Hirit sa Kongreso na P2 bilyong pisong supplemental budget para sa DoH
- Published on March 9, 2020
- by @peoplesbalita
KUMBINSIDO ang Malakanyang na hindi naman ipagdaramot ng Kongreso ang hirit ng Department of Health na dalawang bilyong pisong supplemental budget para sa patuloy na pagtugon ng gobyerno sa banta ng COVID-19.
Nauna rito ay umapela si Health Secretary Francisco Duque III sa liderato ng kongreso na aprubahan ang supplemental budget sa panahong ito na hindi pa rin natitigil ang pagkalat ng COVID-19 at mahigpit ang panga-ngailangang ma contain ang virus.
Ayon kay Presidential spokesperson Salvador Panelo na sa ganitong emergency situation at hindi naman talaga pangkaraniwan ang mga hakbang na ipinatutupad ng pamahalaan para pigilan ang COVID- 19, hindi mag-aatubili ang mga mambabatas na aprubahan ang pagpasa ng hinihinging supplemental budget.
Kaya nga, naniniwala si Sec. Panelo na hindi na kailangan pang susugan ni Pangulong Duterte ang mga mambabatas para lamang ipasa ang hinihinging supplemental budget, dahil may kusa naman ang mga ito para sa mga dapat nilang gawin lalo na sa panahon ng emergency.
Sa kabilang dako, gaya ng nauna nang ginawang hakbang ng gobyerno sa mga Pilipinong sakay ng M/V Diamond Princess cruise ship, handa rin ang pamahalaan na ipatupad ang katulad na health safety protocol sa mahigit 500 Pilipinong sakay ng isa na namang cruise ship na hinold sa California dahil sa COVID- 19.
Ani Sec. Panelo na makabu-buting hintayin na muna ang development hinggil dito, dahil sa ngayon ay wala pa namang request para sila ma repatriate o mapabalik dito sa Pilipinas. (Daris Jose)
-
Inaming may pagkakataon na bumigay na at nagkasakit: AIKO, nahihirapang pagsabayin ang pagiging public servant at pag-aartista
KAHIT walang gintong medalyang napanalunan ay hindi naman umuwing luhaan ang Pinoy world champion gymnast na si Carlos Yulo sa katatapos lamang na 2022 Artistic Gymnastics World Championships na ginanap sa Liverpool sa England nitong November 6. Nakopo ni Carlos ang dalawang medalya at sapat na upang ipagbunyi siya ng buong Pilipinas; nasungkit […]
-
2 sa 5 sugarol na natimbog sa Caloocan, buking sa boga at patalim
NABISTO ang dalang baril at patalim ng dalawa sa limang kalalakihan matapos maaktuhan ng pulisya na naglalaro ng ilegal na sugal sa Caloocan City. Tinangka pang tumakas nina alyas “Calatay” at “Tablante” nang matiyempuhan sila at tatlo pang kasama ng mga tauhan ni Caloocan police chief P/Col. Ruben Lacuesta habang nagsusugal ng ‘cara […]
-
Bulacan, walang community transmission ng UK, South African variants
LUNGSOD NG MALOLOS– Nilinaw ng Pamahalaang Panlalawigan ng Bulacan na sa ngayon ay wala pang naitatalang hawaan sa komunidad sa lalawigan ng Bulacan ng anumang COVID-19 variant partikular na ng UK at South African variant. Ayon kay Provincial Health Officer II Dr. Hjordis Marushka Celis ng Bulacan Medical Center, nakapagtala o may natukoy na […]