Grupo ng mga PUJ, magbabawas ng biyahe at designated stops’
- Published on March 15, 2022
- by @peoplesbalita
DAHIL na rin umano sa nagbabadya na namang pagtaas ng presyo ng mga produktong petrolyo sa ika-11 sunod-sunod na linggo, mapipilitan na raw ang mga driver ng public utility jeepneys (PUJs) na magbawas ng kanilang mga biyahe.
Ito ay para makatipid sa pera at krudo.
Sinabi ni 1-UTAK chair Atty. Vigor Mendoza II, na asahan na ng publiko ang pagbaba ng mga jeepney units na papasada sa ilang ruta sa buong bansa bukas o sa Miyerkules.
Ayon kay Mendoza, isa sa mga idinadahilan ng drivers ang mataas na presyo ng petrolyo dahil malulugi ang mga ito kapag tataas pa ulit ang presyo ng petrolyo bukas.
Tinitignan din aniya ng mga driver ang maintenance ng sasakyan at ang posibilidad na maaksidente ang mga ito habang nasa biyahe na magiging dagdag pasanin pa ng mga ito kung sakali.
Dagdag ni Mendoza, tototohanin daw ng mga driver ang kanilang banta na stop operations pero hindi naman ito bilang protesta kundi dahil sa kawalan na ng pera ng mga ito.
Ilan na rin aniya sa mga jeepney operators ay ibinaba na ang kanilang boundaries sa 60 percent para matulungan ang mga driver.
Inirekomenda rin nito sa pamahalaan na magpatupad na ng designated stops sa mga PUJ para makatipid ng kahit limang porsiyento ang mga driver kada linggo o katumbas ng P75 hanggang P100 savings kada araw.
Paliwanag niya, ang mga jeep kasi ay saan-saan lamang humihinto kung nasaan ang mga pasahero kaya mainam na mayroong
Sa fuel forecast mula Enero 15 hanggang 21, sinabi na ng Unioil Petroleum na posibleng pumalo ang kada litro ng diesel sa P12.20 hanggang P12.30.
Ang gasolina naman ay posibleng pumalo sa P6.80 hanggang P7 ang umento sa kada litro.
Sinabi naman ni Pinagkaisang Samahan ng mga Tsuper at Operator Nationwide (PISTON) national president Mody Floranda, na malaki itong sorpresa sa mga tsuper na tatamaan ng malakihang increase. (Daris Jose)
-
2 welder na ‘tulak’ laglag sa P340K droga sa Caloocan
DALAWANG welder na kapwa umano sangkot sa pagtutulak ng illegal na droga ang timbog sa ikinasang buy bust operation ng pulisya sa Caloocan City, Miyerkules ng madaling araw. Kinilala ni Caloocan police chief P/Col. Ruben Lacuesta ang mga naarestong suspek na sina alyas “Mata” at alyas “Buyong”, kapwa residente ng lungsod. […]
-
Metro Manila mayors nagkasundo na ipatupad ang 5-year Metro Manila traffic plan
NAGKASUNDO ang mga alkalde ng Metro Manila at iba pang ahensya ng gobyerno na ganap na ipatupad ang isang komprehensibong plano sa trapiko para maibsan ang pagsisikip sa National Capital Region (NCR) bilang pag-asam ng mas magandang aktibidad sa ekonomiya sa susunod na limang taon. Sinabi ni Atty. Romando Artes, acting chairman ng […]
-
Mga Pinoy sa India na nasa repatriation program ng gov’t, ‘exempted’ sa travel ban – Palasyo
Nilinaw ng Malacanang na ang mga Pinoy workers sa India at anim pang bansa na kabilang sa repatriation programs ng pamahalaan at mga recruitment agencies ay maaari pa ring makapasok sa Pilipinas. Ito’y sa kabila ng nakapataw na travel ban sa India, gayundin sa Pakistan, Bangladesh, Sri Lanka, Nepal, United Arab Emirates, at […]