HTAC hugas-kamay sa nasayang na 31M COVID bakuna
- Published on November 30, 2022
- by @peoplesbalita
NAGLABAS ng pahayag ang Health Technology Assessment Council (HTAC) matapos ibunton ni Iloilo Rep. Janet Garin ang sisi sa kanila sa nasayang na 31 milyong dose ng COVID-19 vaccine na nagkakahalaga ng P15.6 bilyon.
Base sa pahayag ni Garin, bawat desisyon umano ng Department of Health (DOH) ay dadaan muna sa HTAC, na may ilang sitwasyon na masyadong matagal magdesisyon o magbigay ng rekomendasyon.
Dagdag ni Garin, habang ang ibang mga bansa ay nagtuturok na ng COVID-19 booster shot, ang HTAC ay hindi pa nakakapagpasya kung kailan magbibigay nito at naghihintay pa rin sa resulta ng kanilang mga clinical trial.
Depensa ng HTAC, ang pagkasayang ng mga COVID-19 vaccine ay maiuugnay sa hindi paggamit sa bakuna dahil sa pag-aalinlangan ng mga taong magpaturok, problema sa logistic, labis na pagtatantya sa pagbili dahil sa hindi naaangkop na mga pagpapalagay at hindi pagkakaunawaan ng private at public sector sa logistic mobilization.
Hindi umano hawak at kontrolado ng HTAC ang pamamahala sa naturang mga proseso katulad sa negosasyon sa pagbili ng bakuna, presyuhan nito, desisyon sa pagbili ng pribadong sektor, pagpaplano, forecasting at deployment ng mga COVID-19 vaccine.
Ang inilalabas umano nilang rekomendasyon ay nagsisilbing gabay para sa DOH at Philippine Health Insurance Corporation sa pagdedesisyong pinan¬syal sa pagbili ng mga health technology.
Binigyang-diin ng HTAC na kailanman ay hindi sila naging dahilan ng pagka-delay sa implementasyon ng booster shot. (Daris Jose)
-
Truck driver at helper, kinasuhan sa pagmamaniobra ng palitan ng manok
SINAMPAHAN ng National Bureau of Investigation-Organized and Transnational Crime Division (NBI-OTCD) ang dalawang indibidwal na responsible sa pagpapalit ng mga buhay na mga manok na nagresulta sa pagkakalugi ng mahigit P200K ng isang poultry company. Kasong Qualified Theft sa ilalim ng Article 308 in Relation to Article 310 of the Revised Penal Code […]
-
Captain Marvel Returns with New Super Hero Allies in Cinemas and IMAX on November 8
BRACE yourselves as Marvel Studios serves up a thrilling treat. They’ve released exciting new sneak peeks of the much-anticipated The Marvels. Plus, to double the excitement, brand-new posters have landed. But that’s not all; tickets for the epic adventure are now on sale! The wait is over! You can now secure […]
-
Mga Pinoy sa HK, binabantayan na ng DOLE dahil sa ‘mandatory vaccination order’
Tiniyak ng Department of Labor and Employment (DOLE) na binabantayan na nito ang kasalukuyang sitwasyon sa Hong Kong kasunod nang naging desisyon ng gobyerno nito na gawing mandatory ang pagbabakuna laban sa coronavirus disease sa libo-libong banyagang manggagawa sa naturang rehiyon. Ayon kay Director Rolly Francia, mino-monitor na raw ng DOLE ang pagpapatupad […]