabayan, nangakong protektahan ang dangal ng Bulacan

LUNGSOD NG MALOLOS – Ikintil ang positibong pagka-makabayan at itaguyod ang dignidad ng mga Bulakenyo, ito ang nais ni Gobernador Daniel R. Fernando at nangako itong poprotektahan ang dangal ng lalawigan laban sa mga sumusubok na bahiran ang kadakilaan nito.
Kamakailan, ipinatawag ni Fernando ang mga may-ari ng isang public utility vehicle na jeep, matapos kumalat muli sa online ang nakababastos na larawan nito na may nakasulat na slogan sa estribo na nagsasabing “Para umasenso ang Bulacan, kali**gan ay tigilan” na muling nag-trending.
“Batid po ng inyong Lingkod ang kumakalat ngayong larawan sa social media hinggil sa mga bastos na katagang nakasulat sa estribo ng isang jeep. Dahil po sa mga concerned citizen, ito po ay nakarating sa aming opisina at agad namin itong inaksyunan upang ito ay maitama dahil ang ano mang uri ng pambabastos sa Lalawigan ng Bulacan o sa kahit anong bayang nasasakupan nito, kailanman ay hindi makakalagpas at akin pong sinisigurado na ito ay mapananagutan,” anang gobernador.
Nagpahayag naman ng public apology ang mga may-ari ng jeep na may ruta mula Baliwag hanggang Malinta at nakiusap kay Fernando at sa mga Bulakenyo na sila ay bigyan ng isa pang pagkakataon para itama ang kanilang pagkakamali at ipinangako na hindi na nila ito muling gagawin.
“Humihingi po kami ng kapatawaran kay Gov. Daniel at sa mga Bulakenyo sa aming nagawang kasalanan, sa pagpayag na makita pa ng marami o mabasa ito ng mga nakakakita dahil sa ito ay public utility. Hinihingi po namin ito ng kapatawaran at nawa po ito ay huwag ninyo na pong pamarisan,” anila.
Samantala, sinigurado naman ni Fernando na naiintindihan ng mga may-ari ng jeep kung saan siya nanggagaling at ipinaliwanag na dapat nilang ipagmalaki ang probinsiyang kanilang kinabibilangan.
“Pagyurak po sa dangal ng probinsiya, iyan po ang ibig sabihin niyan. Kailangang iyan ay ayusin dahil ang bawat lugar po dito sa lalawigan ay pino-promote po ng maayos. Kung saan ka nakatira, dapat ipinagmamalaki mo, hindi ‘yung ganyan na niyuyurak ninyo ang lalawigan. Hindi po mahirap ang Bulacan dahil umaasenso na po tayo, papunta na sa atin ang mga development,” ani Fernando.
Kasalukuyan namang pinag-aaralan ng Provincial Legal Office sa pamumuno ni Abgd. Gerard Nelson C. Manalo ang mga posibleng kaparusahan sa mga may-ari ng jeep na gumawa ng paglabag. (BISHOP JEMBA BASCO)
Other News

  • FDCP LEADS PHILIPPINE DELEGATION TO BUSAN INTERNATIONAL FILM FESTIVAL 2020

    FOUR films, one film project, and 10 production companies are among the representatives of Philippine Cinema in the 25th Busan International Film Festival (BIFF) in South Korea.   “Death of Nintendo” by Raya Martin, “Cleaners” by Karl Glenn Barit, “How to Die Young in Manila” by Petersen Vargas, and “Kids on Fire” by Kyle Nieva […]

    read more

  • 50 milyong syringe vs COVID-19, nasayang

    Ibinisto ni Foreign Affairs Secretary Teodoro Locsin Jr., na pinalampas umano ng pamahalaan ang pagkakataong makakuha ng 50 milyong heringgilya.     Sa twitter account ni Locsin, sinabi nito na tina­lakay sa Washington DC ang pangangailangan para sa mga heringgilya subalit tumanggi ang mga ahensiya ng Pilipinas na pag-usapan ang mga detalye tungkol dito.   […]

    read more

  • ‘Walang patawad, areglo sa korap’- Duterte

    TINIYAK ni Pangulong Rodrigo Duterte na hindi niya papatawarin at hindi maaaring aregluhin ang mga kaso ng korapsiyon.   Ayon sa Pangulo, ka-tulad ng droga, walang dapat pinapaboran pagdating sa korapsiyon dahil galit siya sa mga nasabing isyu.   “I do not forgive cases sa mga corruption. Wala talaga. Walang areglo, wala lahat. No quarters […]

    read more
People's Balita.
All rights reserved. © Copyright 2024.