Good governance tinitiyak ng LGU ng Quezon City
- Published on November 30, 2023
- by @peoplesbalita
TINIYAK ni Quezon City Mayor Joy Belmonte sa kanyang mga nasasakupan na ipagpapatuloy ng kanyang administrasyon ang Good Governance na kasalukuyang tinatamasa ng lungsod Quezon.Sa katatapos na State of the City Address, sinabi ng Alkalde na kung susumahin ang nagawa ng ating lokal na pamahalaan, masasabing malayo na ang narating, ngunit malayo pa ang maaaring abutin. Dagdag pa ni Belmonte, hindi lang natatanaw ang magandang kinabukasan at ramdam na ramdam na ito ng ating mga mamamayan.
Matatandaan na bago maupo si Belmonte bilang local chief executive ng Quezon City, ay mayroon lamang 16 billion pesos na tax collection ang lungsod. At nang magsimula na syang manungkulan noong 2019 ay umabot ang tax collection ng LGU sa 19.3 billion pesos at mula noon ay naging consistent sa pagtaas at ngayong Oktubre ay nasa 20.3 billion pesos na ang nakokolekta ng City Treasurer’s Office at inaasahang aabot pa ito sa 21 Billion pesos sa pagtatapos ng taon.
Paliwanag pa ng Alkalde, 38% o aabot sa 13.4 billion pesos ang nagamit sa social services ng lungsod, 5 billion pesos sa edukasyon at 3.4 billion pesos naman sa infrastructure development.
Sa kabila ng malaking budget, tinitiyak ni Belmonte na ang lahat ng pera ay nagagamit nang tama at maayos at ang lahat ay well accounted for hanggang sa kahuli-hulihang sentimo. Patunay aniya diyan ang mga parangal na natatanggap ng lungsod mula sa Commission on Audit. (PAUL JOHN REYES)
Other News
-
PBBM, ipinag-utos na pag-aralang mabuti ang pagsama ng TVET sa SHS curriculum
IPINAG-UTOS ni Pangulong Ferdinand R. Marcos Jr. ang integrasyon o pagsama ng technical and vocational education and training (TVET) sa curriculum ng senior high school (SHS). Ang direktiba ay ibinigay ng Pangulo sa sectoral meeting sa Palasyo ng Malakanyang, layon na matiyak na ang mga SHS graduates ay “ready and employable for the […]
-
Ads November 9, 2021
-
Sotto malupit sa arcade game
TALAGANG buhay niya o nasa dugo niya ang basketball. Saan man makarating, basketbol pa rin ang hanap ng katawan ni National Basketball Association (NBA) prospect Kai Zahary Sotto. Bukod sa pagiging astig sa hardcourt, naghasik din ng shooting skills ang Pinoy phenom sa basketball arcade game. Ibinahagi ng 18-anyos sa kanyang latest Instagram story na […]