• May 26, 2024
  • Ang Diyaryong Pinagkakatiwalaan

Hindi ako ang PBA GOAT – “The Kraken”

PAHINGA na si June Mar Fajardo dahil sa injury sa halos buong 45th Philippine Basketball Association (PBA) 2020, pero nagmarka na siya sa nakalipas taon na maaaring mas mataas pa sa kanyang 6-foot-10 na tangkad.

 

Katotohanan ito nang pang-anim na sunod niyang Most Valuable Player award na tinanggap sa Leopoldo Prieto Awards 444h PBA Season 2019 sa Smart Araneta Coliseum sa Quezon City.

 

Umupo electric single-seater tricycle ang San Miguel Beer slotman para hindi mabugbog ang kanang paa na nabali at sumailalim na sa operasyon nitong Enero.

 

At sa dami ng koleksiyon niyang MVP trophies, maaring sabinang nang siya na ang greatest of all time o GOAT ng propesyonal na.

 

“Hindi naman,” mahinang pero nakangiting tugon ng basketbolistang Cebuano. “Maraming mas magagaling. Kung ano lang ‘yung bigay ni God sa atin, thankful tayo du’n.”

 

Maaaring sa kalagitnaan na ng season-ending Governors Cup makabalik sa court si The Kraken.

 

All-smiles ang higanteng habang kinukuha ang award, kahit nanghihinayang na matetengga siya nang matagal.
“Baka may plano si God sa akin,” pahabol niya.

 

Kasama ni Fajardo ang mga magulang na sina Bonifacio at Maritess sa entablado sa record na limang MVP awards noong isang taon, na pinahaba pa niya sa tagpong ito.

 

“Who knows, ‘di ba?” anang 30-anyos na mainstay sa posibilidad na makapito pang MVP trophy.

 

“For sure, gusto kong makabalik soon kasi gusto kong makatulong sa team,” wakas ni Fajardo. “Pero sinasabi ng doctors, coaches, management na huwag ko madaliin. So, kontrol lang sa sarili.”

 

Sa award ay awtomatikong nasama si June Mar sa pang-anim na sunod din niya ring First Mythical Team selection sina Jayson Castro ng Talk ‘N Text, Christian Standhardinger at Sean Anthony ng NorthPort, at Christian Jaymar Perez ng Columbian Dyip.

 

Si Perez din ang tinanghal na Rookie of the Year.

 

Nasa All-Defensive Team din sina Fajardo at Perez kasama sina Beerman Christopher Ross, Anthony, at Japeth Aguilar ng Barangay Ginebra San Miguel.

 

Swak sa Second Mythical Team sina Roger Ray Pogoy at Jeth Troy Rosario ng TNT, Stanley Pringle, Jr. kapwa Gin King Aguilar, at Ian Sangalang ng Magnolia Hotshots.

 

Itinaas ni Gabe Norwood ng Rain or Shine ang pangatlo niyang Avelino Lim, Jr. Sportsmanship award, Sii Moala Tautuaa ng SMB nakopo ang una niyang individual recognition bilang Most Improved Player.

 

At sa unang pagkakataon ay namigay ng ibang awards ang PBA. Team Staff si league pioneer ballboy Raffy Hanopol, PBA Loyal Employee si ticketing official Gerry Mesias, at Bida Fans sina Jhun ‘Sharon’ Nuestro at Tess Villanueva.

Other News
  • Paalala ng CHR: listahan ng mga unvaccinated residents hindi dapat lumabag sa ‘right to privacy’

    PINAALALAHANAN ng Commission on Human Rights (CHR) ang mga barangay officials na hindi dapat mauwi sa paglabag sa “right to privacy” ng mga residente na makakasama sa listahan ng mga hindi bakunado.     Ang panawagan na ito ni CHR spokesperson and lawyer Jacqueline Ann de Guia ay matapos na magpalabas ang Department of the […]

  • Navotas Greenzone Park Phase 3

    PINANGUNAHAN nina Mayor John Rey Tiangco at Congressman Toby Tiangco, kasama si Atty. Romando Artes, acting MMDA chairperson ang inagurasyon at pagbabasbas ng bagong bukas na Navotas Greenzone Park Phase 3 na matatagpuan R10, Brgy. North Bay Blvd. North. Ang parke ay isa sa mga Adopt-a-Park projects ng Metro Manila Development Authority (MMDA). (Richard Mesa)

  • Mas marami ng mga Bulakenyo ang makikinabang sa serbisyong medikal

    LUNGSOD NG MALOLOS – Mas marami ng mga Bulakenyo ang makikinabang sa serbisyong medikal makaraang pasinayaan ng Pamahalaang Panlalawigan ng Bulacan sa pangunguna ni Gobernador Daniel R. Fernando ang bagong Outpatient Department ng Bulacan Medical Center sa isang programa na isinagawa sa bagong OPD building na matatagpuan sa Bulacan Medical Center Compound, Brgy. Guinhawa dito […]